FUN Uncategorized

ချစ်တဲ့ ယံယံ

ဘာ။ ဒီအချိန်ကြီးဆော့စရာလား။ ကုတင်ပေါ်ကလည်း ဘယ်လိုခုန်ဆင်းလည်းကြည့်။ မေမေသိရင်တော့ သစ်သစ်နာတော့မယ်ကြည့်။ တီလေးမေမေနဲ့ မတိုင်ခင် မြန်မြန်အိပ်။

သောကြာနေ့ဆို ကျွန်မအရမ်းပျော်တယ်။ ရုံးပိတ်ရက်နှစ်ရက်ကြီးမျှတောင် လာတော့မယ်ဆိုတော့ စိတ်ထဲကကို ကျေနပ်နေတာ။ ဒီနေ့လည်း ရုံးမှာကိုယ်တွေက အတက်ကြွဆုံး။ အမြဲမန်နေဂျာဆီမှာ အဆူခံနေရတဲ့ကျွန်မ ဒီနေ့တော့အချီးကျူးတောင်ခံလိုက်ရသေး။ အဲ့ဒီ့လိုနဲ့ပဲ ကျွန်မစောင့်မျှော်နေတဲ့ ရုံးဆင်းချိန်ကြီး ကျရောက်လာပါတော့တယ်။

မိုးပွားလေးတွေကျပြီး ရာသီဥတုက အေးစိမ့်လာတယ်။ မြေသင်းနံ့လေးတွေပါရလို့။ မုန့်လင်မယားကြော်ရနံ့ရဲ့ဆွဲဆောင်မှုကြောင့် အိတ်ထဲက ၅၀၀ထွက်သွားတယ်။ မုန့်လင်မယားလည်းစား၊ မိုးရနံ့ကလေးလည်းရှူရှိုက်ရင်းနဲ့ ဇိမ်ပြေနပြေလျှောက်လိုက်တာ အိမ်ကိုသာမန်ထက် ၁၀မိနစ်လောက်နောက်ကျသွားလေရဲ့။

လူခေါ်ဘဲလ်တီးရင်း မုန့်လင်မယားကိုငမ်းစားနေတာ တံခါးလာဖွင့်တာဘယ်သူမှန်းတောင်မသိလိုက်ဘူး။ တစ်ဖက်ကအသံပေးတော့မှ…

-ဟဲ့။ ကြယ်စင်။ ဘာတွေအဲ့လောက်ငမ်းစားနေရတာလဲ။

-ဟယ်..မမရောက်နေတာလား။ ကြိုလည်းဖုန်းမဆက်ဘူး။ ဒီလိုမှန်းသိ မြန်မြန်လျှောက်လာတယ်။

-ကဲ။ အထဲဝင်ပါ။

-သစ်သစ် ရောမပါဘူးလား။

-မပါလို့ရမလား။ ဟော..ဟိုမှာနင့်တူမက သူ့ဖွားအေနဲ့ ရုပ်ရှင်ထိုင်ကြည့်နေတယ်။

-ဘယ်တော့ပြန်မှာလည်း မမတို့။

-ဟယ်။ နင်ကငါတို့ကိုပြန်စေချင်တာလား။

-အဲ။ ဟုတ်ပါဘူး။ ဒီတိုင်းမေးတာလေးကို။

-မပြန်တော့ဘူး။ အမေတို့အဖေတို့ နင်တို့ကို မတွေ့တာကြာပြီမို့ ဒီနေ့နဲ့ မနက်ဖန်ညအိပ်မှာ။ဆန်းဒေး ညနေ နင့်ခယ်အိုလာခေါ်လိမ့်မယ်။

ကျွန်မနဲ့ မမနဲ့က အသက်အရွယ်အားဖြင့် ၆နှစ်လောက်ကွာပေမယ့် သူငယ်ချင်းတွေလိုပဲ ငယ်ငယ်ကတည်းကနေလာတာ။ မမအိမ်ထောင်ကျပြီးနောက်ပိုင်းတော့ ကိုယ်တွေလည်း အိမ်မှာပျင်းလာသိလို၊ တစ်ခါတစ်ခါကျပြန်တော့ အထီးကျန်သလိုတောင်ဖြစ်လာတာ။ ညီမနှစ်ယောက်တည်းရှိတာကိုး။

