ရန်ဖြစ်သောစုံတွဲများသည် ပိုချစ်ကြောင်းတွေ့ရှိရ။

ကဲ ရန်ဖြစ်လိုက်ပြန်ချစ်လိုက်အတွဲတွေ ရှိသလားဟေ့။

လူတစ်ယောက်မှာရှိတဲ့ လက်ချောင်းလေးတွေတောင် အတိုအရှည်မညီကြပါဘူး။ အဖေမတူ အမေမတူ သွေးမတော်သားမစပ် လူသားနှစ်ဦးရဲ့စိတ်ဟာ အချိန်တိုင်းတူညီနေဖို့ဆိုတာလည်း မလွယ်ကူလှတဲ့ကိစ္စပါပဲ။ တခါတလေတော့လည်း ကတောက်ကဆ/ ကတောက်ကဆ ကနေ စကားများ/ စကားများရာက ရန်ဖြစ်/ ရန်ဖြစ်ရာကနေ ထသတ်ပါလေရော။ 😛

ဒါပေမယ့် ရန်ဖြစ်တဲ့အဆင့်ထိပဲ ကောင်းပါတယ်နော်။ လက်ပါတာတော့ သိပ်မမိုက်ဘူး။ ကိုယ်ချစ်လို့ ရွေးထားတဲ့သူတွေမလား။ နာကျင်အောင် မလုပ်ရဘူးလေ။ နော့် ။ 😀

ကဲ ရန်ဖြစ်ကြတဲ့အတွဲတွေ ဘာလို့ အချစ်တိုးကြလဲသိလား။

1) စကားနိုင်လုရာကနေ ချစ်တဲ့သူက အလျှော့ပေး။

ပိုချစ်တဲ့သူက အလျှော့ပေးကြတာချည်းပါပဲ။

(မနိုင်တော့လို့လည်း ပါမှာပေါ့။ 😛 )

အဲ့ဒီတော့ ရန်ဖြစ်နေရင်း ကိုယ့်ချစ်သူက လျှော့လိုက်ပြီဆိုရင် ကိုယ်လည်း အနိုင်မယူပါနဲ့တော့။ သူကိုယ့်ကို ပိုချစ်လို့သာ လျှော့လိုက်တာပါ။

2) စကားနိုင်လုတာက စနောက်ချင်လို့လည်းဖြစ်။

ချစ်က ကိုကို့ကို မချစ်ပါဘူး။ ဘာညာ စကားစရှာပြီး ရန်စတတ်ပါတယ်။ အဲ့ကနေရန်ဖြစ် စိတ်ဆိုးပြီး ပြန်ချော့။ ပြန်လည်း အဆင်ပြေသွားပြန်ရော အချစ်တွေက တိုးပြီးကျန်ခဲ့။ အိုက်စ်စ်စ်စ်စ်။ :v

3) တစ်ယောက်အကြောင်း တစ်ယောက်ပိုသိ။

ချစ်သူသက်တမ်းကြာလာလေ တစ်ယောက်အကြောင်း တစ်ယောက်သိလေပါပဲ။ လူ့အကြောင်းက ပေါင်းကြည့်မှလေ။ ပိုသိလာတာနဲ့အမျှ ကိုယ့်ချစ်သူရဲ့ စိတ်နေသဘောထားကို ပိုသိလာပါမယ်။ အဲ့တော့မှ ပိုချစ်သွားတယ်ဆိုတာတွေလည်း ရှိသေးတယ်တော့်။

 

4) ဥာဏ်လည်းပိုကောင်းကြ။

စနောက်ချင်လို့ ရန်ဖြစ်တာပဲဖြစ်ဖြစ်/ အခန့်မသင့်လို့ ရန်ဖြစ်မိတာပဲဖြစ်ဖြစ် လတ်တလောမှာတော့ ကိုယ့်ဘက်က အသာစီးလိုချင်တာပါပဲ။ ကိုယ်မှန်တယ်ထင်ရင် ပိုလို့တောင် နိုင်ချင်ပါတယ်။ အဲ့တော့ လှည့်ပတ်ပြောရင်း ဥာဏ်ကလည်း ကောင်းလာရော။ ဥာဏ်ကောင်းချင် ရန်များများ ဖြစ်ကြပါ။ (စတာ သက်လား 😛 )

5) စိတ်ထဲမထားတတ်။

ရန်ဖြစ်တဲ့စုံတွဲတွေဟာ ပွင့်လင်းကြသူများပဲ ဖြစ်ပါတယ်။ တစ်ခုကို မကျေနပ်ဘူးဆိုရင် ချက်ချင်းဖွင့်ပြောလို့ ရန်ဖြစ်ရတာလည်း ပါပါတယ်။ အစိုင်အခဲတွေကို ရင်ထဲမထားဘဲ ချက်ချင်းဖြေရှင်းဖို့အတွက် ရန်ဖြစ်တဲ့နည်းကို သုံးလို့ စကားများပြီးတာနဲ့ အတေးအမှတ်မထားတဲ့ အတွဲပါ။ အဲ့ဒီတော့ ဖြစ်ပြီးသမျှတွေ မေ့ပြီး တိုးလို့ချစ်သွားပြန်ရော။

 

ကဲ ပျိုမေတို့ကော ရန်ဖြစ်ဖို့ အဆင်သင့်ပဲလား။

 

Verte (For Her Myanmar)

No Comments Yet

Comments are closed