မိခင်မေတ္တာကို သေချာခံစားရစေမယ့် စာအုပ်လေး (၂)အုပ်

မိခင်မေတ္တာနဲ့ ပတ်သက်လို့ ဖွဲ့ထားတာတွေ အများကြီးရှိတဲ့ထဲကမှ အက်ဒ်မင်က ဒီတစ်ပတ်တော့ စာအုပ်လေး ၂အုပ်ကို ညွှန်းပေးချင်ပါတယ်။ 

အမေနဲ့ပက်သက်ရင် ဘယ်တော့မှ ဖွဲ့နွဲ့လို့မကုန်တတ်ကြပါဘူး။ ဘယ်သောအခါမှလည်း ဖွဲ့လို့ကုန်နိုင်မယ် မထင်ပါဘူး။  အမေတစ်ယောက်ရဲ့ မေတ္တာတွေ ပေးဆပ်မှုတွေက လူသားတွေရှိနေသ၍ကတော့ ဆက် ဆက်ရှိနေဦးမှာပါပဲ။ အမေ အကြောင်းတွေကို ဇာတ်ကားတွေရိုက်ကူးကြတယ်။ ဒါပေမဲ့ ဇာတ်ကားရိုက်လိုက်တာထက် အမေ့အကြောင်းကို တကယ့်ဖြစ်ရပ်မှန်တွေကို ရိုးရိုးလေးပဲ စကားလုံးရှင်းရှင်းလေးပဲ ရေးထားတဲ့စာအုပ်နှစ်အုပ်ရှိပါတယ်။

ပထမ  တစ်အုပ်က ဆရာမ ဒေါ်ခင်ကြူကြူတင် ရဲ့ ”ခူ စားခံရသော ချယ်ရီရွက်ရင့်များ” ဆိုတဲ့ စာအုပ်ပါ။ ပခုက္ကူ ဦးအုံးဖေရဲ့ စာပေဆုကိုလည်း ရရှိထားတဲ့ စာအုပ်တွေထဲက တစ်အုပ်ဖြစ်ပြီး လွန်ခဲ့နှစ်ပေါင်းသုံးဆယ်ကျော်က အစိုးရဝန်ထမ်းမိသားစုရဲ့ စီးပွားရေးကို အခြေခံထားတဲ့ ဇာတ်လမ်းကောင်း တစ်ပုဒ်ပါ။ သားခြောက်ယောက် သမီး တစ်ယောက်ရှိတဲ့ ဒီမိသားစုကြီးမှာ ယောက်ျားတစ်ယောက်လုပ်စာနဲ့ ဘယ်လိုမှ မလောက်ငနိုင်ခဲ့ပါဘူး။ လူကောင်သေးသေးဖြစ်တဲ့ အမေ မခင်သစ်ဟာ ဒီသားသမီးတွေကို ကျောင်းထားဖို့  ဘယ်လိုတွေ ရုန်းကန်ခဲ့တာတွေ၊ အစိုးရလိုင်းခန်းမှာ ကလေးတစ်ပြုံကြီးနဲ့ လူပြောမခံရအောင် နေထိုင်ခံရပုံတွေကို အထင်းသားမြင်ရမှာပါ။ ဒီသားသမီးတွေနဲ့ အစိုးရဝန်ထမ်းယောက်ျားရဲ့ နောက်ကို အစဉ်အမြဲလိုက်နေလို့ ဘယ်လိုမှ  အဆင်မပြေတော့ အမေ မခင်သစ် ပြင်ဦးလွင်ကွက်သစ်မှာ အိမ်ဝိုင်းဝယ်ဖို့ ကြိုးစားရတယ်။ ကလေး ၇ယောက် နဲ့ တစ်ဗိုက်ကို လွယ်ထားရချိန်မှာ မရှိ ရှိတာ ရောင်းချပြီး အိမ်ဆောက်လို့မပြီးခင်  အစိုးရဝန်ထမ်းဖြစ်တဲ့ ယောက်ျားက နယ်ကိုပြောင်းဖို့ စာထွက်လာပါတယ်။ ဒီအခါကလေးတွေရဲ့ ကျောင်းပညာရေးကြောင့် မခင်သစ်က ယောက်ျားနောက်ကို မလိုက်တော့ဘူး။ သူ့မှာ ကလေးတွေနဲ့ဆိုတော့ အလုပ်ကလည်း မလုပ်နိုင်ဘူးလေ ဒါကြောင့် တစ်လတစ်ခါ ပိုက်ဆံပုံမှန်လွဲဖို့ပဲ ယောက်ျားကို အဓိကမှာရရှာတယ်။

