Fitness Health

ကိုယ်ခံပညာသင်ယူရင်းနဲ့ နောက်ထပ်ဘယ်လိုအကျိုးကျေးဇူးတွေရှိလာမလဲ

ကိုယ်ခံပညာသင်ယူရင်း အမိုက်စားခန္ဓာကိုယ်ရပြီး ကြည်လင်တဲ့အသားအရေပါရရှိနိုင်သတဲ့…

ဒီတစ်လောမှာ မိန်းကလေးတွေကိုယ်ခံပညာသင်ထားသင့်တယ်ဆိုတဲ့အသံတွေကျယ်ကျယ်လောင်လောင်ထွက်ပေါ်လာနေပါတယ်။ အကြောင်းကလည်း မိန်းကလေးတွေဟာလိင်ပိုင်းဆိုင်ရာအန္တရာယ်ပြုခံရတာတွေမကြာခဏ ဖြစ်ပေါ်နေတာကြောင့်ပါ။
တစ်ချို့ကလည်း ကိုယ်ဘယ်မှမသွားရင်၊ညအချိန်မတော်အပြင်မထွက်ရင်ပြီးတာပါပဲ။ ကိုယ်ခံပညာတွေ
ဘာတွေသင်ထားစရာမလိုပါဘူး လို့တွေးကြမှာပါ။ အက်ဒ်မင်အနေနဲ့ယောင်းတို့ကို ပြောချင်တာက
ကိုယ်ကမလိုအပ်ဘဲ ဘယ်မှမထွက်ဘူးလို့ဆိုပေမယ့် အန္တရာယ်ဆိုတာမျိုးက အချိန်မရွေးကျရောက်တတ်တဲ့သဘောမှာရှိပါတယ်။

အခန့်မသင့်ရင် ကိုယ့်အိမ်မှာတောင်ကိုယ်တိုက်ခိုက်ခံရတာမျိုးဖြစ်တတ်တော့ ကိုယ်ခံပညာဆိုတာသင်ယူလေ့လာထားတာမမှားပါဘူး။ အထူးသဖြင့် ကိုယ်ခံပညာတတ်ထားသူဟာ ခန္ဓာကိုယ်သေးညှက်သူဖြစ်စေ၊ ထွားကျိုင်းသူဖြစ်စေ မိမိကိုယ်ကို ကာကွယ်တတ်ပါတယ်။ ပုံမှန်အားဖြင့် ပိုကြံ့ခိုင်သူတွေက ပိုအားနည်းတတ်သူတွေကို
အနိုင်အထက်ပြုလေ့ရှိတာမို့ ကိုယ်ခံပညာတတ်မြောက်ထားရင် ကိုယ့်ထက်အင်အားကြီးသူကိုတောင်
ပြန်တိုက်ခိုက်နိုင်ပါတယ်။

နောက်ပြီး ပြောချင်တာက ကိုယ်ခံပညာဆိုတာ အန္တာရာယ်ကိုကာကွယ်နိုင်ရုံသက်သက်မဟုတ်ပါဘူး။သူ့မှာလည်း တခြားအားသာချက်တွေရှိပါတယ်။ သူရဲ့အခြားအားသာချက်တွေဟာ ဘာတွေလဲဆိုတော့ …

Related Article >>> အန္တရာယ်ကို ကာကွယ်နိုင်ဖို့ အမျိူးသမီးတိုင်းသိသင့်တဲ့ ရိုးရှင်းတဲ့ တိုက်ကွက်လေးများ

မိတ်ဆွေသစ်တွေတိုးလာပါတယ်

၁။ အပေါင်းအသင်းမိတ်ဆွေပိုတိုးလာတယ်

ကိုယ်ခံပညာသင်တန်းကိုသွားရင် မိတ်သစ်ဆွေသစ်တွေရလာမှာတော့အမှန်ပါပဲ။ တစ်နေ့ တစ်နေ့
အိမ်ထဲမှာ အချိန်ကုန်နေသူတွေ၊ အလုပ်လုပ်ရင်လည်း အလုပ်ကလူတွေနဲ့ပဲ နေ့စဉ်ဆက်ဆံမိနေသူတွေအတွက်တော့ ကိုယ်ခံပညာသင်တန်းသွားလိုက်ရင် အပြောင်းအလဲတစ်ခုတော့ ရမှာပါ။ အထူးသဖြင့် နေရာစုံ၊ အလွှာစုံ၊ လုပ်ငန်းစုံက လူတွေ၊ အထူးသဖြင့်အမျိုးသမီးတွေနဲ့တွေ့ဆုံနိုင်ပြီး ကိုယ့်ရဲ့ပေါင်းသင်းဆက်ဆံရေးနယ်ပယ်ပိုကျယ်ပြန့်လာနိုင်ပါတယ်။

