ဘာသာစကားအသစ်တစ်ခုကို အမြန်ဆုံးလေ့လာနိုင်မယ့် နည်းလမ်း

ဘာသာစကားတစ်ခုကို လေ့လာရတာ နည်းသိရင် မခက်ပါဘူး ယောင်းတို့ရယ်…

သင်္ချာချိန်​ဆို အီးမှန်​ထားသလို ရှုံ့တွပြီး အတန်းချိန်​မပြီးမချင်း ဝဋ်​မကျွတ်​​သေးပါလားဆိုပြီး စိတ်​​တွေဆင်းရဲရသ​လောက်​ အင်္ဂလိပ်​စာအချိန်​လည်း​ရောက်ရော ရုတ်​တရက်​ကြီး စပ်​စလူးနတ်​ပူးစိန်​ဖြစ်​ပြီး စာ​တွေ​ကောက်​ကာ ငင်​ကာနဲ့ ကြိုးစားတတ်​တဲ့ နန္ဒာက​တော့ (အာ့​ကြောင့် သင်္ချာဆရာမနဲ့ အီ​ဖေကိုယ်​နဲ့ မတည့်တာပေါ့) တွက်​ရချက်​ရတာ​တွေကိုမုန်းပြီး ဘာသာစကားအသစ်​​တွေ​ သင်​ရတာကို​တော့ ​သေမလိုကြိုက်​ပါတယ်​။ အင်္ဂလိပ်စာကို​တော့ ​မူလတန်းတုန်းက အဲ့​လောက်​ထိကြိုက်​ခဲ့လားမမှတ်မိ​တော့​ပေမဲ့ အလယ်​တန်းနှစ်​မှာ စာလုပ်​ပြီ​ဟေ့ဆိုတာနဲ့ English စာ စာအုပ်​က စကိုင်​တတ်​တာကို​တော့ မှတ်​မိပါ​သေးတယ်​။ အမှန်​​တော့ နန္ဒာ အင်္ဂလိပ်စာကို ကြိုက်​တယ်​ဆိုတာထက်​ ပိုပါတယ်​။ အင်္ဂလိပ်လို​ရေးထားရင်​ ​ကြော်​ငြာစာရွက်​ကအစ​တောင်းပြီး ဖတ်​တတ်​တဲ့အကျင့်ရှိပါတယ် ​။ နန္ဒာ့အဘိုးက အင်္ဂလိပ်​စာဆရာ လုပ်​ခဲ့ဖူးတာမို့ အိမ်​မှာ စာအုပ်​​တော်​​တော်​များများ (ဝတ္ထု၊ ပုံပြင်​တို့) သိမ်းထားပြီး အားရင်​အားသလို နန္ဒာ့ကိုဖတ်​ပြတာမျိုး ဒါမှမဟုတ်​ ဖတ်​ခိုင်းတာမျိုး လုပ်​တတ်​ပါတယ်​။ Snow White .. Cinderella .. Jack and the Pea .. အဲ့ပုံပြင်​​တွေဆို နား​ထောင်​ရတာ ရိုးကိုမရိုးနိုင်​ခဲ့ဘူး။ ​နောက်​ မီးပျက်​တဲ့ည​တွေဆို အိမ်​မှာ ​မြေးအဖိုး​တွေဝိုင်းထိုင်​ပြီး scrabble (စာလုံးဆက်) ​ဆော့ကြတယ်​။ သူများ​တွေ​ဆော့သလိုမျိုး စာလုံးဆက်​တဲ့ အတုံး​လေး​တွေနဲ့ မဟုတ်​ဘူး​နော်​ .. နန္ဒာတို့​ဆော့တာကျ ​ရှေ့ကတစ်​​ယောက်​က စာလုံးတစ်​လုံး​ပြောလိုက်​ရင်​ (ဥပမာ – pretty) ​နောက်​တစ်​​ယောက်​က ​ရှေ့က​ပြောသွားတဲ့စကားလုံးရဲ့​ နောက်​ဆုံးစာလုံး (​alphabet) နဲ့စပြီး စကားလုံးတစ်​ခု လိုက်​ဆက်​​ပြောကြတာပါ (ဥပမာ – york)။ မီးပျက်​တဲ့ညတိုင်း ပျင်းရတယ်​လို့မရှိဘူး .. အိမ်​ထဲမှာပူလို့ အပြင်​မှာခုံ​လေး​တွေခင်းပြီး ထွက်​ထိုင်​ရင်း စကားလုံးဆက်​ကြတာ ဘယ်​လို​တောင်​​ပျော်​စရာ​ကောင်းလဲ​မေး။ နန္ဒာကိုးတန်းဆယ်​တန်း​လောက်​ထိ အဲ့အ​လေ့အကျင့်​​လေးရှိခဲ့တယ်​​ ပေါ့​နော်။