အတန်းတွေ တစ်တန်းပြီး တစ်တန်းကြီးလာတဲ့ သားသမီးတွေရဲ့ ပညာရေးကို အားပေးတတ်တဲ့ မခင်သစ် ၊ မိန်းမနဲ့ဝေးတဲ့ နေရာတစ်နေရာမှာ နေတာကြာလာတဲ့အခါ ဖောက်ပြန်နေတဲ့ ယောက်ျားရဲ့သတင်းတွေကြားရလည်း ဘယ်လိုအကြောင်းတွေကြောင့် ငိုလို့တောင်မရတဲ့ စိတ်အားမာန်တွေ မွေးထားတဲ့ သားသမီးတွေရဲ့ ပညာရေးက ဆုံးခန်းတိုင်ဖို့ ရိုးရိုးလေးပဲ ဆုံးမတဲ့ မခင်သစ်စကားတွေဟာ သားသမီးတွေဆီ ဘယ်လောက်ထိရောက်လဲ ဆိုတာ တွေကို ဒီစာအုပ်မှာ ဖတ်ရင်းဖတ်ရင်း မျက်ရည်ဝဲရမှာပါ။ မခင်သစ်ရဲ့ ယောက်ျားက  နောက်မီးပဲ ဆက်လင်းမလား ၊ သားသမီးတွေကပဲ မခင်သစ်ကို ပျော်ရွှင်စေမလားဆိုတာ ဖတ်ရင်းနဲ့  အမေတစ်ယောက်ရဲ့မေတ္တာဖွဲ့စာအုပ် ဆရာမ ခင်ကြူကြူတင်ရဲ့”ခူ စားခံရသော ချယ်ရီရွက်ရင့်များ” ကို ဖတ်ကြည့်စေချင်ပါတယ်။

Related Article >>> ပျော်ရွှင်ခြင်းရဲ့ အဓိပ္ပာယ်ကို စာအုပ်ထဲမှာ ရှာကြမယ်

ဒုတိယတစ်အုပ်ကတော့ ဆရာမ နိုင်းနိုင်းစနေက ကိုရီးယားဘာသာကနေ မြန်မာဘာသာကို ပြန်ထားတဲ့ ”ကျေးဇူးပြု၍ မေမေ့ကို ကြည့်ရှု စောင့်ရှောက်ပါ”ဆိုတဲ့ စာအုပ်ပါ။ မူရင်းစာအုပ်ကတော့ အာရှဆိုင်ရာ စာပေဆုကိုလည်း ရထားတဲ့ စာအုပ်ဖြစ်သလို ကိုရီးယားနိုင်ငံရဲ့ တစ်နှစ်လုံး နံပါတ်တစ် စွဲထားတဲ့ အရောင်းကောင်းဆုံး စာအုပ်ပါ။

