FUNံHorror

မှန်ထဲက ကျွန်မမဟုတ်တဲ့ မျက်နှာ

မှန်ထဲက ကိုယ့်ပုံရိပ်ကိုယ်ကြည့်ပြီး ကြောက်နေတာကိုး။ ကျွန်မက ခပ်ချောချောမိန်းကလေးပဲ။ အမှန်ပြောရရင် ကျွန်မကိုယ် ကျွန်မ အခုမှ မြင်ဖူးသလို ခံစားလိုက်ရတယ်။

ကျွန်မမျက်စိဖွင့်လိုက်တော့ စူးရှတဲ့ အလင်းတန်းတစ်ခု မျက်လုံးထဲ တိုးဝင်လာတယ်။ ဖြူဖပ်ဖြူလျော်မျက်နှာကြက်တွေက ကျွန်မကိုဆီးကြိုနေတယ်။ ပုံရိပ်တွေ ကြည်လင်အောင် ဖျတ်ခနဲ ဖျတ်ခနဲ မျက်တောင်ခတ်လိုက်ပေမဲ့ ဘယ်ဘက်မျက်လုံးအောက်က ခပ်စပ်စပ်ဝေဒနာကိုတော့ ခံစားလိုက်ရတယ်။ ဒါနဲ့ ကျွန်မဘယ်ရောက်နေတာလဲ။

“ဆရာရေ..လူနာသတိရနေပြီ”

ကျွန်မအခုမှသတိထားမိတယ်။ ဆေးရုံ…ကျွန်မဆေးရုံကိုရောက်နေပါလား။ ထထိုင်ဖို့ အားယူပေမဲ့ ဝိဉာဉ်မရှိတော့တဲ့ ခန္ဓာလိုမျိုး ပျော့ခွေနေတယ်။ ခန္ဓာကိုယ်အနှံ့ ဟိုဟိုဒီဒီ စပ်ဖျင်းဖျင်းနဲ့ မသက်မသာခံစားနေရတယ်။ ကုတ်အင်္ကျီအဖြူရောင်နဲ့ အမျိုးသားတစ်ယောက်ကတော့ ကျွန်မကုတင်နားက စက်ပစ္စည်းကို ဟိုကြည့်ဒီကြည့်ကြည့်ပြီး စာအုပ်တစ်ခုပေါ် ရေးမှတ်နေလေရဲ့။ရုတ်တရက် ကျွန်မပုံရိပ်တွေပြန်မြင်လာရတယ်။ ကျွန်မအသက်ရှူတွေ ကျပ်လာတယ်။

===================================================

ကျွန်မမျက်လုံးပြန်ဖွင့်လာတဲ့အချိန် တီးတိုးပြောသံတွေ ညံနေတယ်။ လှည့်ကြည့်လိုက်တော့ ကျွန်မလက်ဖျားလေးတွေကို ကိုင်ထားတဲ့ အမေ။ အမေနဲ့ နောက်အမျိုးသမီးတစ်ယောက်။ အမျိုးသမီးကလည်း ကျွန်မအပေါ်စိုးရိမ်နေပုံရတယ်။ ကျွန်မအမေ့ကိုကြည့်ပြီး ပြုံးပြတယ်။ အမေကလည်း အားယူပြီးပြန်ပြုံးပြတယ်။

ကျွန်မထထိုင်ဖို့ အားယူတယ်။ ဒီတစ်ခါတော့ ကျွန်မအားယူနိုင်ပြီ။ မိုက်ခနဲ မူးသွားပေမဲ့ ချက်ချင်းဆိုသလို ပုံရိပ်တွေ ပြန်ကြည်လာတယ်။ အမေ့ဘေးက အမျိုးသမီးက ကျွန်မကို ကြည့်ပြီး “သက်သာလား မီးငယ်”တဲ့။ ဘာတဲ့။ ကျွန်မနာမည် မီးငယ်…….ဟင်။ နေပါဦး။ ကျွန်မနာမည်ဘာကြီးလဲ။

ကျွန်မနာမည်တောင်မမှတ်မိတော့ဘူး။ စဉ်းစားလေ ခေါင်းထဲက ကျဉ်ခနဲဖြစ်လာလေပဲ။ အမေ့ကိုလှည့်ကြည့်လိုက်ရင်း…