၂။ ကိုယ့်ကိုယ်ကို ယုံကြည်မှုပိုရှိလာစေပါတယ်

အထူးသဖြင့် ယောင်းတို့အနေနဲ့ အပြင်ထွက်သွားလာရာမှာ ပိုပြီး ရဲရဲဝံ့ဝံ့ရှိလာနိုင်ပါတယ်။ ငါ့ကို ဘယ်သူများ အန္တရယ်ပေးမလဲ၊ ဟိုနားကလူက ငါ့ကိုဒုက္ခပေးမှာလားလို့တွေးကြောက်နေဖို့မလိုတော့ပါဘူး။ဘယ်အချိန်မှာပဲ ဖစ်ဖြစ် ကိုယ်ခံပညာတတ်ထားသူက ကိုယ့်ကိုအန္တရာယ်ပြုသူကို အချိန်မရွေးလက်တုံ့ပြန်ဖို့ အဆင်သင့်ဖြစ်နေတတ်ပါတယ်။ ဒါပေမဲ့ ငါကိုယ်ခံပညာ တတ်ထားတာပဲဆိုပြီး သွားချင်တိုင်းသွား၊ လာချင်တိုင်း လာတာမျိုးလို ယုံကြည်မှုမလွန်ကဲသင့်ဘူးပေါ့နော်။

၃။ အာရုံစူးစိုက်မှုကောင်းလာဖို့ အထောက်အကူပြုပါတယ်

ကိုယ်ခံပညာရဲ့ အဓိကသော့ချက်က စူးစိုက်မှုအားကောင်းဖို့ပါ။ ကိုယ့်ရဲ့ ပစ်မှတ်ကိုသေချာအာရုံမစိုက်ရင် ကာင်းကောင်းတိုက်ခိုက်လို့မရပါဘူး။ ဒါကြောင့်ကိုယ်ခံပညာသင်တန်းတွေက အာရုံစူးစိုက်မှုအားကောင်းဖို့လေ့ကျင့်ပေးလေ့ရှိပါတယ်။ဒီကရလာတဲ့ ပညာတွေကို ကိုယ့်အလုပ်၊ ကိုယ့်ဘဝမှာပြန်အသုံးချတတ်ရင် အကျိုးရှိမှာပါ။

Related Article >>> City Hero အဖြစ်နဲ့ ကိုယ့်မြို့ရွာ ပတ်ဝန်းကျင်ကို ကာကွယ်စောင့်ရှောက်ပါ။

အာရုံစူးစိုက်မှုအားကောင်းလာစေပါတယ်

၎။ မိမိကိုယ်ကို စည်းကမ်းချမှတ်တတ်လာနိုင်ပါတယ်
တကယ်တော့ ကိုယ်ခံပညာသင်ယူလေ့လာတာဟာ ပင်ပန်းသလို၊ ဇွဲရှိဖို့လဲလိုအပ်ပါတယ်။ သင်တန်းကို
သွားလိုက်၊ မသွားလိုက်လုပ်တာမျိုးတို့ ပင်ပန်းတယ်ဆိုပြီး နောက်ရက်မသွားတာမျိုးမလုပ်ဘဲ
အဆုံးထိမှန်မှန်ကန်ကန်သင်ယူလေ့လာဖို့ ကိုယ့်ကိုယ်ကိုယ် ထိန်းချုပ်တတ်တဲ့ အလေ့အကျင့်ရသွားရင် ကိုယ့်အလုပ်၊ကိုယ့်ဘဝမှာလဲ ဇွဲရှိဖို့၊ ဘာမဆိုဆုံးခန်းတိုင်အောင်လုပ်တတ်ဖို့ထိန်းချုပ်တတ်တဲ့အလေ့အကျင့်ကောင်းလေးရသွားနိုင်ပါတယ်။