ဒီစာအုပ်ကို အက်ဒ်မင်က အမြဲတမ်းပြန်ဖတ်ဖြစ်ပါတယ်။ ဖတ်တိုင်းလည်း မရိုးရသလို အသစ် အသစ်သော ရသတွေကိုလည်း ပေးစွမ်းနိုင်တဲ့စာအုပ်ပေါ့။
အမေနဲ့ သိပ်မတည့်တဲ့ အက်ဒ်မင်အတွက်တော့ ဒီစာအုပ်ဖတ်တိုင်း အမေ့အပေါ်ထားတဲ့ သံယောဇဉ်နဲ့ပတ်သက်ပြီး ဖော်မပြတတ်တဲ့ သံစဉ်တစ်မျိုးကို အမြဲခံစားရစမြဲပါပဲ။ အမေ့ထက် အဖေ့ကို ပိုချစ်တဲ့ သူဆိုတော့ ဒီစာအုပ်ဖတ်တိုင်း ”သြော် အမေမှာလည်း ရည်မှန်းချက်ဆိုတာရှိမှာပဲ”၊ ”အမေဆိုတာလည်း ဖျားနာတတ်တာပါပဲလား” ”အမေ့ဆိုရင် ဘာမဆိုပြန်ပြီး တိုင်ပင်လို့ ရတယ် ၊ ပြောပြလို့ရတယ်” လို့ လည်းစိတ်ထဲမှာ မှတ်ယူမိခဲ့တယ်”။

ကမ္ဘာပေါ်မှာ လူတိုင်း အနှစ်သက်ဆုံးစကား၊ အဓိပ္ပာယ်အရှိဆုံး စကားလုံးက ဘယ်ဟာပါလဲတဲ့ ?

အဖြေကကတော့ ”အမေ ”ဆိုတဲ့ စကားလုံးပါတဲ့လေ။

အင်တာနက်မှာ ဖတ်လိုက်မိတဲ့ဆောင်းပါးတစ်ပုဒ်က ပြောပါတယ်။”လူတိုင်း လူတိုင်းမှာ အဖေမပေါ်ဘဲမွေးတဲ့ ကလေးပဲရှိတယ်တဲ့ အမေမပေါ်ဘဲ မွေးတဲ့ကလေးဆိုတာ တစ်ယောက်မှ မရှိပါတဲ့လေ” ။

မှန်ပါတယ်။

ဘာသာပြန် ဆောင်းပါးတော်တော်များများဟာ နေရာဒေသလိုက်ပြီး ကွဲပြားကောင်းကွဲပြားကြပါတယ်။ဓလေ့ မတူ၊ ဘာသာမတူ၊ မွေးဖွားကြီးပြင်းရာ ဒေသ အလိုက်ကွဲပြားလို့ အဖြစ်အပျက်တွေဟာ တစ်နေ့တစ်မျိုး မရိုးရအောင် ဖြစ်ပျက်နေကျ စမြဲပါ။ ဒီစာအုပ်မှာတော့ ကမ္ဘာပေါ်မှာရှိတဲ့ မိခင်တိုင်း အမေတိုင်းရဲ့ သားသမီးအပေါ်ထားတဲ့ စေတနာကတော့ 100% ထပ်တူကျလွန်းလှတာကို တွေ့ရပါလိမ့်မယ်။
ဒီစာအုပ်ကိုကတော့ အက်ဒ်မင်က အမေကိုချစ်သူတိုင်းရော၊ အဖေ့ကိုချစ်သူတိုင်းရော ဖတ်သင့်တဲ့စာအုပ်လို့သာ ပြောလိုက်ချင်ပါတော့တယ်။

ကိုရီးဟား မေမေ ဟာ သားသမီးတွေဆီ ယောက်ျားနဲ့ လာလည်ရင်း ဆိုးလ်ဘူတာမှာ ပျောက်ဆုံးသွားတာကနေ ဇာတ်လမ်းဖွဲ့ထားပါတယ်။ မေမေ့ကို ရှာရင်း နဲ့ သားသမီး ငါးယောက်လုံးဟာ တစ်ယောက်အပေါ် တစ်ယောက် အပြစ်တွေလွဲချ ကြတယ်။ အသက်ကြီးသွားလို့ လမ်းပျောက်သွားကာမှ သူတို့မေမေဟာ စာမတတ်တာကို ပထမဆုံး သိကြတဲ့ အခြေအနေပါ။ သတင်းစာထဲမှာ ပြန်ရှာတွေ့သူကို ဆုချီးမြှင့်မယ်မယ် ကြေညာကြတယ်။ သားသမီးတွေထဲမှ စာရေးဆရာမ ဖြစ်တဲ့ စာရေးသူက မေမေ့ရဲ့ အကြောင်းကို ပြန်ပြောပြသလို ပုံစံနဲ့ သားသမီးတစ်ဦးချင်းဆီတိုင်းစီရဲ့ စိတ်ခံစားချက်တွေ ၊ ကိုရီးယားမေမေရဲ့ သားသမီးတစ်ဦးချင်းစီအပေါ် အလိုလိုက်ခံပုံတွေ ၊ ဖုန်းမဆက်တဲ့ သားသမီးတွေဆီ လည်ပင်းရှည်အောင်မျှော်ရတဲ့ ကိုရီးယားမေမေရဲ့ ငယ်ဘဝတွေ၊ တောရွာက မေမေရဲ့ ပုံစံကို သူမြင်သလို ဖွဲ့ပြထားပါတယ်။

