လှပသာယာတဲ့ တောင်ပေါ်မြို့လေး Darjeeling ရဲ့နောက်ကွယ်က အကျည်းတန်တဲ့လျှို့ဝှက်ချက်

သာယာလှပလွန်းတယ်……ဒါပေမဲ့ သူ့နောက်ကွယ်က

အိန္ဒိယနိုင်ငံရဲ့ တောင်ပေါ်ဒေသဖြစ်တဲ့ Darjeeling ဆိုတဲ့မြို့နယ်လေးဟာ ကမ္ဘာကျော်မြို့လေးဖြစ်ပါတယ်။ မြန်မာနိုင်ငံက ပြင်ဦးလွင်နဲ့ ကလောတို့လိုပဲ…. အဲ့ဒီဒေသဟာ အင်္ဂလိပ် ကိုလိုနီခေတ်က အင်္ဂလိပ်အရာရှိတွေအပူရှောင် အပန်းဖြေဖို့ရည်ရွယ်ပြီး Darjeeling မြို့ကလေးကို တည်ထောင်ခဲ့တာပါ။

Darjeeling ရဲ့အဓိကစီးပွားရေးကတော့ ကျောင်းသားဘော်ဒါဆောင်တွေနဲ့ လက်ဖက်စိုက်တဲ့လုပ်ငန်းဖြစ်ပါတယ်။ အိန္ဒိယ၊ နီပေါ၊ ဘင်္ဂလားဒေရှ့်အစရှိတဲ့ဒေသက လူငယ်တွေဟာ Darjeeling မြို့မှာ ဘော်ဒါကျောင်းတက်ကြပါတယ်။ မြန်မာပြည်မှာဆိုရင် ရုပ်ရှင်မင်းသားကြီးဦးညွန့်ဝင်းဟာ တစ်ခေတ်က Darjeeling မြို့မှာ ကျောင်းတက်ဖူးပါတယ်။ Darjeeling လက်ဖက်ခြောက် ဟာလည်း ကမ္ဘာအနှံ့ကိုတင်ပို့ရပြီး နာမည်ကြီးပါတယ်။ လေ့လာစရာတွေများတဲ့ Darjeeling မှာ ခရီးသွားလည်ပတ်သူတွေများပြားတာကြောင့် ဒေသတွင်းစီးပွားရေးကိုအထောက်အကူဖြစ်ပါသေးတယ်။

Darjeeling မြို့နဲ့ပတ်သက်ပြီး တခြားနာမည်ကြီးတဲ့အရာတစ်ခုလည်း ရှိပါသေးတယ်။ အဲ့ဒါကတော့ သရဲခြောက်တာပါ။ အထူးဖြင့် Dow တောင်ကုန်းဟာ သရဲတစ္ဆေအခြောက်ဆုံးနေရာဖြစ်တယ်လို့ ဆိုကြပါတယ်။ အဲ့ဒီတောင်ကုန်းဟာ Darjeeling မြို့ရဲ့ အကွာအဝေးမှာရှိပြီး သာယာတဲ့ရာသီဥတုနဲ့ နေလို့ကောင်းတဲ့ အရပ်ဖြစ်ပါတယ်။ ဒါ့အပြင် ကျောင်းသားဘော်ဒါဆောင်တွေကလည်း တောင်ကုန်းနဲ့ အနီးနားတစ်ဝိုက်မှာတည်ရှိပါတယ်။

Related article >>> ကလေးတွေပြောတဲ့ ခြောက်ခြားဖွယ်ရာအကြောင်း(၇)ခု

ခြောက်ခြားဖွယ်ရာတောအုပ်

လှပသာယာတဲ့ ဒီတောင်ကုန်းမှာ အကျည်းတန်တဲ့အချက်တစ်ခုကတော့ သရဲတစ္ဆေအရမ်းခြောက်တဲ့အကြောင်းပါ။  ဒေသခံတွေရဲ့အပြောအရ ဒီတောင်ကုန်းပေါ်မှာ လူတွေအစုလိုက်အပြုံလိုက်သေဆုံးဖူးတယ်လို့ ဆိုပါတယ်။ ဒါကြောင့်လည်း ဒီတောင်ကုန်းပေါ်မှာ သရဲတစ္ဆေတွေမကြာခဏခြောက်တာပါတဲ့။ ဒီတောင်ကုန်းနဲ့ပတ်သက်တဲ့ သွေးပျက်ဖွယ်ရာ သရဲ၊ တစ္ဆေပုံပြင်တွေအများကြီးရှိပါတယ်။

Related article >>> Blue Whale(သို့) ခြောက်ခြားစရာ စိတ္တဇဂိမ်းတစ်မျိုး

ဒေသခံတွေ အပြောများဆုံးကတော့ မကြာခဏတွေ့ရတတ်တဲ့ ခေါင်းပြတ်ကောင်လေးတစ်ယောက်အကြောင်းပါပဲ။ Dow တောင်ကုန်းလမ်းနဲ့ သစ်တောရုံးကိုဆက်သွယ်ထားတဲ့ လမ်းတစ်လမ်းရှိပြီး အဲ့ဒီလမ်းကို မရဏလမ်းလို့ ဒေသခံတွေကခေါ်ဆိုကြပါတယ်။ ဒီခေါင်းပြတ်ကောင်လေးဟာ မရဏလမ်းပေါ်မှာ လမ်းလျှောက်နေတာကိုမကြာခဏတွေ့ရတတ်ပြီး တောအုပ်ထဲကိုဝင်ရောက်ပျောက်ကွယ်သွားတတ်ပါသတဲ့။

