ဘယ်တစ်ယောက်ကိုချစ်ရမလဲ။

ဝေခွဲမရပါလား… ဆိုတဲ့ အဖြစ်မျိုးတွေ ဖြစ်နေတဲ့ ယောင်းတို့ဖတ်ဖို့….  

ယောင်းတို့ရေ… နှစ်ယောက်စလုံးကို ချစ်တယ် ၊ နှစ်ယောက်လုံးကလည်း ချစ်တယ်ဆိုတဲ့ အဖြစ်တွေကြုံဖူးကြမှာပေါ့နော်။ ဒါမှမဟုတ် အားလုံးက ဝိုင်းချစ်ကြတယ်ဆိုတာမျိုးတွေလည်း ကြုံဖူးကြမှာပေါ့။ အဲလို ဝိုင်းဝိုင်းလည်လာတဲ့အခါ ဘယ်သူကို ရွေးချယ်ရမလဲ မသိ၊ ဟိုလူ့ကို ချစ်သလိုလို ၊ ဒီလူ့ကို ချစ်သလိုလို နဲ့ ကိုယ်စိတ်ကိုယ် ဘာမှန်းမသိပဲ ဖြစ်နေတတ်ပါတယ်။ တစ်ခါတစ်လေဆို စိတ်ရှုပ်လာပြီး တော်ပြီဟာ.. ဘယ်သူ့မှ မရွေးတော့ဘူး ဆိုပြီး အပျိုကြီးဘဝနဲ့ အရိုးထုတ်သွားရတာမျိုးလဲ ဖြစ်တတ်ပါတယ်။ အဲ့လို အခြေအနေတွေ ကြုံလာတဲ့အခါ ၊ ဘယ်သူ့ကို ရွေးချယ်ရမလဲ မသိတဲ့အခါ ဒီအချက်လေးတွေနဲ့ စဉ်းစားကြည့်ပါ။

၁။ ကိုယ်ဘာလို့ကြိုက်လဲဆိုတာ စဉ်းစားပါ။

သူတို့ကို ကိုယ်ဘာလို့ကြိုက်လဲ ဆိုတဲ့ အချက်လေးတွေ စဉ်းစားကြည့်ပါ။  ကိုယ့်ကို ပျော်အောင်ထားလို့လား။ အရပ်ရှည်လို့လား။ အရမ်း ဂရုစိုက်ပေးလို့လား ။ ကိုယ်ဘာလို့ကြိုက်လဲဆိုတဲ့ အချက်တွေကို သိတဲ့အခါ ဘယ်သူ့ကို ရွေးချယ်ရမလဲဆိုတာ ဆုံးဖြတ်ဖို့ ပိုလွယ်သွားပါတယ်။ အပြင်ပန်း အသွင်အပြင်ကြောင့်လား ၊ ရင်တွင်းစိတ်ခံစားချက်ကြောင့် ကြိုက်တာလား ဆိုတာကွဲပြားအောင် လုပ်ပါ။

၂။ ကိုယ်မကြိုက်တဲ့အချက်တွေလည်း စဉ်းစားပါ။

တစ်ယောက်ချင်းစီမှာ ကိုယ်မကြိုက်တဲ့အချက်က ဘာလဲဆိုတာလည်း စဉ်းစားပါ။ တစ်ကိုယ်ကောင်းဆန်တဲ့ အကျင့်ကို မကြိုက်တာလား။ အလုပ်အရမ်းများနေတတ်တာကို မကြိုက်တာလား စဉ်းစားပါ။ အဲဒီအချက်တွေကို ကိုယ်က သည်းခံပေးနိုင်လားဆိုတာလည်း စဉ်းစားပါ။ ကိုယ်သည်းမခံနိုင်တဲ့ အကျင့်တွေရှိနေတာကို ချစ်လို့ဆိုတဲ့ အကြောင်းပြချက်တစ်ခုတည်းနဲ့ လက်ခံလိုက်ရင် တစ်ချိန်မဟုတ်တစ်ချိန် ပြဿနာတက်လာနိုင်ပါတယ်။

Related Article >>> အချစ်နှင့်သူ၏ခေါင်းစဉ်အလွဲလေးများ

၃။ရေရှည်ကိုကြည့်ပါ။

ကိုယ်က အကြာကြီး လက်တွဲဖို့ ဆုံးဖြတ်ထားတယ် ဆိုရင်တော့ ရေရှည်ကိုကြည့်ပါ။ အခု ခဏလေး အဆင်ပြေနေတာနဲ့ပဲ သူနဲ့က ပိုအဆင်ပြေတယ်ဆိုပြီး ဆုံးဖြတ်ချက်မချပါနဲ့။ ရေရှည်ထိ အဆင်ပြေနိုင်လား ဆိုတာ တွေးပါ။

၎။ အချိန်ယူ စဉ်းစားပါ။

အလျင်မလိုပါနဲ့။ သေချ အချိန်ယူ စောင့်ကြည့်ပြီး ဆုံးဖြတ်ပါ။ အလျင်လိုရင် ဘယ်ဆုံးဖြတ်ချက်မဆို မှားယွင်းသွားနိင်တယ်လေ။ အချိန်ကြာလာတဲ့အခါမှာ သူတို့ရဲ့ ဖုံးကွယ်ထားတဲ့ အကျင့်တွေဟာ ဘူးပေါ်သလိုပေါ်လာမှာပါ။ အဲဒီအခါ ကိုယ့်ကိုတကယ် ချစ်မြတ်နိုးတာ ဘယ်တစ်ယောက်လဲ ဆိုတာ သိသာလာမှာပါ။

၅။ ကိုယ့်စိတ်ကို သေချာဆန်းစစ်ပါ။

ကိုယ့်စိတ်က သေချာဖို့လည်း လိုပါတယ်။ ဒီတစ်ယောက်ကို ရွေးချယ်ပြီးပြီဆိုရင် ဒီတစ်ယောက်ကိုပဲ ချစ်ပါ။ ရွေးချယ်ပြီးချိန်မှာ စိတ်နှစ်ခွ မဖြစ်ပါနဲ့။ ပြတ်သားပါ။

၆။သူငယ်ချင်းတွေဆီက အကြံတောင်းပါ။

သူငယ်ချင်းတွေရဲ့ ထင်မြင်ချက်ကို မေးကြည့်ပါ။ ဒါပေမယ့် ဘယ်တစ်ယောက်ကို ရွေးရမလဲတော့ မမေးပါနဲ့။ တွဲရမှာက ကိုယ်နဲ့ပါ။ သူငယ်ချင်းတွေနဲ့ မဟုတ်ပါဘူး။ ထင်မြင်ချက်ပဲ တောင်းခံပါ။ မရွေးခိုင်းပါနဲ့။

ဒီလိုအခြေအနေမျိုးက တကယ်ရှုပ်ထွေးပါတယ်။ ကြုံလာတဲ့အခါ ခေါင်းအေးအေးထားပြီး သေချာရွေးချယ် စဉ်းစားပါ။ ယောင်းတို့ မှန်ကန်တဲ့လူကို ရွေးချယ်နိုင်ပါစေ။

Hana (For Her Myanmar)

Hana
Hana

နာမည်ကHana ပါ။for her myanmar မှာ အလွတ်တမ်းစာရေးပါတယ်။ အသက်ကတော့၂၀ကျော်ကျော်၂၁ထဲမှာပါ။များသောအားဖြင့် အချစ်ရေးအချစ်ရာအကြောင်းနဲ့အလှအပအကြောင်းရေးပါတယ်။