ပညာသားပါသော သဝန်တိုနည်းပေါင်းချုပ်

ဒီလိုလေး သဝန်တိုတော့ ရန်လည်းမဖြစ်၊ ပိုလည်း အချစ်ခံရတာပေါ့လို့… 

ချစ်သူအပေါ် အချစ်ကြီးလေ သဝန်ပိုတိုလေပါပဲ ယောင်းတို့ရေ။ ဒါပေမဲ့ ခက်တာက သဝန်တိုပြတာ တစ်ခါတလေ ချစ်ဖို့ကောင်းပေမယ့် အမြဲသဝန်တိုပြနေတဲ့အခါကျတော့ တစ်ဘက်လူက မွန်းကြပ်တတ်ပါတယ်တဲ့လေ။ ဒီတော့ တစ်ဘက်လူလည်း မမွန်းကြပ်အောင် ယောင်းတို့လည်း အထာကျကျ သဝန်တိုနိုင်မယ့် နည်းလမ်းလေးတွေကို အက်မင့်အတွေ့အကြုံလေးတွေနဲ့ ပေါင်းပြီး ဖော်ပြပေးလိုက်ပါတယ်။

(၁) တိတ်ဆိတ်မှုနဲ့ ဆန္ဒပြပါ

ဒီနည်းလမ်းက ဘယ်သူတွေအတွက်ကောင်းလဲဆိုတော့ ပုံမှန်ဆို အမြဲနားတပူပူ ပကျစ်ပကျစ်ပြောတတ်တဲ့ ယောင်းလေးတွေ၊ ပျော်ပျော်နေတတ်တဲ့ ယောင်းလေးတွေအတွက် သင့်လျော်ပါတယ်။ ဆိုကြပါစို့ ယောင်းကောင်လေးက သူ့ရုံးက ကောင်မလေးတစ်ယောက်နဲ့ပဲဖြစ်ဖြစ် သူငယ်ချင်းမိတ်ဆွေ ကောင်မလေးနဲ့ပဲဖြစ်ဖြစ် မုန့်တူတူသွားစားတဲ့အခါမျိုးမှာ ယောင်း သဝန်တိုမိမှာ အသေချာပါပဲ။ ဒါပေမဲ့ အဲ့လိုသွားလို့ဆိုပြီး တစ်ဘက်လူကို ဆံပင်သွားဆောင့်ဆွဲလို့လည်းမရ။ သွားပြောလို့လည်းမရဘူးလေ။ ပြောတော့မှ အရွဲ့တိုက်ပြီး ပြန်လုပ်ချလိုက်ရင် မကောင်းဘူးရယ်။ ဒါကြောင့် အဲ့လို ဝုန်းဝုန်းဒိုင်းဒိုင်းတွေမလုပ်ဘဲနဲ့ ယောင်းချစ်သူ ဖုန်းဆက်လာတဲ့အခါပဲဖြစ်ဖြစ်၊ အပြင်မှာတွေ့တဲ့အခါပဲဖြစ်ဖြစ် စကားမပြောဘဲ မျက်နှာညှိုးညှိုးနဲ့နေနေလိုက်ပါ။ ပုံမှန်တက်တက်ကြွကြွနေတတ်တဲ့ ယောင်းက တိတ်ဆိတ်သွားတဲ့အခါ ယောင်းချစ်သူကမေးမှာ အသေချာပါပဲ။ ချစ် ဘာဖြစ်နေတာလဲ၊
နေမကောင်းဘူးလား ဘာညာသရကာ။ အဲ့ကျ ချက်ချင်းမပြောနဲ့ဦး။ ဟင့်အင်းမဖြစ်ပါဘူးဆိုပြီး ဝမ်းနည်းနေတဲ့အသံလေးနဲ့ ပြန်ပြော။ ချစ်သူက မဟုတ်ပါဘူးကွာ ချစ်တစ်ခုခုဖြစ်နေပါတယ်လို့ ပြန်ပြောလိမ့်မယ် အဲ့ကျမှ ဘာလို့ ဝမ်းနည်းရတယ်ဆိုတာလေးကို လေချိုလေးနဲ့ ရှင်းပြပါ။ ဒီနည်းလမ်းကို ခဏခဏတော့ မသုံးပါနဲ့။ သူရိုးသွားပါလိမ့်မယ်။