အခုလည်းမမ နှစ်ညတည်းမယ်ဆိုတာနဲ့တင် ကိုယ့်အပြုံးတွေ နားထိတက်ချိတ်လို့။ အထူးသဖြင့် ချစ်စရာတူမ သစ်သစ်လေးပါလာတော့ ပျော်လို့ကိုမဆုံးဘူး။ ကလေးချစ်တတ်သူပီပီ ပါးဖောင်းဖောင်းအစ်အစ်လေးနှင့် နှုတ်ခမ်းဆူပြီးစကားပြောတတ်သော (၂)နှစ်ခွဲအရွယ်ရှိတဲ့ တူမလေး သစ်သစ်နဲ့ဆော့ရရင် စိတ်ဖိစီးမှုတွေတောင် ဘယ်ပျောက်မှန်းမသိတော့ဘူး။

မိသားစုအစုံ ညစာတူတူစား၊ တီဗီတူတူကြည့်နဲ့အပျော်ပေါ်အပျော်ဆင့်လို့။ မေမေနဲ့ဖေဖေက စောစောသွားအိပ်ကြပြီ။ မမနဲ့ ကျွန်မကတော့ အိမ်ရှေ့ဧည့်ခန်းမှာထိုင်ရင်း ငယ်ငယ်တုန်းကအမှတ်တရတွေ၊ ပြောဖို့ကျန်တဲ့အကြောင်းတွေ စသဖြင့်ဟိုဒီအကြောင်း အချင်းချင်းပြောဖြစ်ကြတယ်။ သစ်သစ်လေးကတော့ ကျွန်မအိပ်ခန်းထဲက ဝက်ဝံရုပ်လေးနဲ့သောင်းကျန်းလို့။ အရုပ်ကြိုက်တတ်တဲ့ ကျွန်မအခန်းထဲ အဝင်ချင်ဆုံးကတော့ သူပဲဖြစ်ပါလိမ့်မယ်။ သူလာကတည်းက ပန်းနုရောင်ဝက်ဝံရုပ်လေးကို လက်ကမချပဲဆော့နေတော့တာ။နာမည်တောင်ပေးထားသေး။ ယံယံတဲ့။

ည ၁၁နာရီထိုးမှ သစ်သစ်ကို သိပ်ဖို့ ကျွန်မတို့အခန်းထဲဝင်သွားကြတယ်။ သစ်သစ်က ကုတင်ပေါ်မှာ အရုပ်ကလေးနဲ့ဆော့ရင်း အိပ်ပျော်နေရှာပြီ။ မမလည်း သစ်သစ်လေးကို နေသားတကျဖြစ်အောင် အလယ်မှာထားပြီး ဘေးတစ်ဖက်တစ်ချက်စီမှာ ကျွန်မတို့နှစ်ယောက်အိပ်ကြတယ်။ မမရှိတုန်းက နှစ်ယောက်အိပ်ကုတင်ကြီးကို မရောင်းစားပစ်လို့ အခုလို အဆင်ပြေပြေအိပ်ကြရတာ။

==============================================================

နားထဲမှာ စကားပြောသံကြားလို့ မျက်လုံးဖွင့်ပြီး ဘေးဘီကြည့်တော့ မမအိပ်နေတယ်။ သစ်သစ်…သစ်သစ်ပျောက်နေလို့ လန့်ဖျပ်ပြီးထကြည့်တော့မှ မယ်မင်းကြီးမက ကုတင်အောက်မှာထိုင်ပြီး ဝက်ဝံရုပ်လေးနဲ့ဆော့နေတယ်။

-ဟယ်..သစ်သစ် ဒီအချိန်ကြီးထပြီး အဲ့ဒီ့မှာဘာလုပ်နေတာလဲ။

ကျွန်မလည်း ကုတင်ပေါ်ကဆင်းပြီး သစ်သစ်ကို သွားချီလာရတယ်။ ကုတင်ပေါ်ရောက်မှ သစ်သစ်ကရယ်ပြီး..

