Knowledge

အဂၤလိပ္စာစြမ္းရည္ တိုးတက္ေစမယ့္ စာအုပ္မ်ား

သင္တန္းတက္ပ်င္းတဲ့ ေယာင္းတို႔အတြက္ ကိုယ့္အားကိုယ္ကိုးျပီး အဂၤလိပ္စာတိုးတက္ေစမယ့္ နည္းေတြရွိတယ္ေနာ္။

>>> Zawgyi >>>

ေယာင္းတို႔ေရ အဂၤလိပ္စာ ကၽြမ္းခ်င္ေပမဲ့ သင္တန္းသြားဖို႔ အခ်ိန္ကလည္း မေပးႏိုင္၊ သင္တန္းေၾကးလည္း မတတ္ႏိုင္၊ သြားရမွာလည္း အသက္အရြယ္ေၾကာင့္ မသြားရဲဘူးျဖစ္ေနတယ္ဆိုရင္ စိတ္မပူပါနဲ႔။ မင္မင္ရွိပါတယ္ ကူညီမွာေပါ့။ မင္မင္ကိုယ္တိုင္လည္း သင္တန္းတက္ပ်င္းသူတစ္ေယာက္မို႔ ကိုယ့္ဘာသာပဲ ေလ့လာျဖစ္တာမ်ားတာမို႔ မင္မင္ေလ့လာခဲ့တဲ့ စာအုပ္ေတြကို ေျပာျပေပးမယ္ေနာ္။

(၁) စကားေျပာသြက္ေစဖို႔  

အဂၤလိပ္စကားေျပာသြက္ေနဖို႔ဆိုရင္ စကားလံုးေတြ ႂကြယ္ေနဖို႔၊ ဝါက်အလိုက္ တန္းစီ မွန္မွန္ကန္ကန္ထြက္လာဖုိ႔လည္း လိုပါတယ္ေနာ္။ ဒီလိုမ်ိဳး လ်ွာသြက္ေနဖုိ႔ဆိုရင္ေတာ့ “လ်ွပ္တစ္ျပက္ အဂၤလိပ္စကားေျပာ” ဆိုတဲ့ စာအုပ္ေလးကို ညႊန္းခ်င္ပါတယ္။ ဒီစာအုပ္ထဲမွာ ေန႔စဥ္စကားေျပာမွာ ေတာ္ေတာ္ေလးအသံုးမ်ားတဲ့ အသံုးနႈန္းေတြ၊ အဂၤလိပ္လို ေျပာဖို႔ ဘယ္လိုေျပာရမွန္းမသိခဲ့တဲ့ ျမန္မာစကားလံုးေတြ ေတာ္ေတာ္မ်ားမ်ားပါပါတယ္။ ဥပမာ – မီးစင္ၾကည့္ကၾကတာေပါ့ အရင္ကဆို ဒါကို အဂၤလိပ္လို ဘယ္လိုေျပာရင္ေကာင္းမလဲ မသိခဲ့ဘူးရယ္။ ခဏခဏလည္း ေျပာျဖစ္တယ္။ ဘာလို႔ဆို ေက်ာင္းတက္တုန္းက မီးစင္ၾကည့္ကတာက အမ်ားသားကိုး။ ဒါကိုေတာ့ “Let’s play it by ear” ဆိုၿပီး သံုးပါတယ္တဲ့ေလ။ အဲ့လို အရင္ကေျပာခ်င္တဲ့ စကားလံုးကပ္သီးကပ္ဖဲ့ ေတာ္ေတာ္မ်ားမ်ားလည္းရွိတယ္။ ဖတ္ၾကည့္ၿပီး ေလ့့လာၾကည့္ၾကေနာ္။ သူက ဥပမာေလးေတြနဲ႔ပါေပးထားေတာ့ ေလ့လာရလြယ္မွာပါ။ စာအုပ္တန္ဖိုးက (ခန္႔မွန္းေျခ) ၃,၅၀၀က်ပ္ပါ။

