FUN Uncategorized

နှုတ်ဆက်ခဲ့တယ်မောင်

အိုး..လေတဟူးဟူးနဲ့ လရောင်လေးလည်း လင်းလက်နေလို့။ နာရီစက္ကန့်တံ တစ်ရွေ့ရွေ့အသံကြားနေရပေမယ့် မောင့်အသံကိုတော့ မကြားရသေး။

မောင့်ကိုစောင်နေ့တာ ၂နာရီလောက်ရှိတော့မယ်။ အိပ်ခန်းထဲက နာရီလှည့်ကြည့်လိုက်တော့ ည ၁၁နာရီထိုးခါနီးပြီ။ မောင်ဘာကြောင့်များ နောက်ကျနေပါလိမ့်။ သြော်..ဟုတ်သား။မနက်ဖြန် မောင့်မွေးနေ့မို့ပဲ။ သူငယ်ချင်းတွေကို တစ်ရက်ကြိုပြီး ပါတီပေးနေကြ။ ဒါမှ သူ့မွေးနေ့တစ်နေ့လုံး ကျွန်မနဲ့အတူဖြတ်သန်းနိုင်မှာကိုး။ ကုတင်ဘေးက ပြတင်းပေါက်လေးက ပိတ်ထားတာမြင်တော့ ကျွန်မအလိုလိုထသွားလိုက်တယ်။ လိုက်ကာစလေးကို ဘေးရွှေ့ပြီး ပြတင်းပေါက်တံခါးတွေဖွင့်ချလိုက်တယ်။

အိုး..လေတဟူးဟူးနဲ့ လရောင်လေးလည်း လင်းလက်နေလို့။ နာရီစက္ကန့်တံ တစ်ရွေ့ရွေ့အသံကြားနေရပေမယ့် မောင့်အသံကိုတော့ မကြားရသေး။ မောင်လာသ၍တော့ လမင်းရဲ့မျက်နှာလေးကိုပဲ ငေးနေလိုက်ဦးမယ်လို့ ဆုံးဖြတ်ချက်ချလိုက်တယ်။ ဆိတ်ငြိမ်ရပ်ကွက်မို့ ညဘက်ရဲ့အလှတရားက ပိုပြီးအသက်ဝင်နေတယ်လို့ ကျွန်မခံစားရတယ်။ မောင်နဲ့ကျွန်မနဲ့ လွန်ခဲ့တဲ့ ၂နှစ်လောက်တုန်းက စတွေ့ခဲ့ကြတာပါ။ ဖူးစာဆိုတာမျိုးကလည်း အဆန်းသားနော်။

အဲ့ဒီ့နေ့က မိုးတဖွဲဖွဲရွာနေတယ်။ ကော်ဖီဆိုင်တစ်ခုမှာ သူငယ်ချင်းတစ်ယောက်နဲ့ချိန်းထားတာမို့ ဆိုင်ဒေါင့်နားလေးမှာ ကျွန်မစောင့်နေမိတယ်။ မိုးတဖွဲဖွဲကနေ တဝုန်းဝုန်းရွာချနေပြီ။ ရုတ်တရက်ဆိုသလို ကျွန်မသူငယ်ချင်းကဖုန်းဆက်လာပြီး မိုးအရမ်းရွာနေလို့ သူမလာနိုင်ကြောင်းပြောပါတယ်။ ကျွန်မကလည်းစိတ်တိုတတ်သူမို့ သူ့စကားမဆုံးခင်လေးမှာတင် ဖုန်းချပြီး ကော်ဖီတစ်ခွက်ကောက်မှာလိုက်တယ်။ ဒီအချိန်ပြန်လို့ကလည်းမဖြစ်သေးဘူး လို့တွေးမိခဲ့တာကိုး။

မိုးရွာတာကြောင့် ပိတ်ဆို့နေတဲ့ ကားတန်းတသီတတန်းကြီးကို ဆိုင်ပြတင်းပေါက်ကငေးကြည့်ရင်း ဝုန်းခနဲကြားလို့ ကျွန်မလှည့်ကြည့်လိုက်တယ်။ ဟုတ်ပါတယ်။ မောင်ပါ။ ဖုန်းပြောရင်းဆိုင်ခန်းထဲဝင်လာတာမို့ ခုံနဲ့တိုက်မိတာကြောင့် အသံကြားရတာပါ။