“အမေ။ သမီးနာမည် ဘာကြီးလဲ”

အမေက ခဏတော့ ကျွန်မကိုစိုက်ကြည့်နေလေရဲ့။ ခဏနေတော့ သက်ပြင်းခပ်ဖြည်းဖြည်းချရင်း…

“နွယ်သူစိုး လေသမီးရဲ့။ ကဲ..အရမ်းမစဉ်းစားပါနဲ့။ သမီးက ခေါင်းထိခိုက်ထားတော့ အစပိုင်းဒီလိုပဲ မေ့လိမ့်မယ်လို့ဆရာဝန်ကပြောထားတယ်။”

“အမေ့ကိုကျတော့ သမီးဘာဖြစ်လို့သတိရတာလဲ၊ ဒီမမကရော ဘယ်သူလဲ။”

“အဲ့ဒါသမီးမမအရင်းလေ။ ထားပါ။ သမီးဒါတွေသိပ်အာရုံထဲမထားနဲ့။ များများအနားယူတဲ့အခါ သမီးသတိရသွားလိမ့်မယ်။”

မေမေပြောတာမှန်လိမ့်မယ်လို့ ကျွန်မထင်တယ်။ ဘာဖြစ်လို့လဲဆိုတော့ ဆေးရုံနံရံတွေကြားမှာ ကျွန်မသိတာဆိုလို့မေမေပဲရှိတယ်လေ။

========================================

ဒီနေ့ဆေးရုံကဆင်းလို့ရပြီလို့ မေမေပြောတယ်။ ကျွန်မသတိရကတည်းက တခြားသူနဲ့ စကားပြောလေ့မရှိဘူး။ ဒေါက်တာတွေဝင်လာလည်း ကျွန်မဘာမှမပြောဘူး။ သက်သာလားမေးရင်လည်း အမေးတစ်ခွန်း၊ အဖြေတစ်ခွန်းပဲ။

မေမေပြောတဲ့ ကျွန်မရဲ့မမဆိုတဲ့အမျိုးသမီးလည်း မေမေနဲ့ပါလာတယ်။ ပစ္စည်းတွေသိမ်းဆည်းပြီး ဆေးရုံအဝရောက်တော့ ကျွန်မတစ်စုံတစ်ယောက်နဲ့ ဝင်တိုက်သွားတယ်။ လှည့်ကြည့်လိုက်တော့ ၁၀နှစ်ဝန်းကျင်လောက်ရှိမယ့် ကလေးမလေးတစ်ယောက်။ ကလေးမက ကျွန်မကိုကြည့်ပြီး ချက်ချင်းလန့်အော်တယ်။ သူ့ဘေးကပါလာတဲ့အမျိုးသမီးက သူ့ကိုသိုင်းဖက်ပြီး ဆေးရုံထဲဝင်သွားတယ်။

တက္ကစီ စီးရင်း ဘယ်နေရာကြည့်ကြည့် ကျွန်မအတွက် အသစ်လိုပဲ။ ကျွန်မ မရောက်ဘူးတဲ့ တိုင်းပြည်တစ်ခုဆီရောက်နေသလိုပဲ။ ဒါပေမဲ့ တချို့တချို့နေရာလေးတွေကိုတော့ သတိရသလိုလိုရှိတယ်။ မိနစ် ၄၀လောက်ကြာပြီး နောက်ပိုင်း ကျွန်မတို့စီးလာတဲ့ တက္ကစီက တိုက်ခန်းတစ်ခုရှေ့ထိုးရပ်လိုက်တယ်။ မေမေက ကျွန်မလက်တွေကိုကိုင်ပြီး ဖေးမပေးတယ်။ မမကတော့ ပစ္စည်းတွေသယ်လာရင်းပေါ့။ တိုက်ခန်းအောက်ရောက်တော့ အသက်၅၀အရွယ် အမျိုးသားတစ်ယောက်က ကျွန်မကို ဝမ်းမြောက်ဝမ်းသာဆီးကြိုနေလေရဲ့။

“ဖေဖေ”

