Beauty Health Knowledge

ယောင်းတို့တွေ အံ့သြသွားရမယ့် Omega-3 ရဲ့အကျိုးကျေးဇူး (၆) ချက်

WOW!!! ဒီဟာလေး ပုံမှန်စားပေးရုံနဲ့ ပြန်ရမှာတွေက မနည်းပဲနော်… 

မင်္ဂလာပါ ယောင်းတို့ရေ… ” အဆီ” ဆိုတာ ဝမှာကြောက်တဲ့အက်ဒ်မင်တို့ မိန်းကလေးတော်တော်များများ ခေါင်းခါကြတဲ့အရာပါပဲ။ အဆီအစိမ့်တွေစားရင် ကျန်းမာရေးအတွက်မကောင်းဘူးလို့ သိထားကြတာကိုး။ ဒါပေမဲ့ အဆီတိုင်းက ကျန်းမာရေးအတွက်မကောင်းဘူးတို့၊ ဝပြီးပုံပျက်လာစေတယ်တို့ ဆိုတာတွေက တကယ်တော့ မဟုတ်ပါဘူးနော်။ အက်ဒ်မင်တို့အားလုံး စားကို စားရမယ့်၊ တကယ်လည်း လိုအပ်တဲ့ အဆီတစ်မျိုးရှိပါတယ်။ အဲ့ဒါကတော့ ခန္ဓာကိုယ်ကို ကျန်းမာစေတဲ့ အိုမီဂါ သရီး (Omega-3) fatty acids ပါပဲ။

Omega-3 အဆီဟာ အက်ဒ်မင်တို့ ခန္ဓာကိုယ်အတွက် မရှိမဖြစ်လိုအပ်ပြီး ခန္ဓာကိုယ်ကနေ ဒီအဆီကို မထုတ်လုပ်နိုင်တာမို့ အစားအစာကနေ ရယူရပါတယ်။ Omega-3 fatty acidsတွေရဲ့ အရေးပါပုံနဲ့ ကောင်းကျိုးနဲ့ ပတ်သက်ပြီး သိပ္ပံနည်းကျ အတည်ပြုထားကြတာကတော့…

(၁) Omega-3ဟာ စိတ်ပိုင်းဆိုင်ရာ ရောဂါတွေကို လျော့ပါးသက်သာစေပါတယ်။

စိတ်ကျရောဂါ( depression )နဲ့ စိတ်ပူပန်လွန်တဲ့ ရောဂါ (anxiety) ရှိတဲ့ ယောင်းတွေအတွက် Omega-3ဟာ အကူအညီဖြစ်စေမှာပါ။ စိတ်ကျရောဂါရဲ့ လက္ခဏာတွေဖြစ်တဲ့ ဝမ်းနည်းအားငယ်တာ၊ အင်အားတွေကုန်ခမ်းပြီး စိတ်ဓာတ်တွေကျနေတာ၊ ကိုယ်လျှောက်နေရတဲ့ ဘဝအပေါ် စိတ်ပါလက်ပါ စိတ်ဝင်တစားမရှိတော့တာ စတာတွေကို ခံစားနေရပြီဆိုရင်၊ စိတ်ပူပန်လွန်ရောဂါရဲ့ လက္ခဏာတွေဖြစ်တဲ့ အချိန်ပြည့် လူက တစ်ခုခုကို စိတ်ပူနေတာ၊ ကြောက်ရွံ့နေတာကို ခံစားရပြီဆိုရင် ယောင်းတို့ Omega-3 လိုအပ်နေပါပြီ။ လေ့လာချက်တွေအရ Omega-3 ဓာတ်ရအောင် ပုံမှန်စားပေးတဲ့သူတွေဟာ သူများတွေထက် depressionဝင်နိုင်ချေ ပိုနည်းပါတယ်တဲ့။ ရောဂါခံစားရနေတဲ့သူတွေလည်း Omega-3 ဖြည့်စွက်စာ ကို ပုံမှန်သောက်ပေးတဲ့အခါ ရောဂါလက္ခဏာတွေ လျော့ပါးလာတာကို တွေ့ရပါတယ်။ ALA, EPA နဲ့ DHAရယ်လို့ omega-3 အမျိုးအစား သုံးမျိုးရှိတဲ့ အထဲက EPA က စိတ်ကျရောဂါကို တိုက်ဖျက်ရမှာ အစွမ်းဆုံးပါတဲ့။

(၂) Omega-3ဟာ မျက်လုံး အားကောင်းစေတာမို့ မျက်လုံးမှုန်နေတဲ့ ယောင်းတွေအတွက်လည်း မရှိမဖြစ်လိုအပ်ပါတယ်။