စကားလံုးႂကြယ္ေစဖို႔ စာအုပ္ေလးေတြ ဖတ္ေပးဖို႔လည္း မေမ့ပါနဲ႔ေနာ္။ ဒီမွာ ေယာင္းတို႔ကို ဖတ္ၾကည့္ေစခ်င္တာက ပံုျပင္တိုေလးေတြပါတဲ့ စာအုပ္ပါးပါးေလးေတြကို အရင္ဖတ္ၾကည့္ေစခ်င္ပါတယ္။ သူက level (အဆင့္) အလိုက္လည္း ဖတ္လို႔ရပါတယ္။ စာအုပ္ေနာက္ေက်ာေလးမွာ စာအုပ္ရဲ႕ level ေရးထားတတ္ပါတယ္။ စစဖတ္ခ်င္းဆိုရင္ေတာ့ “starter” အဆင့္ကေန စဖတ္ပါေနာ္။ ဒီစာအုပ္ေလးေတြကို ဖတ္ၾကည့္ရင္းနဲ႔ စာဖတ္တဲ့အက်င့္ရေအာင္လုပ္ၾကည့္ပါ။ စာဖတ္ရင္း သေဘာက်တဲ့ အသံုးႏႈန္းေလးေတြပါရင္ မွတ္ထားၿပီး ျပန္အသံုးခ်ဖုိ႔လည္း မေမ့ပါနဲ႔ေနာ္။ ဒီလိုစာအုပ္အပါးေလးေတြကိုေတာ့ျဖင့္ ရာျပည့္စာအုပ္ဆိုင္ေတြမွာ ရတာ မ်ားပါတယ္။ တန္ဖိုးအားျဖင့္ (ခန္႔မွန္းေျခ) ၈၀၀-၁၀၀၀ က်ပ္ၾကားပဲ ရွိပါတယ္။ ဒီလိုစာအုပ္ေလးေတြ ဖတ္တဲ့အခါ ကိုယ္စိတ္ဝင္စားတဲ့ အေၾကာင္းအရာေလးေတြ ေရြးဖတ္ပါ။

Related article >>> ရိုး႐ိုးအဂၤလိပ္ စကားေျပာအသံုးႏႈန္းကို Business English ဘယ္လိုေျပာင္းၾကမလဲ

(၂) အသံုးႏႈန္းမွန္ေစဖို႔

စကားလံုးေတြကို ဘယ္ေနရာမွာ၊ ဘယ္သူေတြနဲ႔ မွန္မွန္ကန္ကန္သံုးရမယ္ဆိုတာလည္း သိဖို႔လိုအပ္ပါတယ္။ ၿပီးေတာ့ ျမန္မာလိုစဥ္းစားၿပီး တစ္လံုးခ်င္းစီ ဘာသာျပန္ေနရမယ့္အစား ဒီစကားဆို အဂၤလိပ္လို ဘယ္လိုေျပာတယ္ဆိုတာ အတြဲလိုက္က်လာသင့္တာပါ။ ဥပမာ ေျပာရရင္ “အမွားလုပ္သည္” ဆိုတဲ့စကားက ဒီလိုမ်ိဳးဘာသာျပန္လိုက္ၾကတာေတြ႔ရပါတယ္ “လုပ္သည္” – do “အမွား” – mistakes ဒီတိုင္းဆိုရင္ေတာ့ မွန္မလိုပါပဲ။ ဒါေပမယ့္ တကယ္တမ္းက် တြဲသံုးတဲ့စကားလံုးမွားေနပါတယ္။ make mistakes ကမွ အမွန္ပါပဲ။ do ေရာ make ေရာက လုပ္သည္ဆိုတဲ့အဓိပၸာယ္ တူတူပါပဲ။ ငယ္ငယ္က က်က္တုန္းက အဓိပၸာယ္ပဲက်က္ခဲ့ၿပီး သူ႔ကို လက္ေတြ႕မွာ သံုးနည္း မသိခဲ့တဲ့အခါ မွားသံုးကုန္တာေပါ့။ ဒီလိုမ်ိဳးေတြမျဖစ္ရေအာင္ “Essential Collocations” ဆိုတဲ့ စာအုပ္ေလးကို ညႊန္းခ်င္ပါတယ္။ အဲ့စာအုပ္ထဲမွာ အသံုးမ်ားတဲ့ စကားလံုးေတြကို ဘယ္လိုစကားလံုးေတြနဲ႔ တြဲသံုးရတယ္ဆိုတာကို ဥပမာ စာေၾကာင္းေလးေတြ၊ အဓိပၸာယ္ေလးေတြနဲ႔ပါ ရွင္းျပေပးထားပါတယ္။ စာအုပ္တန္ဖိုးကေတာ့ (ခန္႔မွန္းေျခ) ၃,၀၀၀က်ပ္ပါ။

