FUN

မာမီတိုင္းရဲ႕ လက္သံုးစကားႀကီး (၅)ခြန္း

မရွိဘူး.. မရွိဘူး… ဒီစကားေတြ မၾကားဖူးတဲ့ ေယာင္း ရွိကို မရွိဘူး 😛 

သားအမိၾကား ဆက္ဆံေရးက ျမန္မာကားေတြထဲကလို ၾကင္ၾကင္နာနာယုယုယယဆက္ဆံေရးမ်ိဳးမဟုတ္ဘူးေနာ္။ မယံုရင္ အတန္းေတြလစ္၊ အလုပ္ေတြပစ္ၿပီး တစ္ရက္ေလာက္ပဲ အိမ္ထဲေအာင္းၾကည့္။ အနည္းဆံုး တစ္ခါေလာက္ေတာ့ အဆူခံမထိရင္ ေယာင္းေတာ့ၿဂိဳဟ္သူမပဲ။ အေမေတြက ရုပ္ရွည္အသြင္အျပင္ဘာညာသာ အခ်င္းခ်င္း မတူၾကတာ။ ဆူလုိက္ေျပာလိုက္ရင္ သံုးတဲ့စကားေတြကေတာ့ တစ္ထပ္တည္းရယ္။ မာမီအသိုင္းအဝိုင္းၾကားမွာ ထင္ရွားတဲ့ လက္စြဲသံုးစကားေတြကေတာ့…

၁။ အဲ့ဒီ ဖုန္းပဲ တစ္ခ်ိန္လံုး ပြတ္ေနတာကိုး။

အခုလို အိုင္တီေခတ္မွာ ဒီစကားမ်ိဳးမေျပာဖူးတဲ့ မာမီမားသားက ေခတ္ေနာက္က်တယ္လုိ႔ေတာင္ ေျပာလို႔ရတယ္ေနာ္။ ဒီေန႔ ကိုယ္ဖုန္းသံုးတာမ်ားေနၿပီဆို သတိနဲ႔ေနပါ။ ေယာင္ယမ္းၿပီး ေခါင္းကိုက္တယ္၊ တစ္မ်ိဳးႀကီးျဖစ္တယ္ ဘာညာသြားမေျပာလုိက္နဲ႔။ “ေအး…နင္ အဲ့ဖုန္းပဲ ပြတ္ေနတာကိုး” ဆိုတဲ့စကားနဲ႔ ပစ္ေပါက္ခံရမယ္မွတ္။ တစ္ရာ့ကိုးတစ္ရာ့တစ္ဆယ္ အက္ဒမင္ဆို အာ့အထာေတြ နပ္ေနၿပီ။

၂။ ငါရွာၿပီးေတြ႔လို႔ကေတာ့ နာၿပီမွတ္။

ဒိုင္နမိုရဲ႕ မ်က္လွည့္ကြက္ေတြေလာက္ေတာ့ မာမီေတြ သနားေသး။ ကိုယ္ဘယ္ရႈေထာင့္ကရွာရွာ ရွာမေတြ႔တဲ့ ပစၥည္းမ်ိဳးကို မာမီမားသားေတြ စကၠန္႔ပိုင္းအတြင္း ရွာေတြ႔ႏုိင္တာ နည္းတဲ့စေကးလား။ တစ္ခါတေလ ကိုယ္မေတြ႔တဲ့ ပစၥည္းက ဘယ္ေလာက္ပဲ အေရးႀကီးေနပါေစ၊ ကိုယ့္အေမလာရွာရင္ မေတြ႔ပါေစနဲ႔လို႔ေတာင္ ႀကိတ္ဆုေတာင္းရတဲ့အျဖစ္။ မဟုတ္ရင္ေတာ့ နားထဲ ဂြမ္းဆို႔ထားေတာ့။

Related Article >>> ေယာင္းအေမရဲ႕ က်န္းမာေရးက ေယာင္းရဲ႕ က်န္းမာေရးနဲ႔ ဆက္စပ္မႈရွိတယ္ဆိုတာ တကယ္လား?

