ဗယ္လင္တုိင္းေဒးတြင္ ေခ်ာကလက္ ငတ္ရျခင္း၏ ေကာင္းက်ိဳး(၅)ခ်က္

မသိေသးရင္ လာဖတ္သြားဦး ဟြင္းဟြင္း…

ဗယ္လင္တုိင္းေဒး ဆိုတာနဲ႔ ေခ်ာကလက္ခ်ည္း ျမင္ေနၾကတာ ဘာသေဘာလဲေတာ့ မသိဘူး။ ဒီၾကားထဲ ကိုယ့္အလုပ္နဲ႔ ကုိယ္ ေအးေဆးေနေနတဲ့ FA ေတြကို ခလုတ္လာတုိက္ၾကေသး။ ေခ်ာကလက္ ဝယ္ေကၽြးမယ့္သူ မရွိဘူးဆိုၿပီး… အဲဒီေတာ့ ဘာျဖစ္လဲ။ ဘာမွမျဖစ္ဘူး။  ဗယ္လင္တိုင္းေဒးမွာ ေခ်ာကလက္မစားရင္ ဒီလုိအက်ိဳးေက်းဇူးေတြေတာင္ ရဦးမယ္။ မသိရင္ ဖတ္လိုက္ဦး။ 

၁။ ေခ်ာင္းမဆိုးျခင္း။

ေခ်ာကလက္အစစ္၊ ေခ်ာကလက္အေကာင္းစား ဒီေလာက္ေဈးႀကီးတာကို လူတုိင္းက ဘယ္ေကၽြးႏုိင္ပါ့မလဲ။ အဲဒီေတာ့ ေခ်ာကလက္အေပါစားေတြနဲ႔ စပရုိက္တိုက္ ဂ်င္းထည့္၊ အဲ့ဒါကိုစားေတာ့ ေခ်ာင္းဆိုးမွာေပါ့။ FA ေတြကေတာ့ ဒီလုိျပႆနာေတြဘယ္ျဖစ္ပါ့မလဲ။ ဟင္းဟင္း။ 

၂။ စမတ္က်ျခင္း။

ေခ်ာကလက္ႀကီးေတြ ဓာတ္ပံုရုိက္တင္ၿပီး ေပၚပင္လုပ္ျခင္းက သင့္ကို စမတ္မက်ေစပါဘူူးေနာ္.. :3 မ်က္စိေနာက္ လူအျမင္ကတ္တဲ့အလုပ္ကို မလုပ္ရတာ ဘယ္ေလာက္ေတာင္ စမတ္က်သလဲ။ 

Related Article >>> ခ်စ္သူမ်ားေန႔မွာ စင္ဂယ္လ္ ျဖစ္ေနရျခင္းရဲ႕ အားသာခ်က္မ်ား

၃။အစားအစာ အလဟႆျဖဳန္းတီးရာမေရာက္ျခင္း။

ဘဲၾကည္ေစာ္ေတြ၊ ေစာ္ၾကည္ဘဲေတြျဖစ္ရတာ တကယ္ေတာ့ မေကာင္းပါဘူး။ စဥ္းစားၾကည့္ေလ။ ေခ်ာကလက္ေတြ ပိုးစိုးပက္စက္ရၿပီး ဘယ္ေလာက္စားႏုိင္မတုန္း။ မစားႏုိင္ဘဲ ပစ္လုိက္ရင္ အလဟႆျဖဳန္းတီးရာေရာက္တာေပါ့။ ကိုယ္ေတြဆို အဲဒီလို သဘာဝႀကီးကိုလည္း ဒုကၡမေပးဘူး… အစားအစာေတြကိုလည္း မျဖဳန္းတီးဘူး 😛

၄။ အဆီမတက္ျခင္း။

ေခ်ာကလက္ တစ္ကိုက္အတြက္နဲ႔ အဆီပိုေတြကို အားမေပးသင့္ပါဘူး ေယာင္းေရ။ ေခ်ာကလက္ ငတ္ျခင္းသည္ ဗစ္တိုးရီးယားစီးကြက္ ေမာ္ဒယ္တစ္ေယာက္လို လွပလာေစမည္ … အယ္လယ္.. 

၅။ ထူးျခားတယ္လို႔ ခံစားရျခင္း။

ေယာင္းတုိ႔ေရာ မခံစားရဘူးလား။ ႏို႔နံ႔မစင္ေသးတဲ့ကေလးေတြေတာင္ ေခ်ာကလက္ေတြရၾက၊ စားၾက၊ ႂကြားၾကနဲ႔ ကိုယ္ေတြလို တည္ၿငိမ္ေနတဲ့ FAေလးေတြ ေခ်ာကလက္ငတ္ရတာ ဘယ္ေလာက္ေတာင္ ထူးျခားတယ္မွတ္သလဲ။ ဂလု(ဂ်ဲလမက္မ်ိဳသံ 😛 )..