ကျွန်မပါးစပ်ဖျားက လွှတ်ခနဲထွက်သွားတယ်။ ကျွန်မမှတ်မိတယ်။ ဒါဖေဖေပဲ။ ဖေဖေက ကျွန်မကိုပွေ့ဖက်နှုတ်ဆက်ပြီး လှေကားတက်ဖို့ကူညီပေးတယ်။ ကျွန်မအိမ်က ဒုတိယထပ်မှာတဲ့။ အိမ်ထဲဝင်သွားတော့လည်း မရင်းနှီးတဲ့ပုံရိပ်အချို့။ ဒါကျွန်မအိမ်ရောဟုတ်ရဲ့လား။ ကျွန်မဘာမှမမှတ်မိတော့ဘူး။

ကျွန်မစဉ်းစားနေတာကို ရိပ်မိတဲ့အမေက ကျွန်မကိုအခန်းတစ်ခုထဲ ခေါ်သွားတယ်။ ကျွန်မရဲ့အိပ်ခန်း။ ဒီအခန်းကိုတော့ ကျွန်မမှတ်မိတယ်။ ကျွန်မဘာမှမစဉ်းစားတော့ဘူး။ ပက်လက်လှဲရင်း တစ်ရေးတစ်မော အိပ်စက်လိုက်တယ်။

==================================

အိပ်ရာနိုးလာတော့ ကျွန်မစိတ်ကြည်သလိုခံစားရတယ်။ ကျွန်မအခန်းထဲမှာရှိတဲ့ တခြားတံခါးတစ်ခုကိုဆွဲဖွင့်လိုက်တယ်။ အိမ်သာပဲ။ ကိစ္စရှင်းပြီး လက်ဆေးရင်း မျက်နှာတစ်ခု ဘွားခနဲပေါ်လာတယ်။

“အောင်မလေး”

အခုမှသတိထားမိတယ်။ ဒါမှန်ပဲ။ မှန်ထဲက ကိုယ့်ပုံရိပ်ကိုယ်ကြည့်ပြီး ကြောက်နေတာကိုး။ ကျွန်မက ခပ်ချောချောမိန်းကလေးပဲ။ အမှန်ပြောရရင် ကျွန်မကိုယ် ကျွန်မ အခုမှမြင်ဖူးသလို ခံစားလိုက်ရတယ်။ အချိန်ကြာကြာပုံရိပ်ကိုစိုက်ကြည့်ရင်းတံခါးခေါက်သံကြားမှ ကျွန်မအိမ်သာထဲကထွက်လာတယ်။ အိပ်ခန်းတံခါးဖွင့်လိုက်တော့ မေမေ။ မေမေ့လက်ထဲမှာ စားစရာတွေပါလားတယ်။

“သမီးကြိုက်တဲ့ ချောကလက်မုန့်၊ ဖေဖေဝယ်လာပေးတာ။”

ကျွန်မကိုမုန့်ပန်းကန်ပေးပြီး ပြန်ထွက်ဖို့အလှမ်း တစ်စုံတစ်ခုကို သတိရသွားသလိုနဲ့ ပြန်လှည့်ပြီး…

“သမီးမျက်နှာ ဆေးထည့်ရဦးမယ်နော်၊ ပြီးရင်မေမေလာခဲ့မယ်။”

======================================

နာရီဝက်လောက်ကြာတော့ မေမေအိပ်ခန်းထဲကို ဆေးဘူးနဲ့အတူရောက်လာတယ်။ ဆေးရည်တစ်မျိုးကို ဂွမ်းလေးနဲ့ဆွတ်ပြီးကျွန်မမျက်နှာပေါ်ကို သုတ်လိမ်းလိုက်တယ်။ စပ်လိုက်တာ။  မျက်နှာပေါ်မှာ ပွန်းပဲ့ရာ တစ်ခုခုရှိနေသလို ခံစားလိုက်ရတယ်။ ဒါပေမဲ့ စောစောက မှန်ထဲမှာကြည့်တော့ မျက်နှာပြင်တစ်ခုလုံး ချောမွေ့နေတာပဲ။