English learning book
လွ်ပ္တစ္ျပက္ အဂၤလိပ္စကားေျပာ စာအုပ္ႏွင့္ Essential Collocations

(၃) သဒၵါမွန္ေစဖို႔

ေယာင္းတို႔လည္း သတိထားမိမွာပါ။ အဂၤလိပ္စာနဲ႔ပတ္သက္တာေရးတိုင္း သဒၵါကို အရမ္း အာရံုမစိုက္ဖို႔ အက္မင္မွာေလ့ရွိတယ္ဆိုတာ။ ခုလည္း ထပ္မွာခ်င္ပါတယ္။ သဒၵါကၽြမ္းဖို႔က နံပါတ္ (၁) မဟုတ္ပါဘူး။ ေျပာရဲဖို႔က နံပါတ္(၁) ပါ။ ေျပာရဲေနရံုနဲ႔လည္း မေက်နပ္ပါနဲ႔။ အသံထြက္မွန္ပါေစ။ အသံထြက္မွန္ရံုနဲ႔လည္း မတင္းတိမ္ပါနဲ႔။ အေျပာမွန္ေအာင္ (သဒၵါမွန္) ပါ ႀကိဳးစားပါ။ သဒၵါေလ့က်င့္ဖို႔ဆိုရင္ေတာ့ Cambridge က ထုတ္တဲ့ “Grammar in use” စာအုပ္ေလးေတြနဲ႔ ေလ့က်င့္ေစခ်င္ပါတယ္။ ကိုယ့္ အဂၤလိပ္စာ အဆင့္အလိုက္ ေျပာင္းေလ့က်င့္ေပ့ါေနာ္။ စာအုပ္တန္ဖိုးက (ခန္႔မွန္းေျခ) ၁၅၀၀ ဝန္းက်င္ပါ။ ဒါက ေကာ္ပီေစ်းပါေနာ္။ အစစ္ဆိုရင္ေတာ့ ေသာင္းဂဏန္းေက်ာ္မယ္ထင္တယ္။ ကြာတာက စာအုပ္အရည္အေသြးပါပဲ။ ဒါေၾကာင့္ ဘတ္ဂ်က္ကိုက္ေအာင္ ေကာ္ပီပဲ ဝယ္ေစခ်င္ပါတယ္။ အစစ္ေတြဘာေတြလိုခ်င္တယ္ဆိုလည္း Tab book centre ေတြမွာေတာ့ အက္မင္ေတြ႔ဖူးတယ္။

Basic Grammar in Use

(၄) နားရည္ဝေနေစဖို႔

နားရည္ဝေနဖို႔ဆို တကယ့္ အဂၤလိပ္ေတြ ေျပာတာကို နားေထာင္တာကေတာ့ အေကာင္းဆံုးပဲေပါ့ေနာ္။ ဒါမွမဟုတ္လည္း အဂၤလိပ္သီခ်င္း၊ အဂၤလိပ္ကားေတြနဲ႔လည္း ေလ့က်င့္လို႔ရပါတယ္။ အဲ့လိုမလုပ္ခ်င္ဘူး။ တကယ့္ေက်ာင္းသားေတြလို စာလိုမ်ိဳးလုပ္ခ်င္တယ္၊ ေလ့က်င့္ခ်င္တယ္ ဆိုရင္ေတာ့ အေျဖပါပါတဲ့စာအုပ္မ်ိဳး၊ Audio CD ပါတဲ့ test book မ်ိဳးနဲ႔ ေလ့က်င့္သင့္ပါတယ္။ ပံုမွန္ဆိုရင္ စာအုပ္ဆိုင္ေတြက စာအုပ္ေတြမွာ CD ညွပ္ေပးထားေလ့မရွိပါဘူး။ ဘာလို႔ဆို ေကာ္ပီစာအုပ္ေတြကိုး။ ဝယ္ခ်င္ရင္ သူတို႔ကိုေမးပါ။ သီးသန္႔ေရာင္းပါလိမ့္မယ္။ (ခန္႔မွန္းေျခ) ၁,၀၀၀က်ပ္ ေလာက္ပါပဲ။ အက္မင္စစေလ့က်င့္ခဲ့တဲ့စာအုပ္ကေတာ့ Cambridge ရဲ႕ “work for life English 365” ဆိုတဲ့ စာအုပ္နဲ႔ ေလ့က်င့္ခဲ့တာပါ။ အဲ့ဒါဝယ္ထားတာေတာ့ နည္းနည္းၾကာၿပီ။(ခန္႔မွန္းေျခ) ၂,၈၀၀က်ပ္ဝန္းေလာက္ေပးရတယ္။ ေနာက္ေက်ာမွာ အေျဖေလးလည္းပါေတာ့ (ခိုးၾကည့္ရ) အဲ ေလ့လာရပိုလြယ္တယ္ေပါ့ေနာ္။