Related Article >>> ဘာသာစကား တစ်ခုတတ်ရင်တော်ပြီလား

အဲ့​တော့ ​ပြောချင်​တာက ဘာသာစကားတစ်​ခု​လေ့လာတဲ့အခါမှာ

(၁)  ကိုယ်​သင်​ယူရမယ့် ပညာရပ်​အ​ပေါ် passion (ပြင်းပြတဲ့စိတ်​ဓာတ်​) ရှိဖို့လိုပါတယ်​။ မဖြစ်​မ​နေ သင်​ချင်​တယ်​၊ တတ်​ချင်​တယ်​၊ ကြိုးစားမယ်​ဆိုတဲ့ စိတ်​​ပေါ့​နော်​။

(၂) အချက်​အ​နေနဲ့က​တော့ စာဖတ်​ဖို့ပါ။ မဖတ်​ရင်​ မတတ်​ပါဘူး​နော်​… ရှင်းရှင်း​လေးပါ။ ဂျပန်​စာဆိုလည်း ဂျပန်​စာ​အုပ်​​တွေရှာဖတ်​​ပေါ့နော်​။ ခု​ခေတ်​က အင်​တာနက်​​ခေတ်​ဆို​တော့ အရင်​ကလို ပညာရပ်​တစ်​ခု​ လေ့လာချင်​ရင်​ စာအုပ်​တကူးတကသွားဝယ်​​ပြီးမှ ​လေ့လာဆည်းပူးလို့ရတဲ့​ခေတ်​ မဟုတ်​​တော့ပါဘူး။ အွန်လိုင်းမှာတင်​ စာ​တွေရှာဖတ်​၊ စာအုပ်​​တွေ ဒေါင်းလုပ်ဆွဲလုပ်​လို့ရ​နေတာမို့ စာဖတ်​ဖို့ အချိန်​​​ပေးပြီး ဖတ်​ဖြစ်​​အောင်​လည်း ဖတ်​ပါ။ စာဖတ်​ဆိုတဲ့​နေရာမှာ တစ်​ချို့စာဖတ်​ပျင်းတဲ့သူ​တွေရှိရင်​ အနည်းဆုံး​တော့ တစ်​​နေ့ကို သုံးမျက်​နှာပြီး​အောင်​ဖတ်​မယ် … ငါးမျက်​နှာပြီး​အောင်​ဖတ်​မယ်​ ဆိုတဲ့ တားဂက်​လေးထားပြီး စာဖတ်​ဖို့ အချိန်​​ပေးရပါမယ်​။ စာဖတ်​တတ်​တဲ့အ​လေ့အကျင့်ရှိတဲ့ သူ​တွေက​တော့ ကိုယ့်ရဲ့ ပုံမှန်​စာဖတ်​နှုန်းအတိုင်း ဖတ်​​ပေးသွားနိုင်​ရင်​ ရပါတယ်​။

(၃) အဘိဓာန်​​ဆောင်​ထားပါ။ အိတ်​​ဆောင်​စာအုပ်​​အ​သေး​လေးဖြစ်​ဖြစ်​၊ ဒါမှမဟုတ်​ ဖုန်းထဲမှာ Dictionary Application ထည့်​ထားပြီး စကားလုံးအသစ်​​တွေကို အမြဲတမ်း​လေ့လာ​နေပါ။ ဒါက ဘာသာစကားသင်​တဲ့​နေရာမှာ အရမ်းအ​ထောက်​အကူဖြစ်​​စေပါတယ်​။ သဒ္ဒါကျကျ ပြောတတ်​ဆိုတတ်​တဲ့အဆင့် မ​ရောက်​​သေးရင်​​တောင်​ စကားလုံး​တွေအများကြီး ​လေ့လာသင်​ယူထားတာက ကိုယ်​​လေ့လာ​နေတဲ့ ဘာသာစကားနဲ့ ​communicate (ပြောဆိုဆက်ဆံတာမျိုး) လုပ်​တဲ့​နေရာမှာ အများကြီး အ​ထောက်​အပံ့​ပေးပါတယ်​။ Learning Speed (သင်​ယူနှုန်း) လည်း ပိုမြန်​လာပြီး ​နောက်​ပိုင်း လက်​​တွေ့အသုံးချ ​ပြောဆိုတဲ့​နေရာမှာလည်း ပိုပြီးလွယ်​ကူ​ချော​မွေ့​​စေပါတယ်​​နော်​။