တောင်ကုန်းနားတစ်ဝိုက်ကသစ်တောတွေဟာလည်း နာမည်ကြီးပါပဲ။ သစ်တောထဲကိုရောက်သွားတာနဲ့ ကျောချမ်းသလိုလို၊ကြက်သီးထသလိုလိုထူးဆန်းတဲ့ခံစားချက်တစ်မျိုးကို ခံစားရလေ့ရှိပြီး ကိုယ့်နောက်ကိုတစ်ယောက်ယောက်လိုက်လာသလိုလို ကိုယ့်ကို တစ်ယောက်ယောက်က စောင့်ကြည့်နေသလိုလို ထင်မိစေသတဲ့။ သစ်တောထဲကို ရောက်ဖူးသူတွေက မျက်လုံးနီတစ္ဆေကို မကြာခဏဆုံတွေ့ရလေ့ရှိတယ်လို့ ဆိုကြပါတယ်။ ဒါ့အပြင် မိန်းမအသံနဲ့ အော်ဟစ်နေတာကို သစ်တောထဲမှာကြားကြရပါသတဲ့။ သစ်တောထဲကိုရောက်ဖူးသူတွေဟာ အမြဲခြောက်ခြားဖွယ်ရာကြုံရပြီး သည်းခြေပျက်သွားတာတွေ၊ ကိုယ့်ကိုယ်ကိုယ် သတ်သေသွားတာတွေ ဖြစ်တတ်ပါသတဲ့။

Victoria အမျိုးသားအထက်တန်းကျောင်း

အဲ့ဒီဒေသမှာ Victoria ယောက်ျားလေးအထက်ကျောင်းဆိုတဲ့ ဘော်ဒါကျောင်းတစ်ခုရှိပြီး အဲ့ဒီကျောင်းဟာလည်း တစ္ဆေခြောက်ခြင်းနဲ့ နာမည်ကြီးပါတယ်။ ကျောင်းပိတ်ထားတဲ့ ဒီဇင်ဘာကနေ မတ်လအထိအတွင်း ကျောင်းမှာလူမရှိချိန်မှာတောင် တီးတိုးစကားသံတွေ၊ ခြေသံတွေ၊ ထူးထူးခြားခြားအသံတွေ ကျောင်းပတ်ဝန်းကျင်ကနေကြားလေ့ရှိတယ်လို့ဆိုကြပါတယ်။

Related article >>> သင့်ကို စိတ်လှုပ်ရှား ခြောက်ခြားသွားစေမယ့် ဇာတ်ကားများ

အဲ့ဒီဒေသမှာထူးခြားတဲ့အရာတစ်ခုလည်းရှိပါသေးတယ်။ သူတို့ကတော့ ယောဂီလို့ခေါ်တဲ့ လူတွေပါ။ သူတို့တွေဟာ ညဘက်မှာ Dow တောင်ကုန်းနဲ့ အနီးအနားတစ်ဝိုက်ကို မကောင်းဆိုးဝါး၊ နာနာဘာဝတွေရဲ့ ရန်ကနေကာကွယ်ပေးကြပါသတဲ့။ ညအချိန်သန်းခေါင်ကျော်ပြီဆိုတာနဲ့ ယောဂီအုပ်စုဟာ အဲ့ဒီဒေသတစ်ဝိုက်ကို လှည့်ပတ်ပြီး ဂါထာမန္တရားတွေ ရွတ်ဆိုကြပါသတဲ့။ ဒီတောင်ကုန်းဒေသဟာ ဆိတ်ငြိမ်တဲ့အရပ်ဖြစ်လို့ ညအချိန်မှာ ပိုခြောက်ခြားစရာကောင်းပြီး ဒီလို ဂါထာမန္တရားတွေ ရွတ်ဆိုလှည့်လည်နေကြတဲ့ ယောဂီအုပ်စုကိုတွေ့ရတာ၊ သူတို့ရွတ်ဆိုတဲ့ ဂါထာမန္တရားသံတွေကြားရတာ တစ်မျိုးခြောက်ခြားစရာကောင်းပါသတဲ့။

ယောင်းတို့အနေနဲ့ ဒီလိုလှပအေးချမ်းတဲ့ နာမည်ကျော် Darjeeling ဒေသကို သွားရောက်လည်ပတ်ချင်ကြပါသလား။ ကြောက်စရာကောင်းတဲ့ ခံစားချက်ကိုရော ခံစားကြည့်ချင်ပါသလား။ အက်ဒ်မင်ကတော့ စိတ်ဝင်စားစရာကောင်းတဲ့ Darjeeling မြို့လေးကို တစ်သက်မှာတစ်ခါပဲဖြစ်ဖြစ်သွားကြည့်ချင်ပါသေးတယ်။

Sugar Cane ( For Her Myanmar )

No Comments Yet

Leave a Reply

Your email address will not be published.