 

Related article >>>အဂၤလိပ္အသံထြက္ေကာင္းေစမယ့္ Tongue Twister မ်ား

(၅) အသံထြက္မွန္ေစဖို႔

ယာင္းက ေျပာရဲၿပီဆို ေနာက္တစ္ဆင့္က အသံထြက္မွန္ေအာင္ ေလ့က်င့္ဖို႔ပါပဲ။ ဒီအတြက္ကိုေတာ့ “အဖတ္ အေျပာျမန္ အသံထြက္မွန္ အဂၤလိပ္စာ”ဆိုတဲ့စာအုပ္ေလးကို ညႊန္းခ်င္ပါတယ္။ သူက အဂၤလိပ္စကားလံုးေတြရဲ႕ ထြက္ပံုထြက္နည္းေလးေတြကို ျမန္မာလို ရွင္းရွင္းလင္းလင္း ရွင္းျပေပးထားတဲ့အျပင္ ေလ့က်င့္ခန္းေလးေတြပါ ထည့္ေပးထားတာမို႔ ေတာ္တာ္ အသံုးဝင္မွာပါ။ စာအုပ္တန္ဖိုးကေတာ့ (ခန္႔မွန္းေျခ) ၃,၀၀၀က်ပ္ပါ။ ေနာက္တစ္အုပ္ကေတာ့ “Easy Pronunciation” ဆိုတဲ့စာအုပ္ေလးပါ။ သူက အဂၤလိပ္လို ရွင္းျပထားေပမယ့္ တိုတိုနဲ႔လိုရင္းေရာက္ပါတယ္။ CD ေလးပါ တြဲပါေတာ့ ေလ့က်င့္ရတာ ပိုၿပီး အက်ိဳးသက္ေရာက္မႈရွိပါတယ္။ သေဘာက်ခဲ့ရတဲ့ စာအုပ္ေလးပါပဲ။ စာအုပ္တန္ဖိုးကေတာ့ (ခန္႔မွန္းေျခ) ၁,၂၀၀က်ပ္ဝန္းက်င္ပါ။

အက္မင္ အခ်ဳပ္အေနနဲ႔ ေျပာခ်င္တာက ေစ်းႀကီးႀကီးသင္တန္းတက္မွ စာတတ္တာမဟုတ္ပါဘူးေနာ္။ ဘယ္ေလာက္ပဲ သင္တန္းေတြတက္တက္ ကိုယ္ကိုယ္တိုင္ ျပန္မေလ့က်င့္ရင္ ဆရာ သင္ေပးထားတာေတြက အလကားျဖစ္သြားမွာပါ။ ဒါေၾကာင့္ သင္တန္းပဲတက္တက္၊ ကိုယ့္ဘာသာပဲ လုပ္လုပ္ ျပန္ေလ့က်င့္ဖို႔၊ လက္ေတြ႔ဘဝမွာ အသံုးခ်ဖို႔လည္း မေမ့ပါနဲ႔ေနာ္။

