Sheet Mask (မျက်နှာပေါင်းတင် ကပ်ခွာ)တို့အကြောင်း သိကောင်းစရာ

Sheet Mask (မျက်နှာပေါင်းတင်ကပ်ခွာ) တွေနဲ့ မကြာခဏပေါင်းတင်ဖူးကြပေးမဲ့ အဲဒီကပ်ခွာတွေအကြောင်း တကယ်အကုန်သိပြီလား ယောင်းတို့ရေ…

ယောင်းတို့ရေ … မိတ်ကပ်တွေကိုပဲ အသားပေးအလှပြင်တာထက် ကိုယ့်ရဲ့ ပင်ကိုယ်အသားအရေကို ထိန်းသိမ်းပေးဖို့လည်း လိုအပ်ပါတယ်။ ဒီလိုထိန်းသိမ်းတဲ့နေရာမှာ ရေများများသောက်တာ၊ အသီးအနှံတွေစားတာ၊ Moisture တွေ Serum တွေသုံးတာတွေ ပြုလုပ်ဖို့လိုသလို မျက်နှာအသားအရေကိုပေါင်းတင်ပေးဖို့လည်းလိုအပ်ပါတယ်။ ပေါင်းတင်တာမှာလည်း နည်းအမျိုးမျိုးရှိပါတယ်။ ဂျယ်လ်အမျိုးအစားပေါင်းတင်ပစ္စည်း၊ ရွှံ့စေးအမျိုးအစားပေါင်းတင်ပစ္စည်း၊ သဘာဝအသီးအနှံတွေနဲ့ပေါင်းတင်တာ အစရှိသဖြင့်နည်းမျိုးစုံရှိတဲ့အထဲကမှ ပေါင်းတင်မျက်နှာဖုံး (Sheet Mask) အကြောင်း သိကောင်းစရာ အဖြာဖြာကို မျှဝေပေးလိုက်ပါတယ်။

Sheet Mask (ပေါင်းတင်ကပ်ခွာ) တွေကို စတင်ထုတ်လုပ်တဲ့နိုင်ငံက တောင်ကိုရီးယားနိုင်ငံဖြစ်ပါတယ်။ Sheet Mask ဆိုတာ အသားအရေအတွက် အကျိုးပြုတဲ့ ဗီတာမင်တွေ ပါဝင်တဲ့ အနှစ်ရည်ကို မျက်နှာဖုံးပုံသဏ္ဍာန် အဝတ်စတစ်ခုမှာ ထည့်သွင်းထားပြီး မျက်နှာမှာ အဲ့ဒီမျက်နှာဖုံးကို ကပ်ထားပြီး ပေါင်းတင်ရတာပါ။ ပုံမှန် ပေါင်းတင်ရည်တွေထက် ပေါင်းတင်ကပ်ခွာတွေက အသုံးပြုရလွယ်ကူပြီး အကျိုးသက်ရောက်မှုပိုရှိတယ်လို့ဆိုကြပါတယ်။ ဒါ့အပြင် အခြား အနှစ်ပုံစံ၊ အဆီပုံစံပေါင်းတင်ပစ္စည်းတွေထက် ရေဓာတ်ပိုပြည့်ဝစေတယ်လို့ဆိုကြပါတယ်။
Related Article >>> တစ်ပတ်တစ်ခါ မျက်နှာပေါင်းတင်ခြင်းကနေ ရလာနိုင်မဲ့ ကောင်းကျိုး (၄)သွယ်

ဒါ့အပြင် Spa တွေသွားတာထက်လည်း အကုန်အကျသက်သာသလို မျက်နှာအသားအရေကို တောက်ပစေတဲ့အစွမ်းသတ္တိရှိပါတယ်။ ဒါပေမဲ့ အခြားပေါင်းတင်ပစ္စည်းတွေလောက် အသားအရေကို သန့်စင်စေခြင်း၊ ကြေးချွတ်ပေးနိုင်ခြင်း အစွမ်းသတ္တိတော့ မပြည့်ဝပါဘူး။
ဒါ့အပြင် အရည်အသွေးနိမ့် ပေါင်းတင်ကပ်ခွာတွေဟာ အသားအရေအတွင်းပိုင်းထဲအထိမရောက်ခင် အငွေ့ပျံသွားတတ်တာကြောင့် အကျိုးသက်ရောက်မှုနည်းပါတယ်။ မျက်နှာပေါင်းတင်ကပ်ခွာတွေရဲ့အကြောင်း ပြောပြပြီးပြီဆိုတော့ အက်ဒ်မင်ကယောင်းတို့ကို မျက်နှာပေါင်းတင် မျက်နှာဖုံးလေးတွေသုံးတဲ့အခါ သိထားသင့်တာလေးတွေထပ်ပြောပြမယ်နော်။

၁။ ပေါင်းတင်မျက်နှာဖုံးကို ပုံမှန်အားဖြင့် တစ်ပတ်တစ်ကြိမ် သုံးပေးပါ။
၂။ သုံးစွဲရန် အညွှန်းကို သေချာဖတ်ပါ။ ညွှန်ကြားထားတဲ့အတိုင်း သေချာလိုက်နာပေးပါ။
၃။ ပေါင်းတင်ကပ်ခွာတွေကို အကြာကြီးကပ်မထားပါနဲ့။
အညွှန်းထဲကအချိန်အတိုင်းပဲ မျက်နှာဖုံးကိုကပ်ထားရင် ရပါပြီ။ ပိုထိရောက်အောင်ဆိုပြီး အချိန်ပိုကပ်ထားစရာမလိုပါဘူး။
၎။ မျက်နှာဖုံး သုံးပြီးပြီးချင်း ရေဆေးချတာမျိုးမလုပ်သင့်ပါ။ ကိုယ့်မျက်နှာပေါ်ကျန်နေတဲ့ အဆီအနှစ်တွေက မျက်နှာကို အားဖြည့်ပေးနေသေးတာမို့ ရေဆေးချလိုက်ရင် ပေါင်းတင်ထားတာ အလကားဖြစ်သွားပါတယ်။
၅။ အသားအရေခြောက်သွေ့တဲ့သူမျိုးဆိုရင် ပေါင်းတင်ပြီးတာနဲ့ Moisture (အစိုဓာတ်ထိန်းဆေး) သုံးပါ။

Sugar Cane (For Her Myanmar)

Reference : Beverly Hills MD , Orgaid

No Comments Yet

Comments are closed