လက်မထပ်ခင် ချစ်သူနှစ်ဦး တိုင်ပင်ညှိနှိုင်းထားသင့်တဲ့ အချက် (၅) ချက်

ချစ်သူနှစ်ယောက် ပေါင်းဖက်ပြီဆိုတာနဲ့ နှစ်ကိုယ့်တစ်စိတ် ဖြစ်နိုင်ပါ့မလား

ယောင်းတို့ရေ တို့မိန်းကလေးတိုင်းလိုလိုရဲ့ အိပ်မက်ဟာ မင်္ဂလာဝတ်စုံ လှလှလေးဆင်မြန်းပြီး ရှက်ပြုံးလေးမခို့တယို့ပြုံးလို့ မင်္ဂလာခန်းမထဲကို ချစ်သူရဲ့လက်ကိုတွဲ ဝင်ရောက်ချင်ကြတာပါ။ မင်္ဂလာဆောင်ဆိုတာ တို့မိန်းကလေးတွေ ရင်ခုန်စွာနဲ့ လနဲ့ချီကြိုတင်ပြင်ဆင်ကြရတဲ့ လှပတဲ့ နတ်သမီးပုံပြင်လေးပါပဲ။ နတ်သမီးပုံပြင်လေးက လှပပေမယ့် သူ့ရဲ့နောက်မှာတော့ လက်တွေ့ဘဝဆိုတာကြီးက စောင့်ကြိုနေပါတယ်။

ချစ်သူနဲ့ နှစ်ယောက်တစ်ဘဝ ပေါင်းဖက်တဲ့အခါမှာ နှစ်ကိုယ်တစ်စိတ်နဲ့ ဘဝကြီးကို ရင်ဆိုင်နိုင်ဖို့ရာမှာ တစ်ယောက်အကြောင်းတစ်ယောက် သေချာသိထားပါမှ ကြိုတင်ပြင်ဆင်သင့်တာတွေကို ပြင်ဆင်ထားနိုင်မှာပါ။ ဒီလို ဘဝတစ်လျှောက်လုံးအတွက် ပြင်ဆင်ရာမှာ ချစ်သူချင်း အားမနာတိုင်း မေးထားရမယ့် မေးခွန်းလေးတွေ ရှိနေပါတယ်။ အဲ့ဒီမေးခွန်းလေးတွေကတော့ ..

၁) ကလေးဘယ်နှစ်ယောက်ယူမှာလဲ။ ဘယ်တော့ယူမှာလဲ။

လက်ထပ်ပြီးတော့မှ သဘောထားမတိုက်ဆိုင်တာတွေ မဖြစ်ရအောင် ကိုယ့်အလုပ် သူ့အလုပ်နဲ့ မိသားစုအခြေအနေတွေကို ထည့်စဉ်းစားပြီး ဘယ်အချိန်မှာ အိမ့်ဆည်းလည်းလေးတွေကို ကြိုဆိုမလဲဆိုတာ ကြိုတိုင်ပင်ထားသင့်ပါတယ်။

၂) အိမ်အလုပ်ကို ဘယ်လိုခွဲမလဲ။

အခုခေတ်လို လင်ရောမယားပါ အလုပ်လုပ်နေတဲ့ အချိန်မျိုးမှာ အိမ်အလုပ်ကို မိန်းမကပဲလုပ်ဆိုတာမျိုး မဖြစ်သင့်တော့ပါဘူး။ ကိုယ်ဟင်းချက်ရင် သူပန်းကန်ဆေး။ သူအဝတ်လျှော်ရင် ကိုယ်မီးပူတိုက်။ ဒီလိုမျိုး အလုပ်တွေကို နားလည်မှုရှိရှိ ခွဲဝေယူဖို့ကို လက်မထပ်ခင်ကတည်းက ညှိထားရင် အကောင်းဆုံးပါပဲ။