မောင်က ခန့်ချောကြီးလည်းမဟုတ်ပေမယ့် သူမှာ ဆွဲဆောင်ချက်တစ်ခုခုတော့ရှိမယ်ထင်တယ်။ စတွေ့ကတည်းက ကျွန်မသူ့ကိုသဘောကျမိသလိုခံစားရတယ်။ သူကကော်ဖီတစ်ခွက်၊ ပေါင်မုန့်ကြက်ဥကြော်တစ်ပွဲမှာပြီး စာအုပ်တစ်အုပ်ကို ထိုင်ဖတ်နေတယ်။ ကျွန်မရှေ့ကော်ဖီတစ်ခွက်လာချတော့မှ ကျွန်မသူ့ကို အကြာကြီးငေးကြည့်နေမှန်းသတိရသွားတယ်။ ကျွန်မမောင့်ဆီကနေ အာရုံလွှဲပြီး ပြတင်းပေါက်ဘက်ငေးရင်း ကော်ဖီသောက်နေလိုက်တယ်။

“တဆိတ်လောက်ခင်ဗျား”

ခေါ်သံကြားလို့ ကျွန်လှည့်ကြည့်လိုက်တော့ မောင်ဖြစ်နေတယ်။

“ရှင်..”

“ကျွန်တော်ဖုန်းတစ်ကောလောက်ဆက်လို့ရမလား။ ကျွန်တော့ဖုန်း ပါဝါကျသွားလို့။”

“ဟုတ်ကဲ့..ရပါတယ်။ ရော့ပါ”

မောင်မျက်နှာမှာ တစ်ခုခုအလျင်လိုနေပုံရတယ်။ သူဖုန်းနံပါတ်တစ်ခုကိုကောက်နှိပ်ပြီးခေါ်တယ်။ မရလို့လားမသိ။ ၃ခေါက်လောက်ခေါ်အပြီးမှာတော့…

“တောက်စ်..အရေးကြီးချိန်ဆို တစ်ယောက်မှဖုန်းမကိုင်ကြဘူး”

ကျွန်မအကူအညီရက်ရောတတ်သူတစ်ယောက်မဟုတ်ပေမယ့် မောင့်ကိုတော့ ကူညီချင်စိတ်ပေါက်သွားတယ်။

“ကျွန်မကူညီလို့ရမယ့် ကိစ္စလား”

“အဲ..ဟို..ကျွန်တော့်ပိုက်ဆံအိတ် ရုံးမှာကျန်ခဲ့လို့။ အခုစားတဲ့မုန့်ဖိုး ပိုက်ဆံထုတ်ရှင်းမယ်ဆိုမှ ပိုက်ဆံအိတ်ကျန်ခဲ့မှန်းသတိရလို့။”

“ဟီးဟီး..ရပါတယ်။ ကျွန်မရှင်းလိုက်ပါ့မယ်။”

“မဟုတ်ဘူးလေ။ ကျွန်တော်နဲ့ ခင်ဗျားနဲ့မှ မသိကြတာ။ အားနာစရာကြီးပါ။”

“အားနာရင်လည်း အကြွေးလို့သတ်မှတ်လိုက်ပါ။ နောက်တော့ပြန်ပေးလိုက်ပေါ့။

“အဲ..ဟုတ်ပါပြီ။ ဒါဆို ခင်ဗျားအိမ်လိပ်စာနဲ့ ဖုန်းနံပါတ်ပေးခဲ့ပါလား။ ကျွန်တော်မနက်ဖန် ရုံးကအပြန်ဝင်ပေးလိုက်မယ်။ ”

ကျွန်မမောင့်အတွက် ပိုက်ဆံရှင်းပေးပြီး အတူတူဆိုင်ခန်းထဲက ထွက်လာကြတယ်။  ကျွန်မလိပ်စာပြောပြတော့ မောင်က သူ့အိမ်နဲ့သိပ်မဝေးကြောင်ပြောတယ်။ ပြီးတော့အချင်းချင်းဖုန်းနံပါတ်ဖလှယ်ခဲ့ကြတယ်။

မောင်က စကားတည်တယ်။ နောက်တစ်နေ့ ညနေပဲ ကျွန်မရုံးကပြန်ရောက်ပြီး နာရီဝက်မကြာခင် မောင်အိမ်ကိုလာပြီးပိုက်ဆံပေးသွားတယ်။ အဲ့ဒီ့နောက်ပိုင်းတော့ ကျွန်မတို့နှစ်ယောက် viber ကနေစကားပြောဖြစ်ကြတယ်။ နည်းနည်းရင်းနှီးသွားတဲ့အခါကျ မောင်ကကျွန်မကိုရုံးကနေလာကြိုတယ်။ တစ်ပတ်တစ်ခေါက်မုန့်ထွက်စားကြရင်း တစ်ရက်တော့ ကျွန်မကိုချစ်ခွင့်ပန်လာတယ်။ ကျွန်မအရမ်းပျော်တဲ့နေ့ပေါ့။ မောင်နဲ့ကျွန်မရွယ်တူပေမယ့် မောင်လို့ခေါ်ရတာကို ကျွန်မကြိုက်တယ်ဆိုလို့ သူခေါ်ခွင့်ပြုတယ်။

