Knowledge

အင်္ဂလိပ်ဝတ္ထုကိုဒီလိုလွယ်လွယ်ဖတ်ကြမယ်

အင်္ဂလိပ်စာအုပ်တွေဖတ်ချင်ပေမယ့် အဘိဓာန်လှန်ရတာ မစားသာဘူးဆိုတဲ့ ယောင်းတို့ဖတ်ကြည့်နော်

ကဲ အင်္ဂလိပ်လိုစာဖတ်ကြရအောင်။

ဘယ်ကစဖတ်ကြမလဲ

လွယ်လွယ်ကူကူ ကလေးစာအုပ်ကနေစဖတ်မယ်လေ။ အဲ့ကနေပြီး ဆယ်ကျော်သက်တို့အတွက် YA (Young , Adult ) တို့ နောက်ပြီး အချစ်အလွမ်း romance ကလေးတွေ၊ ဒီကတစ်ဆင့်တက်ပြီး ဘဝသရုပ်ဖော်စာလေးတွေ၊ အဲ့ကနေပြီး စာဖတ်သက်ရင့်သွားရင် စာခန့်တွေဖတ်လို့ရပြီ။ ဒီအဆင့်ရောက်ရင် ဆရာကြီးခေါ်ရမယ်။ 😀

ဘယ်လိုစဖတ်ကြမလဲ။

ပထမတစ်အုပ်ကတော့ အဘိဓာန်လှန်ရမှာပဲ ယောင်းရေ။ အက်ဒမင်ဆို ဟယ်ရီပေါ်တာဖတ်တာ တစ်မျက်နှာလောက်ပြီးဖို့အရေး ဇက်ကြောတွေတက်အောင် တစ်ကြောင်းဖတ်လိုက် အဘိဓာန်လှန်လိုက်လုပ်ရတယ်။ အဲ့လိုပြောလို့ အားမငယ်သွားနဲ့နော်။ တစ်အုပ်လောက်ကုန်ရင် အဘိဓာန်မလိုတော့ဘူး။ ဘာလို့မလိုတော့တာလဲသိလား။ သိချင်ဆက်ဖတ်.. 😛

အဘိဓာန်ကို လုံးဝမကိုင်ချင်တော့ရင် ယောင်းကတော့ နည်းနည်းအားစိုက်ထုတ်ရမယ်။ အဲ့တစ်အုပ်ဖတ်နေရင်း စာကြောင်းအနေအထားလေးတွေ၊ ထူးထူးခြားခြားစာလုံးလေးတွေ၊ ခုနကိုယ်မသိလို့ရှာထားတဲ့ စာလုံးလေးတွေကို လိုက်မှတ်ထား။ စာတစ်ကြောင်းကို တစ်ခေါက်တည်းဖတ်လို့ နားမလည်ရင် နားလည်တဲ့အထိဖတ်။ လိုအပ်ရင် တစ်ပိုဒ်လုံးပြန်ဖတ်။ အပျော်သဘောမဟုတ်ဘဲ သေချာအာရုံစိုက်ပြီး ဖတ်လိုက်မယ်ဆိုရင် တကယ့်ကို စာအုပ်တစ်အုပ် ဖတ်အပြီးမှာ ယောင်းတို့ စာဖတ်အားတွေ တော်တော်တိုးတက်လာမှာသိလား။

Related article>>> ဘာစာအုပ်ဖတ်ရမလဲ

စာတွေဆက်ဖတ်ပါ

ကဲတစ်အုပ်တော့ပြီးပြီ နောက်တစ်အုပ်ဆက်ဖတ်ကြည့်မယ်။ အဲ့ကျရင် ယောင်းဘာတွေသတိထားမိလာမလဲဆိုတော့။ စာကြောင်းဖွဲ့စည်းပုံတွေ တော်တော် နားလည်လာမယ်။ အရှေ့စာအုပ်မှာ အဘိဓာန်ရှာထားတဲ့ အကျိုးနဲ့ စာလုံးတွေ အများကြီးတိုးလာမယ်။ ကိုယ်မသိတဲ့စာလုံးပါလာရင်တောင် စာကြောင်းအစအဆုံးဖတ်လိုက်ရင် ဒီစာလုံးရဲ့အဓိပ္ပါယ်ကိုယ် ရိပ်ဖမ်းသံဖမ်း သဘောပေါက်လာလိမ့်မယ်။

Related Article >>> အသိဉာဏ်ကြွယ်စေဖို့ ဖတ်သင့်တဲ့ စာအုပ်အမျိုးအစား (၅)မျိုး

နှစ်အုပ်ကနေ သုံးအုပ်၊လေးအုပ်ဖြစ်လာရင်တော့ ယောင်းတို့တွေ အင်္ဂလိပ်စာ အများကြီးတိုးတက်လာသလို စာဖတ်နှုန်းလဲမြန်လာပါလိမ့်မယ်။ အဲ့ကျရင် စာဖတ်ရတာ အလုပ်ကြီးတစ်ခုလိုမဟုတ်တော့ဘဲ ပေါ့ပေါ့ပါးပါးနဲ့ သိပ်ပျော်ဖို့ကောင်းလာမှာနော်။

အရေးကြီးတာကတော့ ဘယ်လောက်ပင်ပန်းပင်ပန်း အားမလျှော့ဘဲ ပထမတစ်အုပ်ကို ပြီးအောင်ဖတ်ဖို့ပါပဲ။ ပြီးသွားရင် စာတွေကို ဖတ်ပြီးရင်းသာဆက်ဖတ်။ နောက်ပိုင်းကျရင် အားလုံး အိုကေမှာစိုပြေသွားလိမ့်မယ်။ အင်္ဂလိပ်စာသင်တန်းဘာညာတောင် မလိုတော့ဘူး။ စာဖတ်နာလာရင် အင်္ဂလိပ်လိုကျွမ်းသွားမှာ သေချာပေါက်ပါပဲ။ ကဲ ခုကစပြီး အင်္ဂလိပ်စာဖတ်ဖို့ ကြောက်မနေဘဲ တတ်နိုင်သမျှ စာများများဖတ်ကြစို့နော်။

Khine ( For Her Myanmar)

Khine
အသက်သာကြီးလာတယ် လူကြီးစိတ် ကောင်းကောင်းမပေါက်သေးတဲ့ အပျိုကြီးမမပါ။ အိုပါးတို့ခေတ်က ကြိုက်လာလိုက်တဲ့ ကေပေါ့ကို အခုသားသားတို့ ခေတ်ထိ ကိုယ့်အသက်ကိုယ်မေ့ပြီး ကြိုက်နေဆဲပါ။ Knowledge, English learning, career နဲ့ relationship အပိုင်းတွေ အရေးများပါတယ်။

Leave a Reply

Your email address will not be published. Required fields are marked *