၃) အသုံးစရိတ်နဲ့ မိသားစုကို ဘယ်လိုစီမံခန့်ခွဲကြမလဲ။

တစ်လကို အိမ်စရိတ် ဘယ်လောက်ဆိုလောက်မယ်။ တစ်ယောက်ချင်းစီရဲ့ ကိုယ်ပိုင်အသုံးစရိတ် ဘယ်လောက်ယူမယ်။ မိဘတွေကို ဘယ်လောက်ပြန်ထောက်ပံ့မယ်။ မိဘအိမ်ကို ဘယ်နှရက်နေ တစ်ခါသွားလည်ကြမယ် ဆိုတာမျိုးတွေလဲ ကြိုတိုင်ပင်ညှိနှိုင်းထားနိုင်ရင် နင့်အမေက ငါ့အမေကဆိုပြီး ရန်ဖြစ်ရတာမျိုးတွေ မရှိတော့ဘူးပေါ့။

၄) ကိုယ့်ဆီမှာ သူမကြိုက်တဲ့စရိုက်တွေ ရှိနေလား။

ချစ်သူဘဝမှာတော့ ချိန်းတွေ့တဲ့အချိန်လေးမှာ တွေ့နေရသလောက်က အားလုံးအိုကေပါတယ်။ တကယ့်တကယ် တူတူနေကြည့်တော့မှ သူကအိပ်ရင်ဟောက်တယ်၊ ကိုယ်ကတော့ အိမ်သာဝင်တာကြာတယ်၊ စသည်ဖြင့် သဘောမတွေ့စရာလေးတွေ ရှိလာနိုင်တာမို့ စောစောစီးစီး အချင်းချင်း မေးထားကြ ပြောပြထားကြသင့်ပါတယ်။

၅) လက်ထပ်လိုက်တာဟာ ကိုယ်တို့အတွက်ဘယ်လို ပြောင်းလဲသွားမလဲ။

ဒါကတော့ အရေးအကြီးဆုံး အချက်ပါပဲ။ ယောကျ်ားလေးပဲဖြစ်ဖြစ် မိန်းကလေးပဲဖြစ်ဖြစ် ကိုယ်ပိုင်အချိန် လိုချင်ကြပါတယ်။ ဒါကို ဘယ်လောက်အထိ တစ်ဘက်သားက နားလည်ပေးနိုင်မလဲ။ အိမ်ထောင်သည်ဖြစ်သွားပြီဆိုရင် ကိုယ်ပိုင်အချိန်ကို ဘယ်လောက်ထိ လျှော့ချပေးရမလဲ။ တူတူလုပ်ချင်တဲ့ ကိစ္စတွေ ဘာတွေရှိလဲ။ ဘယ်လိုကိစ္စတွေကိုတော့ဖြင့် တစ်ယောက်တည်းလုပ်ချင်တာလဲ။ လက်မထပ်ခင်ကတည်းက သူ့ဘက်ကိုယ့်ဘက် လိုတိုးပိုလျှော့လေးတွေ ညှိနှိုင်းထားရင် တူတူနေတဲ့အခါ ပြဿနာနည်းသွားမှာပါ။

Related article >>> ယောင်းတို့လက်ထပ်တော့မယ်ဆိုရင် ဒါတွေသတိထားသင့်တယ်

ယောင်းတို့ရေ အက်ဒမင်အခုပြောတဲ့ မေးခွန်းလေးတွေက အရေးကြီးတဲ့ အနည်းစုပါ။ တကယ်နှစ်ယောက်သား အေးအေးဆေးဆေး စကားပြောကြည့်ရင် ဒီထက်ကျယ်ပြန့်တဲ့ မေးခွန်းတွေ ထပ်ထွက်လာမှာပါ။ လူနှစ်ယောက် တူတူနေပြီဆို မတူညီတာတွေ အများကြီးထွက်လာမှာပါ။ ဒါတွေကို တူတူနေပြီး အဆင်မပြေမှုတွေ ရှိလာမှ ညှိတာမျိုးထက် မယူခင်ကတည်းက ညှိထားမယ်ဆိုရင် ယောင်းတို့ အိမ်ထောင်ဦးလေးဟာ ပျော်ရွှင်စရာကောင်းနေမှာ အမှန်ပါပဲကွယ်။

Khine (For Her Myanmar)