ဆတ်ခနဲ ကျွန်မထရပ်ပြီး သန့်စင်ခန်းထဲ ပြေးကြည့်လိုက်တယ်။ ဟုတ်ပါတယ်။ ကျွန်မမျက်နှာမှာ ဘာမှမရှိဘူး။ သက်ပြင်းချပြီးအခန်းထဲပြန်ဝင်တော့ အမေက စိုးရိမ်စိတ်နဲ့ကြည့်နေလေရဲ့။ ကျွန်မလည်း အမေစိတ်ချမ်းသာအောင် ပြန်ပြုံးပြလိုက်တော့မှ အမေ့မျက်နှာမှာပြုံးရိပ်သန်းလာတယ်။

=================================

Related Article >>> ယောင်းယောင်းတို့ပြောတဲ့ သရဲအကြောင်း

အချိန်တွေ တစ်ပတ်လောက် ကုန်ဆုံးသွားတဲ့နောက်ပိုင်း ကျွန်မသက်သာလာတယ်။ တချို့အရာတွေကို ပြန်သတိရလာတယ်။ မမကိုမှတ်မိလာတယ်။ အိမ်နားတစ်ဝိုက်ကို မှတ်မိလာတယ်။ ကျွန်မစိတ်တွေလည်း ပိုပြီးကြည်လာသလိုခံစားရတယ်။ ဒီလိုနဲ့ပဲ ဖေဖေက တစ်မိသားစုလုံး ပြုံးရိပ်သန်းရအောင် ခရီးတိုလေးတစ်ခုစီစဉ်လိုက်တယ်။

ခရီးမှာကျွန်မအရမ်းပျေ်ာတာပဲ။ စိမ်းစိုနေတဲ့သစ်ပင်တွေ၊ ပတ်ဝန်းကျင်တွေက ကျွန်မကိုလန်းဆန်းစေတယ်။ ခရီးတစ်ခုလုံး မိသားစုလူစုံညီ စလိုက်၊ နောက်လိုက်၊ စားလိုက်၊ သောက်လိုက်နဲ့ ခံစားခဲ့ရတဲ့ဝေဒနာတွေတော့ အစမကျန်အောင်ကို ချက်ချင်းပျောက်သွားသလိုပဲ။ မိသားစုဓာတ်ပုံတွေလည်း ရိုက်ကြတယ်။

ခရီးကပြန်ရောက်ပြီး တစ်နေ့ မမဓာတ်ပုံတွေယူလာတယ်။ ခရီးတုန်းက ရိုက်တဲ့ဓာတ်ပုံတွေ။ ပထမဓာတ်ပုံကြည့်လိုက်တော့ ဖေဖေနေကာမျက်မှန်ကြီးနဲ့ ပင်လယ်ကြီးရှေ့ ဂေါ်နေတဲ့ပုံ။ ကျွန်မ ခွက်ထိုးခွက်လန် ရယ်ရင်းက နောက်တစ်ပုံကြည့်လိုက်တော့…

ကျွန်မလန့်သွားတယ်။ သောင်ပြင်ပေါ်မှာ မေမေနဲ့ မမကြားက မျက်နှာစိမ်းကြီး။ တခြားပုံတွေကြည့်တော့လည်း အဲဒီမျက်နှာစိမ်းပါနေတယ်။ ပြောရရင် ကျွန်မမျက်နှာနေရာမှာပေါ့။ မျက်နှာစိမ်းရဲ့ဘယ်ဘက်ပါးပြင်ပေါ်က ပွန်းရာကြီးတစ်ခု။

ရုတ်ချည်းဆိုသလို ကျွန်မဘယ်ဘက်ပါးပြင်က စပ်ဖျဉ်းဖျဉ်းဖြစ်လာတယ်။ ကျွန်မလက်နဲ့ စမ်းကြည့်လိုက်တော့ ချောမွေ့မနေဘဲ ကြမ်းတမ်းတမ်းနဲ့။ ပေါင်ပေါ်က ဓာတ်ပုံတွေပစ်ချပြီး အိပ်ခန်းထဲပြေးဝင်လိုက်တယ်။ စက္ကန့်ပိုင်းလောက်တွေဝေပြီးမှ သတိဝင်ပြီး သန့်စင်ခန်းထဲပြေး၊ မှန်ထဲကြည့်လိုက်တော့ ဓာတ်ပုံထဲကမျက်နှာစိမ်း။ ဘယ်ဘက်ပါးပြင်က ပွန်းပဲ့ရာ။