Omega 3 အမျိုးအစားသုံးခုထဲက DHAဟာ မျက်ကြည်လွှာနဲ့ဦးနှောက်တည်ဆောက်မှုအတွက် အဓိက ပါဝင်ပစ္စည်းပါ။ ယောင်းတို့အနေနဲ့ DHAဓာတ်မရဘူးဆိုရင်တော့ မျက်လုံးပါဝါ မြင့်တက်လာနိုင်ချေ ရှိပါတယ်။ ဒါ့ပြင် DHAသာ လုံလုံလောက်လောက်ရမယ်ဆိုရင် ယောင်းတို့ အသက်ရွယ်ကြီးလာတဲ့အခါ ထာဝရအမြင်အာရုံဆုံးရှုံးသွားစေတဲ့ Macular degenerationဆိုတဲ့ ပြဿနာကို လျော့ကျစေပါသေးတယ်တဲ့။ ဒါကြောင့် ပုလင်းဖင် ပါဝါမျက်မှန်တပ်ရတဲ့ ယောင်းတွေ omega-3ဓာတ်ကို ငယ်ငယ်တည်းက ရယူသင့်တယ်နော်။ အက်ဒ်မင်ကတော့ Omega-3 ပုံမှန်သောက်လာလို့လား မသိဘူး ခုထိ မျက်မှန်မတပ်ရသေးဘူးရယ် ။

Related Article >>> ကျော့ကျော့မော့မော့နဲ့ ဗိုက်ချပ်စေမယ့် ဖြတ်လမ်းနည်း(၆)မျိုး

(၃) Omega-3 နည်းတဲ့သူတွေဟာ ညဘက်အိပ်မပျော်တဲ့ရောဂါ ရနိုင်ချေလည်း များပါတယ်တဲ့.. တိုက်ရိုက်တော့ မဟုတ်ပေမဲ့ပေါ့။

ကောင်းကောင်းအိပ်ပျော်ဖို့ ဆိုရင် melatonin hormone လိုအပ်ပြီး omega-3 ဓာတ်နည်းတဲ့သူတွေမှာ ဒီ melatonin hormoneလျော့နည်းတာကို တွေ့ရပါတယ်တဲ့။ အိပ်ရေးမဝတဲ့ပြဿနာဟာ အဝလွန်ရောဂါ၊ ဆီးချိုသွေးချို နဲ့ စိတ်ကျရောဂါနဲ့ ဆက်စပ်မှုရှိနေတာမို့ မပေါ့သင့်ပါဘူးနော်။ ဒါကြောင့် ကလေးတွေမှာကော လူကြီးတွေမှာကော ညဘက် ကောင်းကောင်း အိပ်မပျော်တဲ့ ပြဿနာရှိလာပြီဆိုရင် အိပ်ချိန်ကြာမြင့်စေဖို့နဲ့ နှစ်နှစ်ခြိုက်ခြိုက်အိပ်ပျော်နိုင်ဖို့ Omega-3ဖြည့်စွက်စာကို စားသုံးပါလို့ အနောက်နိုင်ငံကဆရာဝန်တွေက အကြံပြုကြပါတယ်။

(၄) Omega-3ဟာ ကိုယ်ဝန်ဆောင် မေမေတွေနဲ့ ကလေးမွေးပြီးခါစ မေမေတွေအတွက်လည်း အရေးပါ ပါသေးတယ်။

Omega-3ဟာ မွေးကင်းစကလေးတွေရဲ့ ဦးနှောက်နဲ့ ကြီးထွား ဖွံ့ ဖြိုးဖို့အတွက် မရှိမဖြစ် လိုအပ်လို့ပါပဲ။နောက်ပြီး DHAဓာတ်မှာ ဦးနှောက်ကလိုအပ်တဲ့ fatty acid ၄၀%နဲ့ မျက်ကြည်လွှာက လိုအပ်တဲ့ ၆၀%ပါဝင်နေတာမို့ ကိုယ်ဝန်ဆောင်စဉ်ကာလမှာကော နို့တိုက်စဉ်ကာလမှာကော ယောင်းတို့ မေမေတွေအနေနဲ့ omega-3ကို ကောင်းကောင်း မှီဝဲပေးဖို့ လိုပါတယ်နော်။

(၅) Omega-3ဟာ အသားအရည်လှချင်တဲ့ ယောင်းတို့ အတွက်လည်း ဆေးစွမ်းကောင်း တစ်ခွက်ပါပဲ။

Omega 3 ဟာ အရေပြားတည်ဆောက်မှုအတွက် အရေးကြီးတဲ့ ပစ္စည်းဖြစ်ပြီး အက်ဒ်မင်တို့အသားအရေအတွက် အရေးပါတဲ့ ဆဲလ်အမြှေးပါးလေးတွေကျန်းမာဖို့အတွက် အထောက်အကူပြုပါတယ်။ omega-3 ပုံမှန်စားသုံးရင် စိုပြေ နူးညံ့ပြီး အရေးကြောင်းကင်းတဲ့ အသားရည်မျိုး ဖြစ်စေပါတယ်တဲ့။ ဘာလို့လဲဆို Omega-3ထဲက EPAဟာ အရေပြားထဲက အဆီထုတ်လုပ်မှုနဲ့ ရေဓာတ်ဖြည့်ပေးတဲ့ အလုပ်ကို လုပ်ပေးပြီး ဝက်ခြံ ပေါက်တာနဲ့ အရွယ်မတိုင်ခင် အိုမင်းတာကိုလည်း ကာကွယ်ပေးပါတယ်။