၃။ နင့္အေဖ အခ်ိဳးေတြ မခ်ိဳးနဲ႔။

အေဖနဲ႔အေမၾကား စစ္ေတြဘာေတြျဖစ္ထားရင္ သတိထား၊ ၿငိမ္ၿငိမ္ေလးသာေန။ အခ်ိဳးမေျပတာတစ္ခုခုမ်ား ေယာင္ယမ္းၿပီးလုပ္ၾကည့္။ ကိုယ့္ကိုဆူသလိုလို၊ သူ႔ခင္ပြန္းကိုဆူသလိုလုိနဲ႔ “နင္အေဖအခ်ိဳးေတြ မခ်ိဳးနဲ႔”ဆိုၿပီး တစ္ခ်က္ခုတ္ႏွစ္ခ်က္ျပတ္အကြက္ေတြ နင္းလိမ့္မယ္။ အဟြင္း.. အံခြေနၿပီ…

၄။ အားကို မကိုးရဘူး။

ကိုယ့္မွာ အားလပ္ရက္ဆို နာမည္ေကာင္းမ်ား ရမလားဆိုၿပီး တတ္ႏုိင္သေလာက္ေလး တံျမက္လွည္း၊ အဝတ္ေလွ်ာ္၊ မီးပူတုိက္ ဘာညာ ကူညီေနတုန္းကေတာ့ မာမီေတြ ျပံဳးေနႏုိင္ေသး။ ဧည့္သည္တစ္ေယာက္ေယာက္ကမ်ား “နင္ပိန္သြားတာပဲ” ဆိုတဲ့ စကားမ်ိဳးမေျပာလိုက္နဲ႔။ “အမေလး၊ ဒီအိမ္မွာ ကိုယ္တစ္ေယာက္တည္း မနက္မိုးလင္းကတည္းကေန ညမိုးခ်ဳပ္ထိ လုပ္ရတာကိုး။”

အဲ့ဒီအခ်ိန္မ်ား အလုိက္မသိတဲ့ ေရႊဧည့္သည္ေတာ္က “နင့္သမီးကို ကူခုိင္းေပါ့” လို႔ မီးေလးေမႊးေပးလိုက္ရင္ ဇာတ္သိမ္းဖုိ႔လြယ္သြားၿပီ။ “အားကို မကိုးရဘူး”ဆိုတဲ့ တံဆိပ္ေလး ကိုယ့္နဖူးေပၚ ေအာ္တုိေရာက္လုိ႔။

Related Article >>> စမတ္က်က် ေယာကၡမ အပိုင္ခ်ဳပ္နည္း (၇)မ်ိဳး

၅။ ငါအေမလား နင္အေမလား။

အေမက ဒါဆို ဒါလုိက္၊ ဟိုဟာဆို ဟိုဟာလုိက္။ လွ်ာကေလးရွည္ျပီး ဒါက ဟိုဟာပါ၊ ဟုိဟာက ဒါပါဆိုၿပီး အထြန္႔လိုက္တက္ရင္ေတာ့ “ငါအေမလား နင္အေမလား”ဆိုၿပီး ပါးစပ္ကေလးကို ဖူးလ္စေတာ့ ခ်ေပးလိုက္မွာပါ။

လြယ္ေတာ့မလြယ္ဘူးေယာင္းေရ။ တုိက္ဆိုင္လို႔မ်ား ဒီပို႔စ္ကိုရွယ္မယ္ဆုိရင္ေတာ့ မာမီမားသားကို Except လုပ္ဖို႔မေမ့နဲ႔ေနာ္။ မဟုတ္ရင္ မာလကီးယားသြားမယ္။ တျခား လက္စြဲသံုးစကားၾကီးေတြရွိရင္လည္း မန္႔ထဲမွာ မွ်ေဝေပးၾကဦးေနာ္ 😛

Christina (For Her Myanmar)