-ဟီးဟီး..တီလေး၊ သစ်ကဆော့နေတာ။

-ဘာ။ ဒီအချိန်ကြီးဆော့စရာလား။ ကုတင်ပေါ်ကလည်း ဘယ်လိုခုန်ဆင်းလည်းကြည့်။ မေမေသိရင်တော့ သစ်နာတော့မယ်ကြည့်။ တီလေးမေမေနဲ့ မတိုင်ခင် မြန်မြန်အိပ်။

မမပြောတာမှန်တယ်။ သစ်က သိပ်အဆော့မက်တာပဲ။ညတစ်ရေးနိုးတောင် ထဆော့ရတယ်လို့။ ကျောကလေးအသာအယာပွတ်ပေးပြီး ငါးမိနစ်လောက်ကြာတော့ သစ်လေးပြန်အိပ်ပျော်သွားတယ်။

===============================================================

စနေနေ့ ရုံးပိတ်ရက်ပေမယ့် စာရင်းလုပ်စရာအလုပ်ပေါ်လာတော့ သစ်သစ်နဲ့တောင်မဆော့အားပဲ စာရင်းလုပ်နေရတယ်။ သစ်သစ်ကတော့ အခန်းထဲမှာဆော့လိုက်။ အိမ်ရှေ့သွားလိုက်၊ နောက်ဖေးသွားလိုက်နဲ့ အလုပ်ကိုရှုပ်လို့။ မမနဲ့ မေမေကတော့ မီးဖိုချောင်းထဲသောင်တင်နေလေရဲ့။

ညနေစောင်းလောက်လဲရောက်ရော မမနဲ့မေမေက ဘုရားသွားမယ်ဆိုပြီးကျွန်မကိုလာခေါ်ရော။ ကိုယ်တွေကလည်း စာရင်းဇယားတွေလုပ်တာမပြီးသေးတော့ အိမ်မှာနေနှင့်မယ်ပဲပြောလိုက်တယ်။ မမလည်း သစ်သစ်ကို မခေါ်သွားချင်တာနဲ့ ကျွန်မနဲ့ပဲထားခဲ့တယ်။

သစ်သစ်ကို အခန်းထဲမှာ အိုးပုတ်တွေ၊ ဝက်ဝံရုပ်တွေနဲ့ထားခဲ့ပြီး ဧည့်ခန်းထဲမှာ ကိုယ်တစ်ယောက်တည်း စာရင်းလုပ်နေလိုက်တယ်။ မဟုတ်ရင်ဘေးကနေ လာနှောင့်ယှက်မှားစိုလို့။ တစ်နာရီလောက်အကြာမှာ ကိုယ်တွေလည်းညောင်းလာတာနဲ့ laptop ကိုခဏချပြီး သစ်သစ်ကိုသွားကြည့်ဖို့ အခန်းဖက်လျှောက်သွားတယ်။ အခန်းထဲရောက်တော့ သစ်သစ်ရဲ့စကားပြေားပြီးရယ်သံကိုကြားလိုက်ရတယ်။ အံ့သြစရာကောင်းတာက ပြင်သစ်စကားလုံးတွေကို လိုက်ရွတ်ပြီးရယ်နေတာပါ။

ကျွန်မ B.A French နဲ့ ကျောင်းပြီးတာ (၂)နှစ်ရှိပြီ။ သစ်သစ်ရှေ့မှာလည်း တစ်ခါမှပြင်သစ်လို မရွတ်ဖူးဘူး။ အသိုင်းအဝိုင်းထဲမှာလည်း ပြင်သစ်စကားတတ်သူ၊ နားလည်သူ ကျွန်မအပြင်မရှိသေးဘူး။ ဒါနဲ့ကျွန်မ သစ်သစ်ဆီပြေးသွားပြီး ဒူးထောက်ထိုင်ချလိုက်တယ်။ သစ်သစ်က ကျွန်မကိုမြင်တော့ စကားပြောတာရပ်သွားတယ်။