ဒီလိုနဲ့ ရက်ပေါင်းများစွာ၊ လပေါင်းများစွာ နှစ်ယောက်သားအချစ်တွေနဲ့ကြည်နူးခဲ့ရပြီး တစ်နှစ်အတွင်းမှာပဲ မိဘသဘောတူညီမှုအောက်မှာလက်ထပ်ခဲ့ကြတယ်။ မောင်တို့တစ်အိမ်သားလုံးက အရမ်းသဘောကောင်းကြတယ်။ ကျွန်မကိုလိုလေသေးမရှိအောင်ပြုစုကြတယ်။ မောင်ကတစ်ဦးတည်းသောသားကိုး။

ကျွန်မဘယ်လောက်တောင် စဉ်းစားမိလည်းမသိဘူး။ အိမ်အောက်မှာ မောင်ရောက်နေတဲ့အသံကြားတော့မှ အတွေးတွေအကုန်ရပ်ဆိုင်းသွားတယ်။ ဟုတ်တယ်။ ကျွန်မအရမ်းပျော်နေတယ်။ ၃လလောက်ခွဲခွာပြီးတဲ့နောက်မှာ ဒီနေ့ပထမဦးဆုံး မောင်နဲ့ပြန်တွေ့ရမှာ။ မောင်လည်း ကျွန်မကိုတွေ့ရင်အရမ်းပျော်မိမှာပဲ။ မောင်ကျွန်မကိုအမြဲတမ်းသတိရနေတာကို ကုတင်ဘေးကကျွန်မဓာတ်ပုံတွေက သက်သေပြနေတာပဲ။

မောင်အံ့အားသင့်သွားအောင် ဟော..ဟိုတံခါးကြားထဲဝင်ပုန်းလိုက်ဦးမယ်။ ဒါမှ အိပ်ခန်းထဲဝင်ပြီး တံခါးပိတ်မှ သူကျွန်မကိုမြင်ပြီး ပျော်သွားမှာ။ ကျွန်မတံခါးကြားထဲ ဝင်ပုန်းလိုက်တယ်။ အိမ်အောင်လှေကားရင်းမှာ မောင့်ရဲ့အသံကို သဲ့သဲ့လေးကြားနေရတယ်။ မောင်လှေကားတစ်ထစ်တက်တိုင်း ကျွန်မရင်ခုန်နေလေရဲ့။

ဟော..တံခါးနားရောက်လာပြီ။ မောင့်ခြေတစ်ဖက်ကို ကျွန်မမြင်ရပြီ။ မောင်အခန်းထဲဝင်လာပြီး ကျွန်မရှေ့နားလေးမှာ ကျောပေးပြီးရပ်နေလေရဲ့။ မောင်နည်းနည်းပိန်သွားတယ်။ အခန်းထဲဝင်လာတာနဲ့ သက်ပြင်းချလိုက်တာကို ကျွန်မသတိထားမိတယ်။ မောင်ပင်ပန်းတာနေမှာပါ။ မောင့်မျက်နှာကို ကျွန်မမြင်ချင်နေပြီ။ ဒါကြောင့် ကျွန်မမောင့်အနားခြေဖျားထောက်သွားလိုက်တယ်။ မောင့်အနောက်တည့်တည့်ရောက်တာနဲ့ ကျွန်မလက်နဲ့မောင့်ပုခုံးကိုပုတ်လိုက်တယ်။

မောင်ဖျတ်ခနဲလှည့်ကြည့်တယ်။ ကျွန်မကိုမြင်တော့ အစကကြက်သေသေနေတယ်။ ကျွန်မမောင့်ကို ပြုံးပြလိုက်တယ်။ မောင်မျက်တွင်းတွေညိုနေတယ်။ အိပ်ရေးဝပုံမပေါ်ဘူး။ ကျွန်မနဲ့မောင်ခွဲခွာရတဲ့အချိန်ကစပြီး မောင်ကျွန်မကိုပဲ သတိရတမ်းတနေပုံပဲ။

“Happy Birthday ပါမောင်”