(စာႂကြင္း – အက္မင္ကေတာ့ စာအုပ္ဝယ္ရင္ လွည္းတန္း ဦးထြန္းလင္းျခံလမ္းဘက္မွာ သြားဝယ္တာမ်ားတယ္။ အဲ့လမ္းမွာ စာအုပ္ဆိုင္က (၄) ဆိုင္ေလာက္ရွိေတာ့ တစ္ဆိုင္ၿပီးတစ္ဆိုင္ ေမႊရံုပဲ။ အက္မင္ကေတာ့ စာအုပ္ဝယ္ၿပီဆို ပါလာသမ်ွအထုပ္ခ်ၿပီး စိတ္ရွည္ရွည္နဲ႔ဝယ္ရမွကို ေက်နပ္တာ:D အဲ့လို စိတ္ရွည္လက္ရွည္ ေရြးထားတာေလးကို ေယာင္းတို႔မို႔လို႔ ျပန္မွ်ေဝထားတာေနာ္။ <3)

Myat (For Her Myanmar)

>> Unicode >>>

သင်တန်းတက်ပျင်းတဲ့ ယောင်းတို့အတွက် ကိုယ့်အားကိုယ်ကိုးပြီး အင်္ဂလိပ်စာတိုးတက်စေမယ့် နည်းတွေရှိတယ်နော်။

ယောင်းတို့ရေ အင်္ဂလိပ်စာ ကျွမ်းချင်ပေမဲ့ သင်တန်းသွားဖို့ အချိန်ကလည်း မပေးနိုင်၊ သင်တန်းကြေးလည်း မတတ်နိုင်၊ သွားရမှာလည်း အသက်အရွယ်ကြောင့် မသွားရဲဘူးဖြစ်နေတယ်ဆိုရင် စိတ်မပူပါနဲ့။ မင်မင်ရှိပါတယ် ကူညီမှာပေါ့။ မင်မင်ကိုယ်တိုင်လည်း သင်တန်းတက်ပျင်းသူတစ်ယောက်မို့ ကိုယ့်ဘာသာပဲ လေ့လာဖြစ်တာများတာမို့ မင်မင်လေ့လာခဲ့တဲ့ စာအုပ်တွေကို ပြောပြပေးမယ်နော်။

(၁) စကားပြောသွက်စေဖို့  

အင်္ဂလိပ်စကားပြောသွက်နေဖို့ဆိုရင် စကားလုံးတွေ ကြွယ်နေဖို့၊ ဝါကျအလိုက် တန်းစီ မှန်မှန်ကန်ကန်ထွက်လာဖို့လည်း လိုပါတယ်နော်။ ဒီလိုမျိုး လျှာသွက်နေဖို့ဆိုရင်တော့ “လျှပ်တစ်ပြက် အင်္ဂလိပ်စကားပြော” ဆိုတဲ့ စာအုပ်လေးကို ညွှန်းချင်ပါတယ်။ ဒီစာအုပ်ထဲမှာ နေ့စဉ်စကားပြောမှာ တော်တော်လေးအသုံးများတဲ့ အသုံးနှုန်းတွေ၊ အင်္ဂလိပ်လို ပြောဖို့ ဘယ်လိုပြောရမှန်းမသိခဲ့တဲ့ မြန်မာစကားလုံးတွေ တော်တော်များများပါပါတယ်။ ဥပမာ – မီးစင်ကြည့်ကကြတာပေါ့ အရင်ကဆို ဒါကို အင်္ဂလိပ်လို ဘယ်လိုပြောရင်ကောင်းမလဲ မသိခဲ့ဘူးရယ်။ ခဏခဏလည်း ပြောဖြစ်တယ်။ ဘာလို့ဆို ကျောင်းတက်တုန်းက မီးစင်ကြည့်ကတာက အများသားကိုး။ ဒါကိုတော့ “Let’s play it by ear” ဆိုပြီး သုံးပါတယ်တဲ့လေ။ အဲ့လို အရင်ကပြောချင်တဲ့ စကားလုံးကပ်သီးကပ်ဖဲ့ တော်တော်များများလည်းရှိတယ်။ ဖတ်ကြည့်ပြီး လေ့လာကြည့်ကြနော်။ သူက ဥပမာလေးတွေနဲ့ပါပေးထားတော့ လေ့လာရလွယ်မှာပါ။ စာအုပ်တန်ဖိုးက (ခန့်မှန်းခြေ) ၃,၅၀၀ကျပ်ပါ။