(၄) ​ပြောကြည့်ပါ။ မှားမှာစိုးလို့ .. မ​ပြောရဲလို့ .. ​ပြောမထွက်​လို့ … ဒါ​တွေက ဘာသာစကားတစ်​ခု ​လေ့လာသင်​ယူတဲ့အခါမှာ အကြီးမားဆုံး အဟန့်​အတား​တွေပါပဲနော်​။ ​မ​ပြောလို့မတတ်​ .. မတတ်​လို့မ​ပြော… သံသရာ​တွေလည်​ပြီး ​နောက်​ဆုံးဘာမှတတ်​မှာ မဟုတ်​ပါဘူး ​ယောင်းတုိ့​ရေ။ ​လေ့ကျင့်ဖော်​နဲ့ အပြန်​အလှန်​​ပြောပြီး ​လေ့ကျင့်​နိုင်​ရင်​​တော့ အ​ကောင်းဆုံးဆို​ပေမဲ့ မရှိဘူးဆိုရင်​လည်း ဘာမှမဖြစ်​ပါဘူး။ မှန်​​ရှေ့မှာရပ်​ပြီး ဆက်​တိုက်​သာ​ပြောပါ။ ကိုယ့်ကိုယ်ကိုယ်​ မိန့်​ခွန်း​ပြော​နေတယ်​လို့ သ​ဘောထားပြီး ​(အဆက်​စပ်​မရှိဘူး ဆိုရင်​​တောင်​) ရဲရဲတင်းတင်း​ပြောပါ။ ​ပြောရဲဆိုရဲဖြစ်​လာရင်​ ​နောက်​ပိုင်း ​ပြောတတ်​ဆိုတတ်​ဖြစ်​လာဖို့ မခက်​​ပါဘူး​နော်​။

(၅) ဒါက​တော့ နန္ဒာအကြိုက်​ဆုံးအပိုင်းပါ။ တခြား​တော့မဟုတ်​ပါဘူး .. ရုပ်​ရှင်​ကြည့်ဖို့ပါ။ ရုပ်​ရှင်​ကြည့်​တာက (Listening Skill) အကြားစွမ်းရည်​ကို တိုးတက်​​စေတဲ့အပြင်​ ​Native Speaker (အဲဒီနိုင်ငံသားတွေရဲ့) ​တွေရဲ့ လေသံအဖြတ်​အ​တောက်​နဲ့ စကားလုံးအသုံးအနှုန်း​​​ကိုပါ ​လေ့လာနိုင်​ပါတယ်​။ စစချင်းဆိုရင်​​တော့ သူတို့ဘာ​တွေ​ပြော​နေလဲ ကြားလိုက်​မှာမဟုတ်​​သေးပါဘူး။ ဘာ​တွေ​ပြော​နေမှန်းကို မသိဘူး ဆိုပြီး​တော့လည်း စိတ်​ပျက်​သွားရာမလိုပါဘူး​နော် ​။ စာတမ်းထိုးပါတဲ့ ဇာတ်​လမ်း​တွေကို အရင်​ဆုံး​ရွေးပြီးကြည့်ပါ။ ​ဇာတ်​ဝင်​ခန်းတစ်​ခုတည်းကိုပဲ မကြားမချင်း .. နားမလည်မချင်း ​ခဏခဏရစ်​ကြည့်ပါ။

ဒါက​တော့ အ​ခြေခံအကျဆုံးလို့ နန္ဒာထင်​တဲ့ အချက်​​လေး​တွေကိုပဲ ​ပြောပြသွားတာပါ။ ​ယောင်းတို့ထဲမှာ ဘာသာစကားသစ်​​တွေ စပြီးသင်​​တော့မယ့်သူတွေ ရှိရင်​ နန္ဒာ့ရဲ့ ဒီ​ဆောင်းပါး​လေးက အကူအညီတစ်​စုံတစ်​ရာဖြစ်​​စေနိုင်​ဖို့ ​မျှော်​လင့်​ပါတယ်​​နော်​။

Nandar (For Her Myanmar)

No Comments Yet

Comments are closed