<<< Unicode >>>

မရှိဘူး.. မရှိဘူး… ဒီစကားတွေ မကြားဖူးတဲ့ ယောင်း ရှိကို မရှိဘူး 😛 

သားအမိကြား ဆက်ဆံရေးက မြန်မာကားတွေထဲကလို ကြင်ကြင်နာနာယုယုယယဆက်ဆံရေးမျိုးမဟုတ်ဘူးနော်။ မယုံရင် အတန်းတွေလစ်၊ အလုပ်တွေပစ်ပြီး တစ်ရက်လောက်ပဲ အိမ်ထဲအောင်းကြည့်။ အနည်းဆုံး တစ်ခါလောက်တော့ အဆူခံမထိရင် ယောင်းတော့ဂြိုဟ်သူမပဲ။ အမေတွေက ရုပ်ရှည်အသွင်အပြင်ဘာညာသာ အချင်းချင်း မတူကြတာ။ ဆူလိုက်ပြောလိုက်ရင် သုံးတဲ့စကားတွေကတော့ တစ်ထပ်တည်းရယ်။ မာမီအသိုင်းအဝိုင်းကြားမှာ ထင်ရှားတဲ့ လက်စွဲသုံးစကားတွေကတော့…

၁။ အဲ့ဒီ ဖုန်းပဲ တစ်ချိန်လုံး ပွတ်နေတာကိုး။

အခုလို အိုင်တီခေတ်မှာ ဒီစကားမျိုးမပြောဖူးတဲ့ မာမီမားသားက ခေတ်နောက်ကျတယ်လို့တောင် ပြောလို့ရတယ်နော်။ ဒီနေ့ ကိုယ်ဖုန်းသုံးတာများနေပြီဆို သတိနဲ့နေပါ။ ယောင်ယမ်းပြီး ခေါင်းကိုက်တယ်၊ တစ်မျိုးကြီးဖြစ်တယ် ဘာညာသွားမပြောလိုက်နဲ့။ “အေး…နင် အဲ့ဖုန်းပဲ ပွတ်နေတာကိုး” ဆိုတဲ့စကားနဲ့ ပစ်ပေါက်ခံရမယ်မှတ်။ တစ်ရာ့ကိုးတစ်ရာ့တစ်ဆယ် အက်ဒမင်ဆို အာ့အထာတွေ နပ်နေပြီ။

၂။ ငါရှာပြီးတွေ့လို့ကတော့ နာပြီမှတ်။

ဒိုင်နမိုရဲ့ မျက်လှည့်ကွက်တွေလောက်တော့ မာမီတွေ သနားသေး။ ကိုယ်ဘယ်ရှုထောင့်ကရှာရှာ ရှာမတွေ့တဲ့ ပစ္စည်းမျိုးကို မာမီမားသားတွေ စက္ကန့်ပိုင်းအတွင်း ရှာတွေ့နိုင်တာ နည်းတဲ့စကေးလား။ တစ်ခါတလေ ကိုယ်မတွေ့တဲ့ ပစ္စည်းက ဘယ်လောက်ပဲ အရေးကြီးနေပါစေ၊ ကိုယ့်အမေလာရှာရင် မတွေ့ပါစေနဲ့လို့တောင် ကြိတ်ဆုတောင်းရတဲ့အဖြစ်။ မဟုတ်ရင်တော့ နားထဲ ဂွမ်းဆို့ထားတော့။

Related Article >>> ယောင်းအမေရဲ့ ကျန်းမာရေးက ယောင်းရဲ့ ကျန်းမာရေးနဲ့ ဆက်စပ်မှုရှိတယ်ဆိုတာ တကယ်လား?