စကားလုံးကြွယ်စေဖို့ စာအုပ်လေးတွေ ဖတ်ပေးဖို့လည်း မမေ့ပါနဲ့နော်။ ဒီမှာ ယောင်းတို့ကို ဖတ်ကြည့်စေချင်တာက ပုံပြင်တိုလေးတွေပါတဲ့ စာအုပ်ပါးပါးလေးတွေကို အရင်ဖတ်ကြည့်စေချင်ပါတယ်။ သူက level (အဆင့်) အလိုက်လည်း ဖတ်လို့ရပါတယ်။ စာအုပ်နောက်ကျောလေးမှာ စာအုပ်ရဲ့ level ရေးထားတတ်ပါတယ်။ စစဖတ်ချင်းဆိုရင်တော့ “starter” အဆင့်ကနေ စဖတ်ပါနော်။ ဒီစာအုပ်လေးတွေကို ဖတ်ကြည့်ရင်းနဲ့ စာဖတ်တဲ့အကျင့်ရအောင်လုပ်ကြည့်ပါ။ စာဖတ်ရင်း သဘောကျတဲ့ အသုံးနှုန်းလေးတွေပါရင် မှတ်ထားပြီး ပြန်အသုံးချဖို့လည်း မမေ့ပါနဲ့နော်။ ဒီလိုစာအုပ်အပါးလေးတွေကိုတော့ဖြင့် ရာပြည့်စာအုပ်ဆိုင်တွေမှာ ရတာ များပါတယ်။ တန်ဖိုးအားဖြင့် (ခန့်မှန်းခြေ) ၈၀၀-၁၀၀၀ ကျပ်ကြားပဲ ရှိပါတယ်။ ဒီလိုစာအုပ်လေးတွေ ဖတ်တဲ့အခါ ကိုယ်စိတ်ဝင်စားတဲ့ အကြောင်းအရာလေးတွေ ရွေးဖတ်ပါ။

Related article >>> ရိုးရိုးအင်္ဂလိပ် စကားပြောအသုံးနှုန်းကို Business English ဘယ်လိုပြောင်းကြမလဲ

(၂) အသုံးနှုန်းမှန်စေဖို့

စကားလုံးတွေကို ဘယ်နေရာမှာ၊ ဘယ်သူတွေနဲ့ မှန်မှန်ကန်ကန်သုံးရမယ်ဆိုတာလည်း သိဖို့လိုအပ်ပါတယ်။ ပြီးတော့ မြန်မာလိုစဉ်းစားပြီး တစ်လုံးချင်းစီ ဘာသာပြန်နေရမယ့်အစား ဒီစကားဆို အင်္ဂလိပ်လို ဘယ်လိုပြောတယ်ဆိုတာ အတွဲလိုက်ကျလာသင့်တာပါ။ ဥပမာ ပြောရရင် “အမှားလုပ်သည်” ဆိုတဲ့စကားက ဒီလိုမျိုးဘာသာပြန်လိုက်ကြတာတွေ့ရပါတယ် “လုပ်သည်” – do “အမှား” – mistakes ဒီတိုင်းဆိုရင်တော့ မှန်မလိုပါပဲ။ ဒါပေမယ့် တကယ်တမ်းကျ တွဲသုံးတဲ့စကားလုံးမှားနေပါတယ်။ make mistakes ကမှ အမှန်ပါပဲ။ do ရော make ရောက လုပ်သည်ဆိုတဲ့အဓိပ္ပာယ် တူတူပါပဲ။ ငယ်ငယ်က ကျက်တုန်းက အဓိပ္ပာယ်ပဲကျက်ခဲ့ပြီး သူ့ကို လက်တွေ့မှာ သုံးနည်း မသိခဲ့တဲ့အခါ မှားသုံးကုန်တာပေါ့။ ဒီလိုမျိုးတွေမဖြစ်ရအောင် “Essential Collocations” ဆိုတဲ့ စာအုပ်လေးကို ညွှန်းချင်ပါတယ်။ အဲ့စာအုပ်ထဲမှာ အသုံးများတဲ့ စကားလုံးတွေကို ဘယ်လိုစကားလုံးတွေနဲ့ တွဲသုံးရတယ်ဆိုတာကို ဥပမာ စာကြောင်းလေးတွေ၊ အဓိပ္ပာယ်လေးတွေနဲ့ပါ ရှင်းပြပေးထားပါတယ်။ စာအုပ်တန်ဖိုးကတော့ (ခန့်မှန်းခြေ) ၃,၀၀၀ကျပ်ပါ။