Ref

Independent | NY Times | Psychology Today

<Zawgyi>

ခ်စ္သူႏွစ္ေယာက္ ေပါင္းဖက္ၿပီဆိုတာနဲ႔ ႏွစ္ကိုယ့္တစ္စိတ္ ျဖစ္ႏိုင္ပါ့မလား

ေယာင္းတို႔ေရ တို႔မိန္းကေလးတိုင္းလိုလိုရဲ႕ အိပ္မက္ဟာ မဂၤလာဝတ္စံု လွလွေလးဆင္ျမန္းၿပီး ရွက္ၿပံဳးေလးမခို႔တယို႔ၿပံဳးလို႔ မဂၤလာခန္းမထဲကို ခ်စ္သူရဲ႕လက္ကိုတြဲ ဝင္ေရာက္ခ်င္ၾကတာပါ။ မဂၤလာေဆာင္ဆိုတာ တို႔မိန္းကေလးေတြ ရင္ခုန္စြာနဲ႔ လနဲ႔ခ်ီႀကိဳတင္ျပင္ဆင္ၾကရတဲ့ လွပတဲ့ နတ္သမီးပံုျပင္ေလးပါပဲ။ နတ္သမီးပံုျပင္ေလးက လွပေပမယ့္ သူ႔ရဲ႕ေနာက္မွာေတာ့ လက္ေတြ႔ဘဝဆိုတာႀကီးက ေစာင့္ႀကိဳေနပါတယ္။

ခ်စ္သူနဲ႔ ႏွစ္ေယာက္တစ္ဘဝ ေပါင္းဖက္တဲ့အခါမွာ ႏွစ္ကိုယ္တစ္စိတ္နဲ႔ ဘဝႀကီးကို ရင္ဆိုင္ႏိုင္ဖို႔ရာမွာ တစ္ေယာက္အေၾကာင္းတစ္ေယာက္ ေသခ်ာသိထားပါမွ ႀကိဳတင္ျပင္ဆင္သင့္တာေတြကို ျပင္ဆင္ထားႏိုင္မွာပါ။ ဒီလို ဘဝတစ္ေလွ်ာက္လံုးအတြက္ ျပင္ဆင္ရာမွာ ခ်စ္သူခ်င္း အားမနာတိုင္း ေမးထားရမယ့္ ေမးခြန္းေလးေတြ ရွိေနပါတယ္။ အဲ့ဒီေမးခြန္းေလးေတြကေတာ့ ..

၁) ကေလးဘယ္ႏွစ္ေယာက္ယူမွာလဲ။ ဘယ္ေတာ့ယူမွာလဲ။

လက္ထပ္ၿပီးေတာ့မွ သေဘာထားမတိုက္ဆိုင္တာေတြ မျဖစ္ရေအာင္ ကိုယ့္အလုပ္ သူ႔အလုပ္နဲ႔ မိသားစုအေျခအေနေတြကို ထည့္စဥ္းစားၿပီး ဘယ္အခ်ိန္မွာ အိမ့္ဆည္းလည္းေလးေတြကို ႀကိဳဆိုမလဲဆိုတာ ႀကိဳတိုင္ပင္ထားသင့္ပါတယ္။

၂) အိမ္အလုပ္ကို ဘယ္လိုခြဲမလဲ။

အခုေခတ္လို လင္ေရာမယားပါ အလုပ္လုပ္ေနတဲ့ အခ်ိန္မ်ိဳးမွာ အိမ္အလုပ္ကို မိန္းမကပဲလုပ္ဆိုတာမ်ိဳး မျဖစ္သင့္ေတာ့ပါဘူး။ ကိုယ္ဟင္းခ်က္ရင္ သူပန္းကန္ေဆး။ သူအဝတ္ေလွ်ာ္ရင္ ကိုယ္မီးပူတိုက္။ ဒီလိုမ်ိဳး အလုပ္ေတြကို နားလည္မႈရွိရွိ ခြဲေဝယူဖို႔ကို လက္မထပ္ခင္ကတည္းက ညွိထားရင္ အေကာင္းဆံုးပါပဲ။

၃) အသံုးစရိတ္နဲ႔ မိသားစုကို ဘယ္လိုစီမံခန္႔ခြဲၾကမလဲ။

တစ္လကို အိမ္စရိတ္ ဘယ္ေလာက္ဆိုေလာက္မယ္။ တစ္ေယာက္ခ်င္းစီရဲ႕ ကိုယ္ပိုင္အသံုးစရိတ္ ဘယ္ေလာက္ယူမယ္။ မိဘေတြကို ဘယ္ေလာက္ျပန္ေထာက္ပံ့မယ္။ မိဘအိမ္ကို ဘယ္ႏွရက္ေန တစ္ခါသြားလည္ၾကမယ္ ဆိုတာမ်ိဳးေတြလဲ ႀကိဳတိုင္ပင္ညွိႏိႈင္းထားႏိုင္ရင္ နင့္အေမက ငါ့အေမကဆိုၿပီး ရန္ျဖစ္ရတာမ်ိဳးေတြ မရွိေတာ့ဘူးေပါ့။