မောင်ကျွန်မကိုမြင်ပြီး၊ ကျွန်မအသံကိုကြားပြီး အံ့အားသင့်သွားပေမယ့် ကြောက်စိတ်၊ စိုးရိမ်စိတ်တွေဖုံးလွှမ်းပြီး မျက်နှာပေါ်မှာပေါ်မှာ ချွေးသီးတွေပါကျလာတယ်။ မောင်အသက်ပြင်းပြင်ရှူလာပြီး ကျွန်မကိုပြန်သေချာစိုက်ကြည့်နေတယ်။ ကျွန်မသူ့အနားကပ်သွားတော့မှ့ သံကုန်ဟစ်အော်ပါလေရော။ သိပ်မကြာဘူး။ မောင်လဲကျသွားတယ်။ သိပ်မကြာခင်မှာ အခန်းထဲကို မောင့်အမေနဲ့ အဖေဝင်လာတယ်။ သူတို့တွေ မောင့်ကိုထူဖို့သာအားသန်နေကြပေမယ့် ကျွန်မကို သတိမထားမိကြဘူး။

ဘာဖြစ်လို့လဲမောင်။ ကျွန်မကိုမြင်တော့ ပျော်ပြီး ပြေးဖက်မယ်လို့ ထင်ခဲ့တယ်။ အရင်တုန်းကလို တီတီတာတာလေးတွေပြောမယ်ထင်ခဲ့တယ်။ ဒါပေမယ့် မောင်ကျွန်မကိုဘာလို့ အခုလိုဆက်ဆံနေရတာလဲ။ ကျွန်မကိုယ်ကိုယ်မေးခွန်းတွေထုတ်ရင်းနဲ့မှ တံခါးကြားထဲက တစ်စုံတစ်ခုကိုမြင်မိတယ်။

“ဟုတ်သား။ ငါ့မျက်လုံးက ဟိုမှာကျွတ်ကျခဲ့တာကိုး။”

မျက်လုံးမရှိတော့ပဲ ဟောက်ပက်ဖြစ်နေတဲ့မျက်လုံးအိမ်ကိုမြင်တော့ မောင်လန့်သွားမှာပဲလေ။ အရင်ကတော့ ကျွန်မအလှက မောင့်ရဲ့မက်မောစရာဖြစ်ခဲ့ပေမယ့် အခုလို မျက်လုံးလိုက်ကျွတ်ထွက်ပြီး ဆံပင်ဖားလျားကြီးနဲ့ကျွန်မကိုမြင်တော့ လန့်ချင်စရာပါပဲ။ မောင်မမှားပါဘူး။ ကံတရားကမကောင်းခဲ့တာပါ။

လွန်ခဲ့တဲ့(၃)လကသာ မောင့်စကားနားထောင်ပြီး တစ်ယောက်တည်းခရီးမထွက်ခဲ့ရင် ကျွန်မကားအက်စီးဒင့်ဖြစ်ခဲ့မှာမဟုတ်ဘူး။ မောင်လည်းနေ့ရောညပါငိုရမှာမဟုတ်ဘူး။ ခုချိန်ဆို မောင့်ကိုအနမ်းတွေနဲ့ မွေးနေ့ wish လုပ်ခဲ့နိုင်မှာ။ ဒါတွေအားလုံး ကျွန်မအမှားပါ။ တော်ပြီ။ မောင်ကျွန်မကိုမြင်ပြီးလန့်တာမျိုးက ကျွန်မအတွက်အဆိုးရွားဆုံးနဲ့ ခံစားရအခက်ဆုံးပါ။ ဒီနေ့ကစပြီးကျွန်မမောင့်ဆီမလာတော့ပါဘူး။ နှုတ်ဆက်ခဲ့ပါတယ်မောင်။

Christina (For Her Myanmar)

Christina Rosy
နာမည်ကတော့ ခရစ္စတီးနားပါ။ အလွတ်တမ်း လက်ထောက်အယ်ဒီတာပေမယ့်လည်း အသက်ကတော့ မနုမရင့် ၂၂ပေါ့။ For Her Myanmarမှာ မိတ်ကပ်ကလွဲပြီး စုံစီနဖာ အကြောင်းစုံရေးနေတဲ့ အစားတစ်လိုင်းအက်ဒမင်ပါ။ ဒီ့အပြင် အချစ်ဇာတ်လမ်းတိုတွေ၊ စိတ်ထဲ မကျေနပ်တဲ့အကြောင်းတွေလည်း ဆောင်းပါးအဖြစ်ထုတ်လုပ်တတ်တယ်။

Leave a Reply

Your email address will not be published. Required fields are marked *