ကျွန်မအသက်ရှူတာမမှန်တော့ဘူး။ ခေါင်းတွေလည်းချာချာလည်လာတယ်။ ကျွန်မကဘယ်သူလဲ။ ပွန်းပဲ့ရာနဲ့ တစ်ယောက်လား။ ခပ်ချောချောတစ်ယောက်လား။ ဘယ်သူလဲ။ ဘယ်သူလဲ?

=========================================

ကျွန်မမျက်စိပွင့်လာတော့ ကျွန်မအိပ်ခန်းထဲမှာ။ မေမေရော၊ ဖေဖေရော၊ မမရော ကျွန်မဘေးမှာဝင်ထိုင်နေကြတယ်။ မေမေငိုထားတယ်။ ဒါပေမဲ့ ကျွန်မမသိအောင် ချက်ချင်းသုတ်ပစ်တယ်။ နောက်တော့ အမျိုးသားတစ်ယောက်လည်းရှိနေတယ်။ ကျွန်မမြင်ဖူးသလိုပဲ။ သြော်…သိပြီ။ ကျွန်မကို ဆေးရုံမှာတုန်းက ကုခဲ့တဲ့ဆရာဝန်။ ဆရာကမေမေ့ကိုလှမ်းပြောတယ်။

“အက်စီးဒင့်ဖြစ်ဖူးတဲ့လူနာတော်တော်များများက သက်သာပြီးရင်လည်း ဒီလိုပဲဖြစ်တတ်ကြတယ်။ သူတို့ဖြစ်ခဲ့တာတွေကို ပြန်သတိရတာမျိုးဖြစ်ပြီး ဒီလိုမေ့လဲတတ်ကြတယ်။ စိတ်ထိခိုက်ထားတာလည်းပါတာကိုး။ ကိုယ့် မျက်စိရှေ့ ကိုယ်ချစ်ရတဲ့ သူငယ်ချင်းအရင်းခေါက်ခေါက် ဆုံးရှုံးရတော့လည်း ဒီလိုပဲပေါ့။ ဒါပေမယ့် သူတော်တော်လေးတော့သက်သာလာပါပြီ။ ကျွန်တော်ဆေးတစ်မျိုးရေးပေးထားတယ်။ စိတ်ငြိမ်ပြီး အိပ်ပျေ်ာအောင်လို့။ ဒီနောက်ပိုင်း သူ့ကို စိတ်အပြောင်းအလဲဖြစ်အောင် ခဏခဏအပြင်ခေါ်သွား။ သူစိတ်ကျေနပ်တာလေးတွေ လုပ်ခိုင်း။ အဆင်ပြေသွားလိမ့်မယ်။ ခေါင်းကလည်း အများကြီးထိခိုက်ထားတာ မဟုတ်တော့ ဆေးတွေလည်း ထပ်မလိုပါဘူး။”

ဆရာဝန်ပြန်သွားတော့ ကျွန်မ အကုန်သဘောပေါက်ပြီးနေပြီ။ ပြောရရင် အကုန်ပြန်သတိရပြီ။ ကျွန်မက အမာရွတ်နဲ့တစ်ယောက်ပါ။ လွန်ခဲ့တဲ့တစ်ပတ်တုန်းက ကျွန်မအချစ်ဆုံးသူငယ်ချင်းဖြစ်တဲ့ ကေသီနဲ့ မုန့်ထွက်စားဖို့အသွား တစ်ယောက်နဲ့တစ်ယောက် စနောက်ရင်း ကားတိုက်ခံရတာပါ။ ကျွန်မမဟုတ်ဘူး။ ကျွန်မသူငယ်ချင်း။ ကျွန်မကို မထိတထိစပြီး ရှေ့ကပြေးတာ အရှိန်ပြင်းပြင်း မောင်းလာတဲ့ ကွေ့ကားနဲ့တိုက်မိပြီး ကျွန်မရှေ့တင် သွေးသံရဲရဲနဲ့ဖြစ်သွားတာ။ ကျွန်မလည်း ကားရှပ်တဲ့အရှိန်နဲ့ တစ်ပတ်လည်ပြီး မှောက်ခုံဘေးတစောင်း ကျသွားခဲ့တာပေါ့။ အရှိန်နည်းနည်းပြင်းတော့ ပါးတစ်ခြမ်းပွန်းပြီး ခေါင်းနည်းနည်း ထိသွားတယ်။ ဒါပေမဲ့ မျက်စိရှေ့ သွေးအိုင်ထဲ ပျော့ခွေလဲကျနေတဲ့ ချစ်ရတဲ့သူတစ်ယောက်ရဲ့ နောက်ဆုံးထွက်သက်ကို မြင်ရတာလောက် မနာကျင်ပါဘူး။