အစားအသောက် ဇီဇာကြောင်တဲ့ အက်ဒ်မင်က ကိုယ်တွေ့ပါပဲ။ သူများတွေလို အသားရည်လှအောင် အသီးအနှံစားတာမရှိပေမယ့် ငယ်ငယ်ထဲက အဖေက Omega-3 ဖြည့်စွက်စာ တိုက်လာလို့ထင်တယ် ခုထိ မျက်နှာမှာ ဝက်ခြံတွေပေါက်တာမရှိလို့ အသားရည် မွဲခြောက်ခြောက်ဖြစ်တာလည်းမရှိခဲ့ဘူးရယ်.. 😁

(၆) ဓမ္မတာကြောင့် နာကျင်ကိုက်ခဲတာတွေကို သက်သာစေပါတယ်။ 

နောက်ပြီး Omega-3ပုံမှန်သောက်တဲ့သူတွေဟာ ရာသီလာတဲ့အခါ မသောက်တဲ့သူတွေလောက် ဆိုးဆိုးရွားရွားနာကျင်တာမျိုး မရှိပါဘူးတဲ့။ နာကျင်ကိုက်ခဲတဲ့ ဒဏ်က ပျော့ပျောင်းပါတယ်တဲ့။ လေ့လာစမ်းသပ်ချက်တွေအရ side-effectတွေရှိတဲ့ အကိုက်အခဲပျောက်ဆေးတွေထက် Omega-3က ပိုစိတ်ချရပြီး ပိုထိရောက်ပါတယ်တဲ့ ယောင်းတို့ရေ။

Omega-3ကို ငါးရဲ့အဆီနဲ့ အစေ့အဆံတွေကနေ အပြင် ဖြည့်စွက်စာ (supplement)ကနေလည်း ရယူနိုင်ပါတယ်။ မိခင်နို့ရည်ကနေလည်း ရနိုင်သလို ဆာလ်မွန်ငါး ၊ မက်ကရယ်ငါး၊ ဆာဒင်းငါး စတဲ့ငါးအဆီတွေအပြင် ရေညှိအမျိုးမျိုးကနေလည်း ရနိုင်ပါတယ်။ ပဲပိစပ်လို့ ခေါ်တဲ့ soybeanနဲ့ သစ်ကြားသီးလို အခွံမာအသီးကနေလည်း Omega-3ဓာတ်ကို ရယူနိုင်ပါတယ်။ ဒီငါးတွေ နဲ့ အစေ့အဆံတွေကို ရဖို့ခက်ခဲတယ်ဆိုရင် အကောင်းဆုံးနည်းကတော့ ဖြည့်စွက်စာ (supplement)သောက်တာပါပဲ ယောင်းတို့ရေ…

ဒါကြောင့်မို့ ခန္ဓာကိုယ်က ကောင်းကောင်းအလုပ်လုပ်နိုင်ဖို့ အရေးပါတဲ့ Omega-3ဓာတ်ကို ငယ်ငယ်တည်းက ရအောင်ယူထားရင် အကောင်းဆုံးပါပဲနော်။ စိတ်ကျန်းမာရေးအတွက်ကော ရုပ်ပိုင်းဆိုင်ရာ ကျန်းမာရေးအတွက်ကော အသုံးဝင်တဲ့အပြင် လှချင်တဲ့ ယောင်းတို့အတွက်လည်း Omega-3ဟာ အလှအပရေးရာအတွက်ပါ အသုံးကျတာမို့ ဒီနေ့ကစပြီး Omega-3 ဖြည့်စွက်စာကို ပုံမှန်သောက်ကြမယ်မလား ယောင်းတို့ရေ….
By
Mira ( For Her Myanmar )
Reference links: Food NDTV , HealthLine , Medical News Today , All about Vision

Aye Mon Kyaw
Aye Mon Kyaw
ကျွန်မကတော့ Miaပါ။ အမျိုးသမီးတွေအတွက် စိတ်ပိုင်းဆိုင်ရာနဲ့ ရုပ်ပိုင်းဆိုင်ရာဖွံ့ဖြိုးတိုးတက်ရေး စာတွေ၊ ကျန်းမာရေးတွေ ရေးပေးမယ့်သူပါ။ foodieဖြစ်တာမို့ ဟင်းချက်နည်းတွေလည်း ရေးပေးမှာနော်။

Leave a Reply

Your email address will not be published. Required fields are marked *