ဇာတ်လမ်းက ရိုးရှင်းပါတယ် ။ သာမာန်မိသားစုကနေ သားသမီးတွေရဲ့ကြီးပျင်းမှုကို လိုက်မမီတဲ့ မေမေတစ်ယောက်အကြောင်းပါပဲ။ သားသမီးတွေက ပစ်ထားတာမဟုတ်ပေမယ့် ပစ်ထားသလို ဖြစ်နေရတဲ့ မေမေတစ်ယောက်ရဲ့ သည်းခံမှုတွေပါ။ ပျောက်ဆုံးသွားမှ မေမေ့ရဲ့ နေထိုင်ပုံ ယူဆပုံ သူတို့အတွက် ဘယ်လောက် အလုပ် လုပ်ခဲ့ရတဲ့ မေမေဆိုတာ ပျောက်သွားမှ သိကြတဲ့သားသမီးတွေက မေမေ့ကို ရှာတွေ့လား။ ဖေဖေနဲ့အတူ ရထားစီးလာတာတောင် ဘယ်လိုအကြောင်းတွေကြောင့် ကိုရီးယား မေမေဟာ ပျောက်သွားရတာလဲ ။ မေမေ့ကို ပြန်ရှာတွေ့မတွေ့ ဆိုတာကအစ တစ်ယောက်ချင်းစီရဲ့ ကိုရီးယားမေမေရဲ့ ဖြတ်သန်းခဲ့ရတဲ့ အမေဆိုတာ ဒါပါလားလို့ ပြောထားတဲ့စာအုပ်ပါပဲ။

ဒီစာအုပ်လေးတွေ ဖတ်ပြီးရင် ချက်ချင်းထမေးမှာက ”ငါ့ မေမေမှာရော ရည်မှန်းဆိုတာ ရှိလား ။ မေမေဆိုတာ မေမေဖြစ်ဖို့ပဲ လို့ ကိုယ်ကတွေးမိနေသလား”ဆိုတာ ဒီစာအုပ်ဖတ်မိတာနဲ့ မေမေရဲ့ ချစ်ခြင်းမေတ္တာတွေကို ထင်းထင်းလင်းလင်းခံစားမိမှာဖြစ်သလို ချက်ချင်း မေမေ့ကို ပြေးဖက်ချင်မိမှာ သေချာပေါက်ပါပဲ။ ဖတ်ကြည့်လိုက်ကြဦးနော် ယောင်းတို့…

Wai Zin ( For Her Myanmar )

Wai Zin
Wai Zin

နာမည်ကတော့ ဝေဇင်ဦး ပါ။အသက်ကတော့ ၂၄ ။စာပေနဲ့ပတ်သက်ရင် ဝါသနာက တားမနိုင်စီးမရ မို့လို့ စာတွေရေးရမယ်ဆို ထမင်းမေ့ ဟင်းမေ့တတ်တဲ့သူပေါ့။ အမျိုးသမီးထု အတွက် တစ်တပ်တစ်အားဖြစ်ရမယ် ဆ်ိုတဲ့ ခံယူချက်ကို လက်ကိုင်ထားရင်း စာတွေပိုရေးဖြစ်ပါတယ်။

error: Content is protected !!