Related article >>> Relationship တစ်ခုမှာ မလုပ်သင့်တဲ့အပြုအမူများ

(၂) မုန်းတဲ့သူကို မုန့်တစ်ချပ်ပိုကျွေးပါ။

မချစ်သော်လည်း အောင့်ကာနမ်းဆိုတဲ့ စကားပုံတောင် ရှိသေးတယ်နော်။ ယောင်း သဝန်တိုနေတဲ့ ကောင်မလေးကို အမုန်းစကားတွေ၊ စွပ်စွဲစကားတွေ ပြောနေမယ့်အစား သူနဲ့ ခင်အောင် ပေါင်းပါ။ သူနဲ့ခင်အောင် ပေါင်းလေ သူ့အကြောင်းတွေကို ပိုနားလည်လာပြီး သူ့ကို သဝန်တိုမိတဲ့အကြောင်းရင်းတွေ့လာပါလိမ့်မယ်။ ဒါမှမဟုတ်လည်း သူ့မှာ မရှိတဲ့အရာတွေ သင့်ဆီမှာရှိနေတာကို တွေ့မိပါလိမ့်မယ်။ ရန်သူကို ဝေးဝေးမှာထားတာထက် အနီးမှာထားပြီး ခြေလှမ်းတွေကို စောင့်ကြည့်တာက ယောင်းအတွက် အချိန်ကုန်သက်သာစေပါတယ်။ ပြောလို့တော့မရဘူးလေနော် ယောင်း သဝန်တိုနေတဲ့သူကလည်း နောက်ဆုံးမှာ ယောင်း သူငယ်ချင်းဖြစ်သွားနိုင်တာပဲမဟုတ်လား။

(၃) ကိုယ့်ကိုယ်ကိုယ် အလှဆုံးဖြစ်အောင်နေပါ။ 

တစ်ပါးသူကို အချိန်တိုင်း လိုက်သဝန်လိုက်တိုနေလို့ အလှပြင်ချိန်စိတ်၊ အလှပြင်ချိန် မရှိတာမျိုးမဖြစ်ပါစေနဲ့။ ယောင်းဘာသာ အမြဲကြော့ကော့နေအောင်နေပါ။ ရန်သူအတွက် အချိန်ကုန်နေမယ့်အစား ယောင်းအတွက် အချိန်သုံးလိုက်ပါ။ ပုံမှန်ထက် အလှတွေပြင်ပါ။ အဝတ်အစားလှလှလေးတွေဝတ်ပါ။ အလှဆုံးပြင်ပါဆိုတာမှာ ရုပ်ရည်တစ်ခုတည်းသာမက အရည်အချင်းလည်းပါပါတယ်နော်။ သဝန်တိုနေရလို့ စိတ်တို၊ ဒေါသထွက်နေရ၊ ငိုနေရတာထက်စာရင် ယောင်းမှာရှိတဲ့ အရည်အချင်းထက် ပိုတော် ပိုထက်မြက်အောင် ကြိုးစားပါ။ ယောင်းက တက္ကသိုလ်ကျောင်းသူဆိုရင် စာ ပိုတော်အောင်၊ လုပ်ငန်းခွင်ဝင်နေတာဆိုရင် လုပ်ငန်းခွင်မှာ ပိုတော်လာအောင် အင်တိုက်အားတိုက် ကြိုးစားပါ။ ဒါမှ ကိုယ့်အတွက်လည်း အကျိုးရှိတော့ တစ်ချက်ခုတ်၊ နှစ်ချက်ပြတ် ဖြစ်မယ်မဟုတ်လား။ ယောင်းချစ်သူက စိတ်ယိုင်နေမယ်ဆိုရင်တောင် ယောင်းဘက်ကို ပြန်ယိုင်နိုင်လာပါတယ်။

Related article >>> သဝန်တိုတိုင်း ချုပ်ချယ်သင့်လား?