-သစ်သစ်၊ အခုနက စကားတွေကို ဘယ်သူသင်ပေးတာလဲ။ မေမေသင်ပေးတာလား။

သစ်သစ်ခေါင်းယမ်းပြီး ကျွန်မဘေးက ပန်းရောင်ဝက်ဝံရုပ်ဘက်ကိုလှည့်ကြည့်နေတယ်။ ပြောလို့ပြောတာမဟုတ်ဘူး။ သာမန်မဟုတ်တာသိပြီမို့ ကျွန်မကျောချမ်းလာပြီ။ ဒါပေမယ့် သိချင်စိတ်ကများပြီး တံတွေးမျိုချကာ-

-ဒါဆိုဘယ်..ဘယ်သူသင်ပေးတာလဲ။

သစ်သစ်လေးက ပြုံးရယ်ရင်း…

-ယံယံ သင်ပေးတာ။

-ဝက်ဝံရုပ်က စကားမှမပြောတတ်တာ သစ်သစ်ရယ်။

-ယံယံက ဝက်ဝံရုပ်မဟုတ်ဘူး တီလေးရ။ သစ်သူငယ်ချင်း။

-သူဘယ်မှာလဲ။

-ဝက်ဝံရုပ်နောက်မှာ။ တီလေးကို ကြည့်နေတယ်။

ကျွန်မကြောက်ပေမယ့်လည်း ဟန်ထိန်းပြီးလှည့်ကြည့်လိုက်တယ်။ ဘယ်သူမှမရှိဘူး။ အဲ့ဒါနဲ့ အရဲစွန့်ပြီး သစ်သစ်ကို မေးခွန်းတစ်ခုထပ်မေးလိုက်တယ်။

-သစ်သစ်၊ သူကဘယ်လိုပုံစံမျိုးလဲ။ သစ်သစ်တို့ တီလေးတို့လို လူပုံစံလား။ မဟုတ်ရင် အီးတီဂြိုဟ်သားလိုလား။

-တီလေးလိုပဲ။ သစ်သစ်ထက်အရပ်ရှည်ရီးပဲ။ မနေ့တုန်းက သူနဲ့ဆော့နေတာ။

-သူဘာတွေပြောလဲ သစ်သစ်။

-အများရီးပြောတယ်။ သစ်သစ်ကို မနေ့ညက သီချင်းတွေဆိုပြတယ်။ ပုံပြင်ပြောပြတယ်။ သူကခေါင်းကိုက်ပြီး သေသွားတာတဲ့။ တီလေးသိလား။ သူ့လည်ပင်းမှာ အရုပ်လေးလည်းဆွဲထားသေးတယ်။

ကျွန်မ ကမန်းကတန်းသစ်သစ်ကိုချီပြီး အိမ်ရှေ့ခန်းဆီထွက်လာလိုက်တယ်။ အိမ်ရှေ့ဆိုဖာပေါ်ရောက်တော့ မျက်ရည်တွေသူ့အလိုလိုစီးကျလာတယ်။ သစ်သစ်ကတော့ ကျွန်မကိုပဲ ကြောင်အမ်းအမ်းကြည့်ရင်း ဘာဖြစ်လို့လဲ တီလေး မငိုနဲ့လေ စသဖြင့် သူ့လက်လေးတွေနဲ့ မျက်ရည်လိုက်သုတ်ပေးပြီး ပြောနေလေရဲ့။