၃။ နင့်အဖေ အချိုးတွေ မချိုးနဲ့။

အဖေနဲ့အမေကြား စစ်တွေဘာတွေဖြစ်ထားရင် သတိထား၊ ငြိမ်ငြိမ်လေးသာနေ။ အချိုးမပြေတာတစ်ခုခုများ ယောင်ယမ်းပြီးလုပ်ကြည့်။ ကိုယ့်ကိုဆူသလိုလို၊ သူ့ခင်ပွန်းကိုဆူသလိုလိုနဲ့ “နင်အဖေအချိုးတွေ မချိုးနဲ့”ဆိုပြီး တစ်ချက်ခုတ်နှစ်ချက်ပြတ်အကွက်တွေ နင်းလိမ့်မယ်။ အဟွင်း.. အံခွနေပြီ…

၄။ အားကို မကိုးရဘူး။

ကိုယ့်မှာ အားလပ်ရက်ဆို နာမည်ကောင်းများ ရမလားဆိုပြီး တတ်နိုင်သလောက်လေး တံမြက်လှည်း၊ အဝတ်လျှော်၊ မီးပူတိုက် ဘာညာ ကူညီနေတုန်းကတော့ မာမီတွေ ပြုံးနေနိုင်သေး။ ဧည့်သည်တစ်ယောက်ယောက်ကများ “နင်ပိန်သွားတာပဲ” ဆိုတဲ့ စကားမျိုးမပြောလိုက်နဲ့။ “အမလေး၊ ဒီအိမ်မှာ ကိုယ်တစ်ယောက်တည်း မနက်မိုးလင်းကတည်းကနေ ညမိုးချုပ်ထိ လုပ်ရတာကိုး။”

အဲ့ဒီအချိန်များ အလိုက်မသိတဲ့ ရွှေဧည့်သည်တော်က “နင့်သမီးကို ကူခိုင်းပေါ့” လို့ မီးလေးမွှေးပေးလိုက်ရင် ဇာတ်သိမ်းဖို့လွယ်သွားပြီ။ “အားကို မကိုးရဘူး”ဆိုတဲ့ တံဆိပ်လေး ကိုယ့်နဖူးပေါ် အော်တိုရောက်လို့။

Related Article >>> စမတ်ကျကျ ယောက္ခမ အပိုင်ချုပ်နည်း (၇)မျိုး

၅။ ငါအမေလား နင်အမေလား။

အမေက ဒါဆို ဒါလိုက်၊ ဟိုဟာဆို ဟိုဟာလိုက်။ လျှာကလေးရှည်ပြီး ဒါက ဟိုဟာပါ၊ ဟိုဟာက ဒါပါဆိုပြီး အထွန့်လိုက်တက်ရင်တော့ “ငါအမေလား နင်အမေလား”ဆိုပြီး ပါးစပ်ကလေးကို ဖူးလ်စတော့ ချပေးလိုက်မှာပါ။

လွယ်တော့မလွယ်ဘူးယောင်းရေ။ တိုက်ဆိုင်လို့များ ဒီပို့စ်ကိုရှယ်မယ်ဆိုရင်တော့ မာမီမားသားကို Except လုပ်ဖို့မမေ့နဲ့နော်။ မဟုတ်ရင် မာလကီးယားသွားမယ်။ တခြား လက်စွဲသုံးစကားကြီးတွေရှိရင်လည်း မန့်ထဲမှာ မျှဝေပေးကြဦးနော် 😛

Christina (For Her Myanmar)

Christina Rosy
နာမည္ကေတာ့ ခရစၥတီးနားပါ။ အလြတ္တမ္း လက္ေထာက္အယ္ဒီတာေပမယ့္လည္း အသက္ကေတာ့ မႏုမရင့္ ၂၂ေပါ့။ For Her Myanmarမွာ မိတ္ကပ္ကလြဲျပီး စံုစီနဖာ အေၾကာင္းစံုေရးေနတဲ့ အစားတစ္လိုင္းအက္ဒမင္ပါ။ ဒီ့အျပင္ အခ်စ္ဇာတ္လမ္းတိုေတြ၊ စိတ္ထဲ မေက်နပ္တဲ့အေၾကာင္းေတြလည္း ေဆာင္းပါးအျဖစ္ထုတ္လုပ္တတ္တယ္။

Leave a Reply

Your email address will not be published. Required fields are marked *