(၃) သဒ္ဒါမှန်စေဖို့

ယောင်းတို့လည်း သတိထားမိမှာပါ။ အင်္ဂလိပ်စာနဲ့ပတ်သက်တာရေးတိုင်း သဒ္ဒါကို အရမ်း အာရုံမစိုက်ဖို့ အက်မင်မှာလေ့ရှိတယ်ဆိုတာ။ ခုလည်း ထပ်မှာချင်ပါတယ်။ သဒ္ဒါကျွမ်းဖို့က နံပါတ် (၁) မဟုတ်ပါဘူး။ ပြောရဲဖို့က နံပါတ်(၁) ပါ။ ပြောရဲနေရုံနဲ့လည်း မကျေနပ်ပါနဲ့။ အသံထွက်မှန်ပါစေ။ အသံထွက်မှန်ရုံနဲ့လည်း မတင်းတိမ်ပါနဲ့။ အပြောမှန်အောင် (သဒ္ဒါမှန်) ပါ ကြိုးစားပါ။ သဒ္ဒါလေ့ကျင့်ဖို့ဆိုရင်တော့ Cambridge က ထုတ်တဲ့ “Grammar in use” စာအုပ်လေးတွေနဲ့ လေ့ကျင့်စေချင်ပါတယ်။ ကိုယ့် အင်္ဂလိပ်စာ အဆင့်အလိုက် ပြောင်းလေ့ကျင့်ပေ့ါနော်။ စာအုပ်တန်ဖိုးက (ခန့်မှန်းခြေ) ၁၅၀၀ ဝန်းကျင်ပါ။ ဒါက ကော်ပီဈေးပါနော်။ အစစ်ဆိုရင်တော့ သောင်းဂဏန်းကျော်မယ်ထင်တယ်။ ကွာတာက စာအုပ်အရည်အသွေးပါပဲ။ ဒါကြောင့် ဘတ်ဂျက်ကိုက်အောင် ကော်ပီပဲ ဝယ်စေချင်ပါတယ်။ အစစ်တွေဘာတွေလိုချင်တယ်ဆိုလည်း Tab book centre တွေမှာတော့ အက်မင်တွေ့ဖူးတယ်။

(၄) နားရည်ဝနေစေဖို့

နားရည်ဝနေဖို့ဆို တကယ့် အင်္ဂလိပ်တွေ ပြောတာကို နားထောင်တာကတော့ အကောင်းဆုံးပဲပေါ့နော်။ ဒါမှမဟုတ်လည်း အင်္ဂလိပ်သီချင်း၊ အင်္ဂလိပ်ကားတွေနဲ့လည်း လေ့ကျင့်လို့ရပါတယ်။ အဲ့လိုမလုပ်ချင်ဘူး။ တကယ့်ကျောင်းသားတွေလို စာလိုမျိုးလုပ်ချင်တယ်၊ လေ့ကျင့်ချင်တယ် ဆိုရင်တော့ အဖြေပါပါတဲ့စာအုပ်မျိုး၊ Audio CD ပါတဲ့ test book မျိုးနဲ့ လေ့ကျင့်သင့်ပါတယ်။ ပုံမှန်ဆိုရင် စာအုပ်ဆိုင်တွေက စာအုပ်တွေမှာ CD ညှပ်ပေးထားလေ့မရှိပါဘူး။ ဘာလို့ဆို ကော်ပီစာအုပ်တွေကိုး။ ဝယ်ချင်ရင် သူတို့ကိုမေးပါ။ သီးသန့်ရောင်းပါလိမ့်မယ်။ (ခန့်မှန်းခြေ) ၁,၀၀၀ကျပ် လောက်ပါပဲ။ အက်မင်စစလေ့ကျင့်ခဲ့တဲ့စာအုပ်ကတော့ Cambridge ရဲ့ “for work and life English 365” ဆိုတဲ့ စာအုပ်နဲ့ လေ့ကျင့်ခဲ့တာပါ။ အဲ့ဒါဝယ်ထားတာတော့ နည်းနည်းကြာပြီူ။ (ခန့်မှန်းခြေ) ၂,၈၀၀ကျပ်ဝန်းလောက်ပေးရတယ်။ နောက်ကျောမှာ အဖြေလေးလည်းပါတော့ (ခိုးကြည့်ရ) အဲ လေ့လာရပိုလွယ်တယ်ပေါ့နော်။