ယံယံဆိုတာ ဝေယံထက်လင်း။ တစ်ချိန်တုန်းက အရမ်းချစ်ခဲ့ရတဲ့ ကျွန်မချစ်သူ။ တစ်ကျောင်းတည်းတက်ခဲ့ရင်း ကြိုက်ခဲ့ကြတာ။ သူ့လည်ပင်းကအရုပ်ဆိုတာ ကျွန်မပုံ တက်တူး။ လွန်ခဲ့တဲ့ (၂)နှစ်က ခေါင်းကိုက်ဝေဒနာကို တစ်နှစ်လောက်ခံစားရပြီး ရုတ်တရက်ဆုံးသွားခဲ့တာ။ သူတို့ပြောတဲ့ရောဂါကို ကျွန်မရေရေ ရာရာမသိခဲ့ဘူး။ သိခဲ့ရင် သူ့ကို ကျွန်မတတ်နိုင်သလောက်စောင့်ရှောက်ခဲ့မှာ။ ကျွန်မတို့ရဲ့ ၃နှစ်ပြည့် နှစ်ပတ်လည်နေ့မှာ သူဆုံးသွားပြီလို့ သူငယ်ချင်းတွေဆီက သတင်းရတာ။ ကျွန်မငိုခဲ့ရတယ်။ တစ်နှစ်လောက်တိတိ ကျွန်မစိတ်ကျရောဂါသည်တစ်ယောက်ဖြစ်ခဲ့ရတယ်။ အမေတို့တော့မသိဘူးပေါ့။ ပြီးခဲ့တဲ့နှစ်ကမှ ကျွန်မကိုယ်ကိုယ် ကျွန်မအားပေးရင်း ပြန်အဆင်ပြေလာတာ။ ဒီနေ့ ကျွန်မတို့ရဲ့ ချစ်သူသက်တမ်း ၅နှစ်ပြည့်နှစ်ပတ်လည်။ ပန်းရောင်ဝက်ဝံရုပ်လေးက သူကျွန်မကို ပထမနှစ်ပတ်လည်တုန်းကပေးခဲ့တာပေါ့။

ကျွန်မမျက်ရည်သုတ်ပြီး သစ်သစ်ကိုချီကာ အခန်းထဲပြန်ဝင်သွားလိုက်တယ်။

-သစ်သစ်၊ ယံယံ အခုရှိသေးလား။

-ရှိတယ်။

ကျွန်မကြောက်စိတ်တွေပျောက်ပြီး ဆုံးရှုံးသွားတဲ့ ကိုယ့်ချစ်သူကို ပြန်ရသလိုခံစားလိုက်ရတယ်။ တစ်ဖက်က သူ့ကို ကျွန်မ မမြင်၊ မကြားရပေမယ့် သူရှိနေတယ်ဆိုတဲ့အသိက ကျွန်မကိုစိတ်ချမ်းသာစေတယ်။

-သစ်သစ်၊ သူအခုဘာလုပ်နေလဲ။

-တီယေးကို ကြည့်နေရယ်။

-တစ်ခုခုပြောနေလား။

-ယက်တမ်း တဲ့။

ယက်တမ်း (Je t’aime) ဆိုတာက ပြင်သစ်လို “ငါနင့်ကိုချစ်တယ်” လို့ အဓိပ္ပာယ်သက်ရောက်တယ်။

=================================================================

အချစ်ဆိုတာ သိပ်ဆန်းကြယ်တယ်နော်။ တကယ်ချစ်တတ်တဲ့ နှလုံးသားရှိရင် တမလွန်ထိချစ်သွားတယ်ဆိုတာမျိုးကို သူသက်သေပြခဲ့ပြီ။ အဲ့ဒီ့နောက်ပိုင်း ယံယံမရှိတော့ဘူး၊ တာ့တာပြသွားတယ်လို့ သစ်သစ်ပြောသံကြားတယ်။

သူမသေသေးပါဘူး။ ကျွန်မနှလုံးသားတစ်နေရာမှာ ရှင်သန်နေသေးပါတယ်။

Christina (For Her Myanmar)

Christina Rosy
နာမည်ကတော့ ခရစ္စတီးနားပါ။ အလွတ်တမ်း လက်ထောက်အယ်ဒီတာပေမယ့်လည်း အသက်ကတော့ မနုမရင့် ၂၂ပေါ့။ For Her Myanmarမှာ မိတ်ကပ်ကလွဲပြီး စုံစီနဖာ အကြောင်းစုံရေးနေတဲ့ အစားတစ်လိုင်းအက်ဒမင်ပါ။ ဒီ့အပြင် အချစ်ဇာတ်လမ်းတိုတွေ၊ စိတ်ထဲ မကျေနပ်တဲ့အကြောင်းတွေလည်း ဆောင်းပါးအဖြစ်ထုတ်လုပ်တတ်တယ်။

Leave a Reply

Your email address will not be published. Required fields are marked *