ကဲ..ေခ်ာကလက္ငတ္ရျခင္းရဲ႕အက်ိဳးေက်းဇူးေတြ သိၿပီဆိုေတာ့ ေယာင္းကို တစ္ေယာက္ေယာက္ကမ်ား ကဲ့ရဲ႕ၿပီး ဟားလာတိုက္ရင္ တစ္လံုးတည္းေျပာလိုက္ပါ။ “ေခ်ာကလက္မစားဖူးမွန္းသိပ္သိသာတာပဲ” လို႔ေလ…

ေခ်မိုးႏိုင္ၾကပါေစ ေယာင္းတို႔ေရ…

Christina ( For Her Myanmar )

<<< Unicode >>>

မသိသေးရင် လာဖတ်သွားဦး ဟွင်းဟွင်း…

ဗယ်လင်တိုင်းဒေး ဆိုတာနဲ့ ချောကလက်ချည်း မြင်နေကြတာ ဘာသဘောလဲတော့ မသိဘူး။ ဒီကြားထဲ ကိုယ့်အလုပ်နဲ့ ကိုယ် အေးဆေးနေနေတဲ့ FA တွေကို ခလုတ်လာတိုက်ကြသေး။ ချောကလက် ဝယ်ကျွေးမယ့်သူ မရှိဘူးဆိုပြီး… အဲဒီတော့ ဘာဖြစ်လဲ။ ဘာမှမဖြစ်ဘူး။ ဗယ်လင်တိုင်းဒေးမှာ ချောကလက်မစားရင် ဒီလိုအကျိုးကျေးဇူးတွေတောင် ရဦးမယ်။ မသိရင် ဖတ်လိုက်ဦး။

၁။ ချောင်းမဆိုးခြင်း။

ချောကလက်အစစ်၊ ချောကလက်အကောင်းစား ဒီလောက်ဈေးကြီးတာကို လူတိုင်းက ဘယ်ကျွေးနိုင်ပါ့မလဲ။ အဲဒီတော့ ချောကလက်အပေါစားတွေနဲ့ စပရိုက်တိုက် ဂျင်းထည့်၊ အဲ့ဒါကိုစားတော့ ချောင်းဆိုးမှာပေါ့။ FA တွေကတော့ ဒီလိုပြဿနာတွေဘယ်ဖြစ်ပါ့မလဲ။ ဟင်းဟင်း။

၂။ စမတ်ကျခြင်း။

ချောကလက်ကြီးတွေ ဓာတ်ပုံရိုက်တင်ပြီး ပေါ်ပင်လုပ်ခြင်းက သင့်ကို စမတ်မကျစေပါဘူူးနော်.. :3 မျက်စိနောက် လူအမြင်ကတ်တဲ့အလုပ်ကို မလုပ်ရတာ ဘယ်လောက်တောင် စမတ်ကျသလဲ။

Related Article >>> ချစ်သူများနေ့မှာ စင်ဂယ်လ် ဖြစ်နေရခြင်းရဲ့ အားသာချက်များ

၃။ အစားအစာ အလဟဿဖြုန်းတီးရာမရောက်ခြင်း။

ဘဲကြည်စော်တွေ၊ စော်ကြည်ဘဲတွေဖြစ်ရတာ တကယ်တော့ မကောင်းပါဘူး။ စဉ်းစားကြည့်လေ။ ချောကလက်တွေ ပိုးစိုးပက်စက်ရပြီး ဘယ်လောက်စားနိုင်မတုန်း။ မစားနိုင်ဘဲ ပစ်လိုက်ရင် အလဟဿဖြုန်းတီးရာရောက်တာပေါ့။ ကိုယ်တွေဆို အဲဒီလို သဘာဝကြီးကိုလည်း ဒုက္ခမပေးဘူး… အစားအစာတွေကိုလည်း မဖြုန်းတီးဘူး 😛

၄။ အဆီမတက်ခြင်း။

ချောကလက် တစ်ကိုက်အတွက်နဲ့ အဆီပိုတွေကို အားမပေးသင့်ပါဘူး ယောင်းရေ။ ချောကလက် ငတ်ခြင်းသည် ဗစ်တိုးရီးယားစီးကွက် မော်ဒယ်တစ်ယောက်လို လှပလာစေမည် … အယ်လယ်..

၅။ ထူးခြားတယ်လို့ ခံစားရခြင်း။

ယောင်းတို့ရော မခံစားရဘူးလား။ နို့နံ့မစင်သေးတဲ့ကလေးတွေတောင် ချောကလက်တွေရကြ၊ စားကြ၊ ကြွားကြနဲ့ ကိုယ်တွေလို တည်ငြိမ်နေတဲ့ FAလေးတွေ ချောကလက်ငတ်ရတာ ဘယ်လောက်တောင် ထူးခြားတယ်မှတ်သလဲ။ ဂလု(ဂျဲလမက်မျိုသံ 😛 )..

ကဲ..ချောကလက်ငတ်ရခြင်းရဲ့အကျိုးကျေးဇူးတွေ သိပြီဆိုတော့ ယောင်းကို တစ်ယောက်ယောက်ကများ ကဲ့ရဲ့ပြီး ဟားလာတိုက်ရင် တစ်လုံးတည်းပြောလိုက်ပါ။ “ချောကလက်မစားဖူးမှန်းသိပ်သိသာတာပဲ” လို့လေ…

ချေမိုးနိုင်ကြပါစေ ယောင်းတို့ရေ…

Christina ( For Her Myanmar )

No Comments Yet

Comments are closed