Related article >>> အင်္ဂလိပ်အသံထွက်ကောင်းစေမယ့် Tongue Twister များ

(၅) အသံထွက်မှန်စေဖို့

ယောင်းက ပြောရဲပြီဆို နောက်တစ်ဆင့်က အသံထွက်မှန်အောင် လေ့ကျင့်ဖို့ပါပဲ။ ဒီအတွက်ကိုတော့ “အဖတ် အပြောမြန် အသံထွက်မှန် အင်္ဂလိပ်စာ”ဆိုတဲ့စာအုပ်လေးကို ညွှန်းချင်ပါတယ်။ သူက အင်္ဂလိပ်စကားလုံးတွေရဲ့ ထွက်ပုံထွက်နည်းလေးတွေကို မြန်မာလို ရှင်းရှင်းလင်းလင်း ရှင်းပြပေးထားတဲ့အပြင် လေ့ကျင့်ခန်းလေးတွေပါ ထည့်ပေးထားတာမို့ တော်တာ် အသုံးဝင်မှာပါ။ စာအုပ်တန်ဖိုးကတော့ (ခန့်မှန်းခြေ) ၃,၀၀၀ကျပ်ပါ။ နောက်တစ်အုပ်ကတော့ “Easy Pronunciation” ဆိုတဲ့စာအုပ်လေးပါ။ သူက အင်္ဂလိပ်လို ရှင်းပြထားပေမယ့် တိုတိုနဲ့လိုရင်းရောက်ပါတယ်။ CD လေးပါ တွဲပါတော့ လေ့ကျင့်ရတာ ပိုပြီး အကျိုးသက်ရောက်မှုရှိပါတယ်။ သဘောကျခဲ့ရတဲ့ စာအုပ်လေးပါပဲ။ စာအုပ်တန်ဖိုးကတော့ (ခန့်မှန်းခြေ) ၁,၂၀၀ကျပ်ဝန်းကျင်ပါ။

အက်မင် အချုပ်အနေနဲ့ ပြောချင်တာက ဈေးကြီးကြီးသင်တန်းတက်မှ စာတတ်တာမဟုတ်ပါဘူးနော်။ ဘယ်လောက်ပဲ သင်တန်းတွေတက်တက် ကိုယ်ကိုယ်တိုင် ပြန်မလေ့ကျင့်ရင် ဆရာ သင်ပေးထားတာတွေက အလကားဖြစ်သွားမှာပါ။ ဒါကြောင့် သင်တန်းပဲတက်တက်၊ ကိုယ့်ဘာသာပဲ လုပ်လုပ် ပြန်လေ့ကျင့်ဖို့၊ လက်တွေ့ဘဝမှာ အသုံးချဖို့လည်း မမေ့ပါနဲ့နော်။

(စာကြွင်း – အက်မင်ကတော့ စာအုပ်ဝယ်ရင် လှည်းတန်း ဦးထွန်းလင်းခြံလမ်းဘက်မှာ သွားဝယ်တာများတယ်။ အဲ့လမ်းမှာ စာအုပ်ဆိုင်က (၄) ဆိုင်လောက်ရှိတော့ တစ်ဆိုင်ပြီးတစ်ဆိုင် မွှေရုံပဲ။ အက်မင်ကတော့ စာအုပ်ဝယ်ပြီဆို ပါလာသမျှအထုပ်ချပြီး စိတ်ရှည်ရှည်နဲ့ဝယ်ရမှကို ကျေနပ်တာ 😀 အဲ့လို စိတ်ရှည်လက်ရှည် ရွေးထားတာလေးကို ယောင်းတို့မို့လို့ ပြန်မျှဝေထားတာနော်။ <3)

Myat (For Her Myanmar)

Leave a Reply

Your email address will not be published. Required fields are marked *