(၄) များများပြုံးပါ။

အပြုံးတစ်ပွင့်ဟာ အဓိပ္ပာယ်များစွာရှိတယ်လို့ဆိုကြပါတယ်။ သဝန်တိုတယ်ဆိုပြီး ပါးစပ်က တစီစီပြောနေတာထက် သဝန်တိုတဲ့အခါ အလှဆုံးအပြုံးတစ်ပွင့်သာ ဖန်ဆင်းလိုက်ပါ။ အပြုံးက ယောင်းရဲ့ခံစားချက်တွေကို ဖုံးကွယ်ပေးထားနိုင်ပါတယ်။ ပြုံးတာက ဘာကောင်းလဲဆိုတော့ တစ်ဘက်လူကို ငါ့မှာ သဝန်တိုဖို့ မအားသေးဘူး၊ ငါ့စိတ်ငါ ချုပ်ထိန်းနိုင်တယ် ဆိုတဲ့ အထင်ကြီးမှုဖြစ်စေပါတယ်။ ဒါပေမယ့် ပုံမှန်ထက် ပြုံးနေတဲ့အခါမှာ ဘေးပတ်ဝန်းကျင်က လူတွေကို သူ ဘာလို့ အဲ့လောက်ပြုံးနေလဲဆိုတဲ့ သို့လောသို့လော အတွေးတွေလည်း ဝင်စေနိုင်ပါတယ်။ ပြုံးတာက ဘာကောင်းသေးလဲဆိုတော့ အရေးအကြောင်းဖြစ်တာကိုလည်း သက်သာစေပါတယ်တဲ့..

(၅) သဝန်တိုချိန်မှာ သဝန်တိုတဲ့အကြောင်းမပြောပါနဲ့။ 

သဝန်တိုနေတဲ့အချိန်မှာ ယောင်းစိတ်က ဘယ်လိုမှ ပုံမှန်ဖြစ်မှာ မဟုတ်ပါဘူး။ ဒါကြောင့် ယောင်းရင်ထဲ အပူမီးတွေကို အရင်ငြိမ်းပါ။ ငြိမ်းလောက်ပြီဆိုတဲ့နေ့လောက်မှ ယောင်းချစ်သူကို ချိန်းပါ။ ကိုရေ ချစ် ဟိုနေ့ကနဲ့ ပတ်သက်ပြီး ပြောစရာရှိတယ်၊ ဒီနေ့ ဒီရက်တွေ့ပြီး ပွင့်ပွင့်လင်းလင်း ဆွေးနွေးလို့ရမလားလို့မေးပါ။ ချိန်းတဲ့အခါမှာလည်း ယောင်းချစ်သူ အားမအား၊ စိတ်ရှုပ်နေလား၊ အလုပ်ရှုပ်နေလားစတဲ့အချက်တွေပါ ထည့်သွင်းစဉ်းစားပါ။ မဟုတ်ရင် သူက စိတ်ရှုပ်စရာလို့ထင်သွားပါလိမ့်မယ်။ ပြောတဲ့အခါမှာလည်း သေသေချာချာ ပြောပြပါ။ ကိုရေ ချစ်ကတော့ ဒီလိုသဝန်တိုမိတယ်ဆိုပြီး ကိုယ် သဝန်တိုရတဲ့အကြောင်းရင်းကို သေချာ လေးလေးနက်နက်ရှင်းပြပါ။ အပေးအယူလုပ်သင့်တန်လုပ်ပါ။ တစ်ယောက်နဲ့တစ်ယောက် ကြိုးလျှော့ပေးစရာရှိ လျော့ပေးပါ။
အေးဆေး ဆွေးနွေးတဲ့အခါ သူလည်း ယောင်းဆုံးဖြတ်ချက်ကို လေးစားပါလိမ့်မယ်။

ကဲကဲ ဒီလောက်ဆိုရင်တော့ အထာကျကျ သဝန်တိုတတ်ပြီထင်ပါရဲ့။ ကလေးတုန်းကလို ပေါက်ကွဲပြီး သဝန်မတိုကြနဲ့တော့နော်။

Myat ( For Her Myanmar )

PairedLife , Relationshipprolodex

No Comments Yet

Leave a Reply

Your email address will not be published.