ဆေးရုံကဆင်းဆင်းချင်း မှန်ထဲမြင်ရတဲ့ပုံရိပ်က သူ့ပုံရိပ်ပါ။ ဘာကြောင့်ဒီလိုမြင်ရလဲဆိုတာကိုလည်း ကျွန်မသိပါတယ်။ ကျွန်မနဲ့ သူက ၄တန်းကတည်းက သူငယ်ချင်း။ အရမ်းလည်းချစ်ကြတယ်။ ကျွန်မမှာ သူငယ်ချင်း များများစားစားမရှိပါဘူး။ သူက ကျွန်မအတွက် သူငယ်ချင်းတစ်ယောက်ထက်ပိုတယ်။ အမြဲတွဲသွားတွဲလာလုပ်နေကြတာ။ သူမဆုံးခင် ကျွန်မတို့ မုန့်ထွက်စားတုန်းက သူ ကျွန်မကို ထူးထူးဆန်းဆန်းပြောလာတယ်။ “ငါ့ကို နင်ဘယ်တော့မှမမေ့ရဘူးနော်။ ငါသေသွားရင်တောင် နင်ငါ့ကို မေ့လို့မရဘူး။ မေ့လို့ကတော့ သရဲလိုက်ခြောက်ပြီး သတိပေးမှာ။ ” သူပြောတဲ့အတိုင်းပဲ။ ကျွန်မသတိလစ်ပြီး သူ့ကိုမေ့နေတဲ့အချိန်မှာ မှန်ကြည့်တိုင်း သူ့မျက်နှာကိုပဲမြင်နေရတာပေါ့။ ခုတော့ သူလိုချင်တဲ့အတိုင်း ကျွန်မသူ့ကိုသတိရပြီလေ။

“ငါနင့်ကိုဘယ်တော့မှ မမေ့ဘူးသူငယ်ချင်း။” သူ့ဓာတ်ပုံလေးကိုကြည့်ရင်း ကျွန်မကတိပေးလိုက်တယ်။ သူ့ရယ်သံ လွင်လွင်လေးတောင် ကြားလိုက်သလိုပါပဲ… နောက် ကျွန်မ မှန်ကြည့်တဲ့အခါတိုင်း သူ့ကိုတွဲလျက်မြင်နေရမယ်ဆိုတာကိုတော့ ကျွန်မ မသိခဲ့ဘူးပေါ့…

Christina (For Her Myanmar)

Christina Rosy
နာမည်ကတော့ ခရစ္စတီးနားပါ။ အလွတ်တမ်း လက်ထောက်အယ်ဒီတာပေမယ့်လည်း အသက်ကတော့ မနုမရင့် ၂၂ပေါ့။ For Her Myanmarမှာ မိတ်ကပ်ကလွဲပြီး စုံစီနဖာ အကြောင်းစုံရေးနေတဲ့ အစားတစ်လိုင်းအက်ဒမင်ပါ။ ဒီ့အပြင် အချစ်ဇာတ်လမ်းတိုတွေ၊ စိတ်ထဲ မကျေနပ်တဲ့အကြောင်းတွေလည်း ဆောင်းပါးအဖြစ်ထုတ်လုပ်တတ်တယ်။

Leave a Reply

Your email address will not be published. Required fields are marked *