၄) ကိုယ့္ဆီမွာ သူမႀကိဳက္တဲ့စရိုက္ေတြ ရွိေနလား။

ခ်စ္သူဘဝမွာေတာ့ ခ်ိန္းေတြ႔တဲ့အခ်ိန္ေလးမွာ ေတြ႔ေနရသေလာက္က အားလံုးအိုေကပါတယ္။ တကယ့္တကယ္ တူတူေနၾကည့္ေတာ့မွ သူကအိပ္ရင္ေဟာက္တယ္၊ ကိုယ္ကေတာ့ အိမ္သာဝင္တာၾကာတယ္၊ စသည္ျဖင့္ သေဘာမေတြ႔စရာေလးေတြ ရွိလာႏိုင္တာမို႔ ေစာေစာစီးစီး အခ်င္းခ်င္း ေမးထားၾက ေျပာျပထားၾကသင့္ပါတယ္။

၅) လက္ထပ္လိုက္တာဟာ ကိုယ္တို႔အတြက္ဘယ္လို ေျပာင္းလဲသြားမလဲ။

ဒါကေတာ့ အေရးအႀကီးဆံုး အခ်က္ပါပဲ။ ေယာက်္ားေလးပဲျဖစ္ျဖစ္ မိန္းကေလးပဲျဖစ္ျဖစ္ ကိုယ္ပိုင္အခ်ိန္ လိုခ်င္ၾကပါတယ္။ ဒါကို ဘယ္ေလာက္အထိ တစ္ဘက္သားက နားလည္ေပးႏိုင္မလဲ။ အိမ္ေထာင္သည္ျဖစ္သြားၿပီဆိုရင္ ကိုယ္ပိုင္အခ်ိန္ကို ဘယ္ေလာက္ထိ ေလွ်ာ့ခ်ေပးရမလဲ။ တူတူလုပ္ခ်င္တဲ့ ကိစၥေတြ ဘာေတြရွိလဲ။ ဘယ္လိုကိစၥေတြကိုေတာ့ျဖင့္ တစ္ေယာက္တည္းလုပ္ခ်င္တာလဲ။ လက္မထပ္ခင္ကတည္းက သူ႔ဘက္ကိုယ့္ဘက္ လိုတိုးပိုေလွ်ာ့ေလးေတြ ညွိႏိႈင္းထားရင္ တူတူေနတဲ့အခါ ျပႆနာနည္းသြားမွာပါ။

Related article >>> ေယာင္းတို႔လက္ထပ္ေတာ႔မယ္ဆိုရင္ ဒါေတြသတိထားသင္႔တယ္

ေယာင္းတို႔ေရ အက္ဒမင္အခုေျပာတဲ့ ေမးခြန္းေလးေတြက အေရးႀကီးတဲ့ အနည္းစုပါ။ တကယ္ႏွစ္ေယာက္သား ေအးေအးေဆးေဆး စကားေျပာၾကည့္ရင္ ဒီထက္က်ယ္ျပန္႔တဲ့ ေမးခြန္းေတြ ထပ္ထြက္လာမွာပါ။ လူႏွစ္ေယာက္ တူတူေနၿပီဆို မတူညီတာေတြ အမ်ားႀကီးထြက္လာမွာပါ။ ဒါေတြကို တူတူေနၿပီး အဆင္မေျပမႈေတြ ရွိလာမွ ညွိတာမ်ိဳးထက္ မယူခင္ကတည္းက ညွိထားမယ္ဆိုရင္ ေယာင္းတို႔ အိမ္ေထာင္ဦးေလးဟာ ေပ်ာ္ရႊင္စရာေကာင္းေနမွာ အမွန္ပါပဲကြယ္။

Khine (For Her Myanmar)

Ref

Independent | NY Times | Psychology Today

No Comments Yet

Comments are closed