၅။ ကိုယ်ခန္ဓာကြံ့ခိုင်လာမယ်
ကိုယ်ခံပညာဆိုတော့ ယောင်းတို့သိတဲ့အတိုင်း ကိုယ်လက်လှုပ်ရှားကစားရတာဖြစ်လို့ကိုယ်ခန္ဓာကြံ့ခိုင်မှုပိုရှိလာစေပါတယ်။ ဝတဲ့သူတွေဆိုရင်လည်း ကိုယ်လက်လှုပ်ရှားပိုလုပ်ရတာမို့ အဆီကျပြီး ကျစ်လျစ်တဲ့ခန္ဓာကိုယ်ရှိလာမှာပါ။ ပိန်သူတွေလည်း ကြွက်သားတွေပိုကြံ့ခိုင်လာစေပါတယ်။ အညောင်းထိုင်များလို့ ကိုယ်ခန္ဓာတောင့်တင်းနေသူတွေလည်း အကြောပြေပြီး နေရထိုင်ရတာ ပိုကောင်းလာစေပါတယ်။ ချွေးထွက်များလို့ခန္ဓာကိုယ်ပေါ့ပါးသွားသလိုခံစားရမှာပါ။

ကြည်လင်တဲ့အသားအရေလဲရမယ်

၆။ အသားအရေ ကြည်လင်လာစေပါတယ်

ချွေးထွက်များတဲ့အခါ အရေပြားအတွင်းမှာရှိတဲ့အညစ်အကြေးတွေဟာ ချွေးနဲ့အတူပါသွားပါတယ်။ အကျိုးဆက်အနေနဲ့သန့်ရှင်းကြည်လင်တဲ့ အသားအရေကိုရှိရှိမှာပါ။ ဝက်ခြံအဖြစ်များသူတွေလည်းဝက်ခြံတွေလျော့ပါးသွားတာကို သိသိသာသာတွေ့ရှိရမှာပါ။

ကဲ … အခုတော့ ကိုယ်ခံပညာသင်ယူရင်းနဲ့ အပိုဆုအနေနဲ့ရရှိနိုင်တဲ့ တခြားအကျိုးကျေးဇူးတွေကို
ယောင်းတို့သိကြပြီနော်။ မိန်းကလေးသဘာဝ ဘာမဆို အဆစ်လေး၊အပိုလေးရရင်ပျော်တတ်ကြသူတွေမို့ အခုလို ကိုယ့်ကိုယ်ကိုကာကွယ်ဖို့ လေ့လာရင်းတခြားအကျိုးကျေးဇူးတွေပါရလာမှာမျိုးတော့ သိပ်ကြိုက်ပဲ ဖြစ်မယ်ထင်တယ်နော်။

သြော် ..မေ့လို့.. ယောင်းတို့အတွက် For Her Myanmar က စီစဉ်ထားတာလေးရှိတယ်နော်။ လာမယ့် တနင်္ဂနွေနေ့မှာ ယောင်းတို့အတွက် Self Defense Workshop လေး ရှိပါတယ်။ နေရာကတော့ သိမ်ဖြူကားမောင်းကွင်းနားက Phoenix Myanmar Boxing Club မှာ လုပ်မှာပါ။ အဲ့ဒီ Workshop မှာ ကိုယ့်ကိုယ်ကို ဘယ်လိုကာကွယ်ရမလဲဆိုတာပြသပေးမှာမို့ ဆက်ဆက်လာခဲ့ကြနော်။ စိတ်ဝင်စားတဲ့ ယောင်းလေးတွေက အသေးစိတ်သိချင်တယ်ဆိုရင်တော့ အက်ဒ်မင်တို့ကို Chat Box မှာ လာမေးလို့ရတယ်နော် ယောင်းတို့..

Sugar Cane(For Her Myanmar)

Reference : Health Fitness Revolution,  Health benefits Knowing self defense

Sugar Cane
Sugar Cane
ကျွန်မက Sugar Cane ပါ။ မကြံပင်ပေါ့။ စာဖတ်ခြင်းကို ရူးသွပ်သလို စာရေးခြင်းကို ခုံမင်လှသူပါ ။ ယောင်းတို့ အတွက် လိုအပ်သမျှ သုတ/ ရသ အစုံကို For Her Myanmar ကနေ မျှဝေပေးသွားမယ်နော်။

Leave a Reply

Your email address will not be published. Required fields are marked *